Home » NRG » Gujarat » ICSSR to conduct research on NRI brides in country

NRI સાથે લગ્ન કરીને છેતરાયેલી મહિલાઓનો સર્વે થશે, સરકારી એજન્સીની વિચારણા

Divyabhaskar.com | Updated - Jan 27, 2018, 11:09 AM

એવા ઘણાં કિસ્સા છે જેમાં યુવકે પોતાની પત્નીને છોડી દીધી હોય કે પોતાના અંગે ખોટી જાણકારી આપી હોય.

  • ICSSR to conduct research on NRI brides in country
    +2બીજી સ્લાઈડ્સ જુઓ

    ન્‍યુદિલ્‍હીઃ વિદેશોમાં વસતા ભારતીયો વતનમાં આવી લગ્ન કરે છે પરંતુ આવા લગ્નો કેટલા ટકે છે તેમજ ભારતથી વિદેશ જતી યુવતીઓ સાથે કેવો વર્તાવ થાય છે તથા તેમને શા કારણે પરત ફરવું પડે છે સહિતની બાબતોનું સંશોધન કરવાનુ ‘ઇન્‍ડિયન કાઉન્‍સીલ ઓફ સોશિઅલ સાયન્‍સ રિસર્ચ '(ICSSR) દ્વારા વિચારણા હેઠળ

    છે.


    NRI યુવક સાથે અકિલા લગ્ન કરી સુખી જીંદગી જીવવા માટે હોંશે હોંશે વિદેશ જતી યુવતીઓ સાથે થતી છેતરપીંડીના કિસ્‍સાઓ બહાર લાવવા તેમજ આ અંગે સચોટ નિરાકરણ લાવવા ઉપરોક્‍ત સંશોધન કરાશે. આ માટે જરૂરી માહિતી એકત્ર કરવાનું શરૂ કરાયું છે. એકવાર મંજૂરી મળે પ્રોજેક્ટ શરૂ થશે તેમ સુત્રો જણાવે છે.


  • ICSSR to conduct research on NRI brides in country
    +1બીજી સ્લાઈડ્સ જુઓ

    ICSSRની યોજના


    માનવ સંસાધન વિકાસ મંત્રાલય હેઠળ આવનારા સંગઠન ‘ઇન્‍ડિયન કાઉન્‍સીલ ઓફ સોશિઅલ સાયન્‍સ રિસર્ચ '(ICSSR) દેશમાં એનઆરઆઇ કન્યાઓ પર સંશોધન કરવાની યોજના બનાવી રહી છે. ICSSRના અધ્યક્ષ બી.બી.કુમારે જણાવ્યું કે પ્રવાસી ભારતીય પુરૂષો પોતાના દેશમાં લગ્ન કરવા ઇચ્છુક હોય છે પરંતુ આમાના ઘણાં લગ્નો ઘણીવાર સફળ નથી થતા. 

  • ICSSR to conduct research on NRI brides in country

    એવા ઘણાં કિસ્સા છે જેમાં યુવકે પોતાની પત્નીને છોડી દીધી હોય કે પોતાના અંગે ખોટી જાણકારી આપી હોય. પરંતુ અમારી પાસે એવી કોઇ શોધ નથી જે એ બતાવે કે આ પ્રકારના લગ્ન દેશમાં થયા અને કેટલાક વર્ષ પછી આ લગ્નની સ્થિતિ શું છે. તે છોકરીઓનું શું થયું જેમની સાથે એનઆરઆઇ કન્યા બનાવવાના બહાને છેતરપિંડી થઇ. શું આપણે માપદંડની જરૂર છે ? આ બધા વિકલ્પોના અભ્યાસની જરૂર છે. અનુસંધાન પરિષદે અત્યાર સુધી આ પ્રકારના શોધ પ્રોજેક્ટને સ્વીકૃત નથી કર્યો. પરંતુ જેવી આ બાબતે અભ્યાસ અને પ્રારંભિક જાણકારી પ્રાપ્ત થશે આ પ્રોજેક્ટ મંજૂર થઇ જશે અને તેની પર કામ શરૂ થઇ જશે. કુમારે કહ્યું કે માતા-પિતાને એનઆરઆઇ યુવકો કેમ આકર્ષિત કરે છે. વિદેશોમાં ફેન્સી લાઇફસ્ટાઇલ ઉપરાંત અન્ય કઇ ચીજો પર તેઓ વિચાર કરે છે ? આપણે બધા જાણકારીઓ કેવી રીતે શોધીએ છીએ ? શોધ દરમ્યાન આ બધા કારણોને ધ્યાનમાં લેવામાં આવશે. 

ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From NRG

Trending