Divya Bhaskar

Home » NRG » Middle East » Relief for Indian workers as Kuwait announces amnesty

વીઝાની મુદત પૂરી થઇ ગયા પછી કુવૈતમાં રહેનારા ભારતીયોને રાહત, પેનલ્ટી નહીં લાગે

Divyabhaskar.com | Updated - Jan 27, 2018, 10:35 AM

વીઝાની મુદત પૂરી થઇ ગયા પછી પણ રોકાઇ ગયેલા ભારતીયોને કુવૈત સરકારે પેનલ્‍ટીમાંથી મુક્‍તિ આપવાનો નિર્ણય લીધો છે

  • Relief for Indian workers as Kuwait announces amnesty
    +2બીજી સ્લાઈડ્સ જુઓ

    કુવૈતઃ વીઝાની મુદત પૂરી થઇ ગયા પછી પણ રોકાઇ ગયેલા ભારતીયોને કુવૈત સરકારે પેનલ્‍ટીમાંથી મુક્‍તિ આપવાનો નિર્ણય લીધો છે.

    આવા સંજોગો ત્યારે જ ઉભા થાય છે જ્યારે નોકરીમાં રાખનાર કંપનીઓ કામદારોને પગાર નથી ચૂકવતી. પરંતુ હવે કંપનીમાંથી પગાર ન મળ્યો હોય ત્યારે નાણાંના આપાવે વતનમાં પરત નહીં ફરી શકનાર ભારતીયોને રાહત થશે. કારણ કે વીઝાની મુદત પૂરી થઇ ગયા પછીના દિવસો માટે 2 કુવેતી દિનાર એટલે કે પ્રતિદિન ૪૨૪ રૂપિયા પેનલ્‍ટી તરીકે ભરવા પડતા હતા. પરંતુ હવે કુવૈતી સરકારે આ પેનલ્ટી ભરવામાંથી માફી આપી છે. પેનલ્‍ટી માફી ૨૯ જાન્‍યુથી ૨૨ ફેબ્રુ ૨૦૧૮ દરમિયાન લાગુ પડશે. ઉપરાંત આ માફીના કારણે ભારતીય કામદારો ફરીથી નોકરી કરવા માટે કુવૈત જઇ શકશે તેવું સુત્રો જણાવે છે.


    કુવૈતી સરકારના આ નિર્ણયથી ગેરકાયદે વસવાટ કરનારા વર્કર્સને પણ રાહત થશે. કારણ કે વીઝા એક્સપાર્યડ થયા બાદ તેમના પાસપોર્ટ જપ્ત કરી દેવામાં આવે છે. રાજ્યકક્ષાના વિદેશ પ્રધાન વી.કે.સિંહ તાજેતરમાં કુવૈતની મુલાકાતે હતા ત્યારે આ મુદ્દે ચર્ચા થઇ હતી. વી.કે.સિંહે ખાતરી આપી હતી કે કુવૈતી સરકાર સાથે ચર્ચા કરીને પેનલ્ટી દૂર કરવામાં આવશે જો કે તેઓ કામદારોને ફુલ પગાર મળશે કે કેમ તે અંગે કોઇ આશ્વાસન આપી શક્યા નહીં.

  • Relief for Indian workers as Kuwait announces amnesty
    +1બીજી સ્લાઈડ્સ જુઓ

    ચાલુ મહિનાની શરૂઆતમાં મીડિયામાં આવેલા રિપોર્ટ અનુસાર કુવૈતમાં લગભગ 4000 જેટલા ભારતીય વર્કર્સને પગાર ન મળવાના કારણે મુશ્કેલીઓ વેઠવી પડી છે. ખરાફી નેશનલ કન્સ્ટ્રક્શન કંપની દ્ધારા રોકવામાં આવેલા કામદારોને કંપનીએ એમ કહીને પગાર ચૂકવવાની ના પાડી કે કંપની પાસે ફન્ડની કમી છે. વી.કે.સિંહની કુવૈતની મુલાકાતમાં આ મુદ્દો ઉઠ્યો હતો જેમાં ભારત પાછા ફરવા માંગતા કામદારોને પેનલ્ટીમાંથી મુક્તિ આપવાનો નિર્ણય લેવાયો છે.

  • Relief for Indian workers as Kuwait announces amnesty

    જો કે કંપનીએ નોકરી છોડીને ગયેલા કામદારોને તેમના બાકી પગારના 25થી 33 ટકા સુધી ચૂકવવાની ખાતરી આપીને પાછા ઓફર લેટર મોકલ્યા છે પરંતુ કામદારો સંપૂર્ણ પગાર ચૂકવવાની માંગ કંપની સમક્ષ કરી રહ્યા છે. તો કેટલાક પગાર વગર જ ભારત પાછા ફરીને વધુ હેરાનગતિ ઉઠાવવા નથી માંગતા

ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From NRG

Trending