Divya Bhaskar

Home » NRG » Gujarat » હેતલ દવે ભારતની સૌ પ્રથમ મહિલા સૂમો પહેલવાન છે | Hetal Dave is breaking wrestling gender stereotypes

મળો, ભારતની પ્રથમ મહિલા સુમો પહેલવાનને, કરે છે આવી મુશ્કેલીઓનો સામનો

Divyabhaskar.com | Updated - May 01, 2018, 07:07 PM

કોઇ સ્પોન્સર્સ નહીં હોવાના કારણે તે વિદેશમાં યોજાતી કોમ્પિટિશનમાં જઇ નથી શકતી

  • હેતલ દવે ભારતની સૌ પ્રથમ મહિલા સૂમો પહેલવાન છે | Hetal Dave is breaking wrestling gender stereotypes
    +4બીજી સ્લાઈડ્સ જુઓ
    હેતલ દવે ઇન્ટરનેશનલ સુમો કોમ્પિટિશનમાં ઘણીવાર ભારતું પ્રતિનિધિત્વ કરી ચૂકી છે

    એનઆરજી ડેસ્કઃ મૂળ રાજસ્થાનના રૂઢીવાદી બ્રાહ્મણ સમાજમાંથી આવતી હેતલ દવે બાળપણથી જ કંઇક અલગ કરવા માંગતી હતી. નાની હતી ત્યારે પિતાએ જ કરાટે ક્લાસમાં મોકલી અને આજે હેતલ ભારતની સૌપ્રથમ મહિલા સુમો પહેલવાન છે. જો કે, આ મહિલા સુમો પહેલવાનની સફળતાની કહાની એટલી સરળ નથી.

    તાઇવાનમાં કુશ્તી પહેલવાન તરીકે 5મું સ્થાન

    - 31 વર્ષીય હેતલ દવેએ 2009માં તાઇવાનમાં વિશ્વ સુમો કુશ્તી કોમ્પિટિશનમાં 5મું સ્થાન મેળવ્યું હતું.

    - જો કે, ભારતમાં સુમો કુશ્તીને માન્યતા પ્રાપ્ત રમતનો દરજ્જો નહીં હોવાના કારણે અનેક કોમ્પિટિશનમાં હેતલ ભારતનું પ્રતિનિધિત્વ નથી કરી શકતી.

    - સુમો કુશ્તીમાં પોતાનું કરિયર બનાવવાની ઇચ્છા ધરાવતી હેતલને અનેક મુશ્કેલ પરિસ્થિતિઓનો સામનો કરવો પડ્યો છે.

    - કોઇ સ્પોન્સર્સ નહીં હોવાના કારણે તે વિદેશમાં યોજાતી કોમ્પિટિશનમાં જઇ નથી શકતી. કારણ કે તેણે આ કોમ્પિટિશનમાં ભાગ લેવા માટે પોતાની સાથે કોચનો પણ ખર્ચ ઉઠાવવો પડે છે.

    અનેક વખત કર્યો હારનો સામનો


    - સુમો કુશ્તી પહેલવાન હેતલે પોતાનું ધ્યાન અન્ય વસ્તુઓથી હટાવીને રમત પર કેન્દ્રિત કર્યુ, તેણે સાત વર્ષની ઉંમરે પહેલી ટૂર્નામેન્ટ રમી.
    - હેતલ કહે છે કે, મેં ઘણીવાર હારનો સામનો કર્યો છે. કદાચ અન્ય કોઇ વ્યક્તિ હોત તો આ રમત ક્યારની છોડી દીધી હોત. પરંતુ મેં ઘણી મહેનત કરી અને કરિયરને આગળ વધારવાનો નિર્ણય કર્યો.
    - બાળપણમાં તેની ઉંમરના બાળકો જ્યારે કાર્ટૂન જોવામાં વ્યસ્ત હતા, તે સમયે હેતલ જેકી ચેનની ફિલ્મો જોતી. હેતલના પિતાએ જ તેની કરાટે ક્લાસમાં ભરતી કરાવી. આજે હેતલ દવે ભારતની સૌપ્રથમ સુમો પહેલવાન છે.

    સુમો પહેલવાનમાં અત્યાર સુધી માત્ર પુરૂષોનું આધિપત્ય


    - હેતલ રાજસ્થાનના એક રૂઢીચુસ્ત બ્રાહ્મણ પરિવારમાંથી આવે છે. એક એવો સમાજ જ્યાં છોકરીઓને ઘરની બહાર જવાની પણ મંજૂરી નથી હોતી.
    - હેતલ આ અંગે કહે છે કે, સુમો પહેલવાન એક તો એવી રમત છે જેમાં માત્ર પુરૂષોનું આધિપત્ય છે. પુરૂષો રમે તો પણ અડધા કપડાં પહેરીને! આ રમતને અમારાં સમુદાયમાં ખૂબ જ અપમાનજનક ગણવામાં આવે છે. પરંતુ મેં ક્યારેય લોકોના બોલવાની પરવા કરી જ નથી.

    આગળની સ્લાઇડ્સમાં જાણો, સુમો પહેલવાન તરીકે હેતલની સફળતા અને નિષ્ફળતાની વાતો...

  • હેતલ દવે ભારતની સૌ પ્રથમ મહિલા સૂમો પહેલવાન છે | Hetal Dave is breaking wrestling gender stereotypes
    +3બીજી સ્લાઈડ્સ જુઓ
    હેતલ દવે તેના ભાઇ અક્ષય દવે સાથે, પ્રેક્ટિસ દરમિયાન

    પરિવારે આપ્યો ભરપૂર સાથ


    - હેતલ દવે ઇન્ટરનેશનલ સુમો કોમ્પિટિશનમાં ઘણીવાર ભારતું પ્રતિનિધિત્વ કરી ચૂકી છે. આ સમયે તેના માતા-પિતા અને ભાઇ અક્ષય દવે સતત તેની સાથે રહ્યા. 
    - હેતલ કહે છે કે, મારાં પરિવારને ખ્યાલ હતો કે, મારું હિત શેમાં છે. તેથી જ અભ્યાસમાં ઓછા માર્ક્સ મુદ્દે મારાં પરિવારે ક્યારેય મને કશું જ નથી કહ્યું. હું મારાં સપનાઓ પુરાં કરુ તે મારાં માતા-પિતાએ હંમેશા મને પ્રોત્સાહિત કરી છે. મારું પહેલેથી જ લક્ષ્ય હતું કે, મને ઓલ્મપિયન તરીકે લોકો મને ઓળખે. 
    - માત્ર પરિવાર જ નહીં, હેતલ જ્યારે નવમાં ધોરણમાં નાપાસ થઇ ત્યારે તેને સ્કૂલમાંથી કાઢી મુકી. અન્ય સ્કૂલમાં જતાં તેઓ અન્ય વિકલ્પો સમજી ગયા અને બદલાતા સમયની સાથે તેણે ડગ માંડ્યા. નવી શાળાના શિક્ષકોએ તેને સહકાર આપ્યો. 
    - હેતલ કહે છે, કોલેજમાં મારા સ્પોર્ટ્સના ટીચર મને ઘણાં પ્રોત્સાહિત કરતા. તેમણે એક પિતા તરીકે મને માર્ગદર્શન આપ્યું. 

     

  • હેતલ દવે ભારતની સૌ પ્રથમ મહિલા સૂમો પહેલવાન છે | Hetal Dave is breaking wrestling gender stereotypes
    +2બીજી સ્લાઈડ્સ જુઓ
    હેતલનો ઉદ્દેશ્ય છે, આપણાં દેશને સુમો પહેલવાનીમાં વધુમાં વધુ મેડલ મળે

    સુમો પહેલવાન તરીકે દેશ માટે વધુમાં વધુ મેડલ લાવવાની ઇચ્છા 


    - આજે હેતલ એક સુમો ટીચર તરીકે ફરજ બજાવે છે. તે ઇચ્છે છે કે, સુમો પહેલવાની અંગે વધુમાં વધુ જાગૃતિ આવવી જોઇએ અને તે વિશે ફેલાયેલી ગેરસમજ દૂર થવી જોઇએ. 
    - ઘણાં બાળકો સુમો તરીકે કરિયર બનાવવા ઇચ્છે છે, પરંતુ યોગ્ય ટ્રેનિંગ ઇન્સ્ટિટ્યૂટ નહીં હોવાના કારણે, ઉપરાંત લોકોનો પુરતો સહકાર નહીં મળતો હોવાના કારણે તેઓ પોતાના સપનાં પુરા કરી શકતા નથી. 
    - હેતલનો ઉદ્દેશ્ય છે કે, આવી પ્રતિભાઓને મદદ મળે અને આપણાં દેશને સુમો પહેલવાનીમાં વધુમાં વધુ મેડલ મળે. હેતલ ગર્વથી કહે છે, મને એક રાષ્ટ્રીય ચેમ્પિયનના શિક્ષક તરીકે જોવામાં આવે છે અને હું આવી જ રીતે લોકોને શીખવાડતી રહીશ. 

     

  • હેતલ દવે ભારતની સૌ પ્રથમ મહિલા સૂમો પહેલવાન છે | Hetal Dave is breaking wrestling gender stereotypes
    +1બીજી સ્લાઈડ્સ જુઓ
    હેતલ દવેએ 2009માં તાઇવાનમાં વિશ્વ સુમો કુશ્તી કોમ્પિટિશનમાં 5મું સ્થાન મેળવ્યું હતું.
  • હેતલ દવે ભારતની સૌ પ્રથમ મહિલા સૂમો પહેલવાન છે | Hetal Dave is breaking wrestling gender stereotypes
    સુમો કુશ્તીમાં પોતાનું કરિયર બનાવવાની ઇચ્છા ધરાવતી હેતલને અનેક મુશ્કેલ પરિસ્થિતિઓનો સામનો કરવો પડ્યો છે.
ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From NRG

Trending