Home » NRG » Gujarat » 7.80 lakh has been theft from the house of a woman officer appointed by First Secretary in Russia

રશિયામાં ફર્સ્ટ સેક્રેટરી નિમાયેલાં મહિલા અધિકારીના ઘરમાંથી 7.80 લાખની ચોરી

Divyabhaskar.com | Updated - Mar 14, 2018, 11:24 AM

તસ્કરો બારીની લોખંડની ગ્રીલ તોડી ઘરમાં ઘૂસ્યા

  • 7.80 lakh has been theft from the house of a woman officer appointed by First Secretary in Russia

    અમદાવાદ: ઈન્ડિયન ફોરેન સર્વિસ (આઈએફએસ) માં રશિયા મોસ્કોમાં ફર્સ્ટ સેક્રેટરી તરીકે નિમણૂક થતા પતિ અને બે સંતાનો સાથે રશિયા ગયેલાં મહિલા અધિકારીના ઘરમાંથી તસ્કરો રૂ.7.80 લાખના દાગીના ચોરી ગયા છે. તસ્કરો બારીની લોખંડની ગ્રીલ તોડી અંદર ઘૂસ્યા હોવાનું તપાસમાં જાણવા મળ્યું હતું.


    મોસ્કોમાં નિમણૂક થતા પતિ અને બે સંતાનો સાથે ગયાં હતાં

    મેમનગર સરકારી વસાહતની સામે આવેલી તીર્થનગર સોસાયટીના મકાન નંબર- 42 માં વૃંદાબા. એલ. ગોહિલ પતિ તેમજ બે સંતાનો સાથે રહેતાં હતાં. વૃંદાબા અગાઉ અમદાવાદમાં એડિશનલ વિજિલન્સ કમિશનર તરીકે ફરજ બજાવતાં હતાં. પરંતુ તેમની ટ્રાન્સફર ઈન્ડિયન ફોરેન સર્વિસ ડિપાર્ટમેન્ટમાં થતાં તેમને રશિયાના મોસ્કોમાં ફર્સ્ટ સેક્રેટરી તરીકેનું પોસ્ટિંગ અપાયું હતું.

    જેથી વૃંદાબા પતિ પીયૂષકુમાર રાવલ અને બે બાળકો સાથે 3 માર્ચ 2018 ની રાતે મેમ્કો જવા નીકળ્યા હતા. પીયૂષકુમાર ફેમિલીફ્રેન્ડ શૈલેશકુમાર નાનચંદ શાહને ઘરની દેખરેખની જવાબદારી સોંપીને ગયાં હતાં. 10 માર્ચે શૈલેશકુમારે મકાનની સાફ સફાઇ કરાવી હતી અને બીજા દિવસે તેમના ભત્રીજાની સગાઇ હોવાથી શૈલેશકુમાર વૃંદાબાના ઘરે ગયા ન હતા.

    જ્યારે તા.12 માર્ચે બપોરે 2 વાગ્યે શૈલેશકુમારે વૃંદાબાના ઘરે જઇને જોયું તો બાળકોના બેડરૂમની બારીની લોખંડની ગ્રીલ પલંગ ઉપર પડી હતી. જ્યારે તિજોરી તેમજ સામાન વેરવિખેર પડ્યો હતો.

    આ અંગે શૈલેશકુમારે ઘાટલોડિયા પોલીસ સ્ટેશનમાં ફરિયાદ નોંધાવતા પોલીસે ગુનો નોંધી તપાસ શરૂ કરી છે.

    શું શું ચોરાયું
    તસ્કરો તિજોરીમાંથી રાડો કંપનીની 2 ઘડિયાળ અને સોના ચાંદીના દાગીના મળીને કુલ રૂ.7.80 લાખના મત્તાની ચોરી ગયા હતા. ઘાટલોડિયા પોલીસ સ્ટેશનમાં ફરિયાદ નોંધાવતા પોલીસે ગુનો નોંધી તપાસ શરૂ કરી છે.

ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From NRG

Trending