Divya Bhaskar

Home » NRG » Gujarat » israel is the favourite destination among gujarati

ગુજરાતના 1000થી વધુ યુવાનો ઇઝરાયલમાં, નોકરી માટે બન્યું હોટફેવરિટ

Divyabhaskar.com | Updated - Jan 17, 2018, 04:03 PM

ગુજરાતના એક જિલ્લાના સૌથી વધુ યુવાન-યુવતીઓ ઇઝરાયલમાં નોકરી માટે સ્થાયી થયા છે

  • israel is the  favourite destination among gujarati
    +2બીજી સ્લાઈડ્સ જુઓ
    ગુજરાતના એક જિલ્લાના સૌથી વધુ યુવાન-યુવતીઓ ઇઝરાયલમાં નોકરી માટે સ્થાયી થયા છે

    અમદાવાદ: ઇઝરાયલના પીએમ નેતન્યાહૂ જ્યારે ગુજરાતની મુલાકાતે છે ત્યારે તમને એ જાણીને આશ્ચર્ય થશે કે ગુજરાતના એક જિલ્લાના સૌથી વધુ યુવાન-યુવતીઓ ઇઝરાયલમાં નોકરી માટે સ્થાયી થયા છે. પોરબંદર અને આસપાસના વિસ્તારોના ૧૦૦૦થી પણ વધુ યુવક-યુવતીઓ હાલ ઇઝરાયલમાં નોકરી કરી રહ્યા છે. ત્યાંના નર્સિંગ અને કેર-ટેકીંગ ક્ષેત્રમાં પોરબંદરના યુવક-યુવતીઓ વધુ પ્રમાણમાં છે. આફ્રિકા, બ્રિટન કે યુએઈની જગ્યાએ હવે અહીં ઈઝરાયલ જવાનો ટ્રેન્ડ પ્રચલિત થયો છે.


    ઇઝરાયલ હોટ ફેવરિટ


    ગુજરાતી હંમેશા દરિયાખેડૂ પ્રજા રહી છે. ગુજરાતીઓ વેપાર-વ્યવસાય માટે અમેરિકા, બ્રિટન, કેનેડા, આખાતી દેશો કે આફ્રિકન દેશોમાં વેપાર-વ્યાવસાય માટે સ્થળાંતર કરતા રહ્યા છે. તેમાં પણ પોરબંદર અને આપસાસનો વિસ્તાર આ સાહસિકતા માટે વધુ જાણીતો છે. હવે અહીં અમેરિકા, બ્રિટન, આફ્રિકા કે યુએઈની જગ્યાએ ઇઝરાયલ જવાનો ટ્રેન્ડ શરૃ થયો છે. અહીંના ૧૦૦૦થી પણ વધુ યુવક-યુવતીઓ હાલ ઈઝરાયલમાં છે, આ યુવક યુવતીઓ ત્યાં નર્સિંગ અને કેર-ટેકિંગના વ્યવસાય સાથે જોડાયેલા છે. જૂનાગઢ અને પોરબંદર વચ્ચે આવેલા માણાવદર તાલુકાના કોઠડિયા ગામનો મુળિયાસિયા પરિવાર ત્રીસ વર્ષ પહેલાં નોકરી-ધંધાની શોધ અર્થે ઈઝરાયલ પહોંચ્યો હતો.

  • israel is the  favourite destination among gujarati
    +1બીજી સ્લાઈડ્સ જુઓ
    ફાઇલ ફોટોઃ જેરુસલેમ, ઇઝરાયેલ

    ઇઝરાયલની યહૂદી યુવાપેઢી મોટાભાગે વ્યવસાય અને કારકિર્દી માટે વિદેશ સ્થાયી થવાનું પસંદ કરે છે અને નિવૃત્તિ બાદ વતન પરત સ્થાયી થાય છે. તેથી આ યુવાનો માતા-પિતાની સારસંભાળ માટે કર-ટેકરને નોકરી પર રાખે છે. ઉપરાંત અહીંની હોસ્પિટલોમાં પણ નર્સિંગ સ્ટાફની અછત રહે છે. અહીંના લોકો મુખ્યત્વે વિદેશ જવા માટે આફ્રિકા, બ્રિટન અથવા દુબઇની પસંદગી કરતા હતા, પરંતુ હવે તેમના માટે ઇઝરાયલ નવા આકર્ષણ તરીકે ઉભુ થયું છે. ત્યાં સ્થાયી થયેલા ઘણાં લોકોની બીજી પેઢી પણ ત્યાં જ જન્મી અને ઉછરી રહી છે. 


    યહૂદી યુવાપેઢી તેમનાથી દૂર આવેલા માતા-પિતાના સારસંભાળ માટે સારાં પૈસા ખર્ચે છે તેથી હાલ આ વિસ્તારના યુવાનોમાં ઇઝરાયલ જવાનો ટ્રેન્ડ વધી રહ્યો છે. ઘણાં યુવાનો હવે મેનપાર સપ્લાય કરતી કંપનીની જગ્યાએ તેમના ઇઝરાયલ સ્થાયી થયેલા પરિવારજનો દ્વારા અથવા આપમેળે વિઝા માટે અરજી કરી ઇઝરાયલ જઈ રહ્યા છે. 

     

  • israel is the  favourite destination among gujarati
    ફાઇલ ફોટોઃ પોરબંદર

    પોરબંદરમાં હિબ્રુ ભાષાના ક્લાસ 


    ગુજરાતના અન્ય શહેરોમાં જેમ ફ્રેન્ચ, જર્મન કે ચાઈનીઝ ભાષાના ક્લાસ ચાલે છે તેમ પોરબંદરમાં હિબુ્ર શીખવાડવામાં આવે છે. ઇઝરાયલની સત્તાવાર ભાષા હિબુ્ર હોવાથી ત્યાં કામ કરવામાં સરળતા રહે તે માટે પોરબંદરમાં હિબુ્ર ભાષાનું કોચિંગ પણ કરાવવામાં આવે છે. જેમાં ઇઝરાયલ જવા માગતા ઘણાં યુવાનો આ ભાષા શીખીને ઇઝરાયલ જવાનું પસંદ કરે છે તેમજ જેમને વિઝા મંજૂરી હોય તેઓ પણ પૂર્વતૈયારૃપે અહીંથી હિબુ્ર શીખીને જાય છે.

ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From NRG

Trending