Home » NRG » Gujarat » મેકુનુ વાવાઝોડુ યમનને રગદોળીને ફંટાયું: સલાયાનું વહાણ ડૂબ્યુ, 4 ખલાસી લાપતા | Due to hurricanes, the ship of Salaya sank in the sea, leaving seven other contacts

મેકુનુ વાવાઝોડું યમનને રગદોળીને ફંટાયું: વહાણ ડૂબતા 4 ખલાસી લાપતા

Divyabhaskar.com | Updated - May 25, 2018, 10:05 AM

રૂ.1.5 કરોડનું 450 ટન ક્ષમતાનું સલાયાનું આતા-એ-ખ્વાજા વહાણ સીકોતેર જતું હતું

  • મેકુનુ વાવાઝોડુ યમનને રગદોળીને ફંટાયું: સલાયાનું વહાણ ડૂબ્યુ, 4 ખલાસી લાપતા | Due to hurricanes, the ship of Salaya sank in the sea, leaving seven other contacts
    +1બીજી સ્લાઈડ્સ જુઓ
    સલાયાના આતા-એ-ખ્વાજા વહાણની ફાઈલ તસવીર

    સલાયા: સલાયાનું આતા-એ-ખ્વાજા વહાણ વાવાઝોડાંના કારણે દરિયામાં ડૂબી ગયું છે. વહાણમાં સવાર 9 ખલાસીમાંથી 5નો બચાવ થયો છે, જ્યારે 4ની શોધખોળ ચાલી રહી છે. 450 ટનની ક્ષમતા ધરાવતું રૂ.1.5 કરોડનું વહાણ યમનપોર્ટના સીકોતેર બંદરે જતું હતું ત્યારે વાવાઝોડાંની ઝપટે ચડતા આ દુર્ઘટના બની હતી. આ ઉપરાંત અન્ય સાત વહાણ પણ સંપર્ક વિહોણા બન્યા હતા.

    વહાણમાં સવાર 9 ખલાસીમાંથી 5નો બચાવ, 4ની શોધખોળ શરૂ


    શારજહાથી જનરલ કાર્ગો ભરી તા.5/5/2018ના સલાયાનું 450 ટનની ક્ષમતા ધરાવતું વહાણ આતા-એ-ખ્વાજા રજિ.નં.વીઆરએલ-293 અંદાજિત કિ.રૂ. દોઢ કરોડ યમન પોર્ટના સીકોતેર બંદરે જતું હતું. આ દરમિયાન તા.23 ના રાત્રીના વરસાદ સાથે વાવાઝોડું ફૂંકાતા માલ સામાન સહિત આ વહાણ દરિયામાં ડૂબી ગયું હતું. વહાણમાં 9 ખલાસી સવાર હતાં.જેમાંથી પાંચ ખલાસીનો બચાવ થયો અને સલામત રીતે બંદરે પહોંચી ગયા છે, જ્યારે 4ની શોધખોળ ચાલુ છે. ડૂબી ગયેલા વહાણના માલિક સાલેમામદ હાજીહસન સંધાર હોવાનું ખુલ્યું છે. બનાવના પગલે માછીમાર પરિવારોમાં ભારે ચિંતાની લાગણી ફેલાઇ છે.


    બીજી તરફ વાવાઝોડામાં સલાયાના શફીના-અલ-ખીજર, જુનેદી, મહેબૂબે હાસમી, સિક્કાનું નૂરે ઇસ્માઇલ વહાણ ફસાતા સંપર્ક વિહોણા બન્યા છે. તદઉપરાંત દુબઇના બે તથા કચ્છ માંડવીનું એક વહાણ પણ ફસાયું હોવાના અહેવાલ સાંપડ્યા છે. ખલાસીઓના પરિવારમાં ચિંતા ફેલાઈ છે.

    પાંચેય ખલાસીઓ મોત સામે ઝઝૂમ્યા


    વાવાઝોડામાં ફસાતા ડૂબી ગયેલું આતા-એ-ખ્વાઝા વહાણમાં સવાર 9 ખલાસી પૈકી 5 ખલાસીનો બચાવ થયો છે અને સલામત બંદરે પહોંચી ગયા છે, પરંતુ આ પાંચેય ખલાસીઓએ મોત સામે ઝઝૂમતાં મોત નજરે નિહાળતા તેઓ ભારે ડરી ગયાના અહેવાલો મળ્યા છે.

    વહાણમાં સવાર ખલાસી


    - હાસમ સંધાર
    - ભીખા નાથા ગજજણ
    - રજાક હાસમ સંધાર
    - મામદ ઇસ્માલ ભાયા
    - હુશેન હારૂન સંધાર
    - કાસમમિયા સીદીકમિયા સૈયદ
    - કાસમ ઉમર દેસરાણી
    - નજીર ઇસ્માલ સંધાર
    - શબીર હુશેન એલિયાસ

    વધુ માહિતી માટે આગળ વાંચો... પોરબંદરમાં 1200 બોટ માટેની જગ્યા અને 5000 બોટ પાર્ક થઈ

  • મેકુનુ વાવાઝોડુ યમનને રગદોળીને ફંટાયું: સલાયાનું વહાણ ડૂબ્યુ, 4 ખલાસી લાપતા | Due to hurricanes, the ship of Salaya sank in the sea, leaving seven other contacts
    પોરબંદરમાં 1200 બોટ માટેની જગ્યા અને 5000 બોટ પાર્ક થઈ

    દ્વારકાની બોટ ડૂબી, 4 ખલાસી લાપતા , વરસાદની આગાહી

     

    યમનની ખાડીમાંથી ઉદભવેલુ મેકુનુ વાવાઝોડુ યમનને રગદોળીને ફંટાઈ ગયું છે. સ્કોર્ટા ટાપુ પર ત્રાટકેલા વાવાઝોડાથી 17 લોકો ગુમ થયા છે અને સેંકડો લોકોને સુરક્ષિત સ્થળે ખસેડાયા છે. દરમિયાનમાં દ્વારકાની એક બોટ યમનની ખાડીમાં આ વાવાઝોડાને કારણે ડૂબી ગઈ છે. જોકે, 9માંથી 5 ખલાસીઓને બચાવી લેવાયા છે. જ્યારે 4 ખલાસીઓ લાપતા છે. બીજીબાજુ વાવાઝોડાની ચેતવણીથી અનેક બોટને પરત બોલાવાઈ છે. પોરબંદરમાં વાવાઝોડાની ચેતવણીથી હજારો બોટ પરત આવતા 1200 બોટની ક્ષમતા સાથે 5000 બોટ લાંગરવી પડી હતી.

     

    હવામાન વિભાગનો દાવો 

     

    હવામાન વિભાગે કહ્યું છે કે, વાવાઝોડાની અસરને કારણે મરાઠાવાડા, વિદર્ભ, કોંકણ સહિતના સમગ્ર પશ્ચિમ કાંઠે વરસાદ થશે. ગુજરાતમાં પણ આ વાવાઝોડાને કારણે એલર્ટ જાહેર કરાયું છે. 

     

ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From NRG

Trending