Home » NRG » Gujarat » Rajubhai, a Gujarat resident, started the racket in 2007

45 લાખમાં એક બાળકને USમાં વેચતા ગુજરાતીની ધરપકડ, અત્યાર સુધી 300નો કર્યો સોદો

Divyabhaskar.com | Updated - Aug 16, 2018, 04:12 PM

પાસપોર્ટવાળી તસવીરથી અદ્દલ બાળકની તસવીરને મેળવવા માટે તેનો મેકઅપ કરવામાં આવતો હતો

  • Rajubhai, a Gujarat resident, started the racket in 2007
    આ પહેલાં રાજુભાઇ ગમલેવાલાને 2007માં મુંબઇમાં પકડ્યો હતો, તે સમયે તે નકલી પાસપોર્ટ સાથે પકડાયો હતો. (ફાઇલ)

    એનઆરજી ડેસ્કઃ મુંબઇ પોલીસે એક એવા સંગઠનનો પર્દાફાશ કર્યો છે જે આંતરરાષ્ટ્રીય સ્તરે બાળકોની તસ્કરી કરતું હતું. આ રેકેટ કથિત રીતે 300 બાળકોને અમેરિકા મોકલી ચૂક્યું છે. આ રેકેટની શરૂઆત રાજુભાઇ ગમલેવાલા ઉર્ફ રાજુભાઇએ 2007માં કરી હતી. તેઓ એક બાળકને અમેરિકા બેઝ્ડ પોતાના ગ્રાહકોને 45 લાખમાં વેચતા હતા. આ બાળકોને ક્યા હેતુથી વેચવામાં આવતા હતા, તેના વિશે હજુ સુધી જાણકારી મળી શકી નથી. આ રેકેટ્ના કેટલાંક સભ્યોની માર્ચમાં ધરપકડ કરવામાં આવી હતી.


    પ્રેમમાં દગો મળતા યુવતીએ કર્યો આત્મહત્યાનો પ્રયાસ, ચહેરાના કર્યા આવા હાલ


    11-16 વર્ષની વચ્ચેના બાળકોનું થયું વેચાણ


    - જે બાળકોને અમેરિકા મોકલવામાં આવતા હતા, તેઓની ઉંમર 11થી 16 વર્ષની વચ્ચે છે. આ તમામ ગરીબ પરિવારમાંથી છે ખાસ કરીને ગુજરાતના. એક પોલીસ અધિકારીએ જણાવ્યું કે, 'બાળકોની દેખરેખ કરવામાં અસમર્થ હોવાના કારણે પરિવાર અથવા વાલી તેઓને વેચી દે છે.'
    - પોલીસે જણાવ્યું કે, અમેરિકાના ક્લાયન્ટથી ઓર્ડર મળ્યા બાદ ગમલેવારા પોતાની ગેંગને નિર્દેશ આપીને એક ગરીબ પરિવાર (ખાસ કરીને ગુજરાતમાં)ને શોધવાનું કહેતા હતા, જેઓ પોતાના બાળકને વેચવા ઇચ્છતા હોય.
    - તેઓ એવા પરિવારને પણ શોધતા હતા, જેઓ પોતાના બાળકોના પાસપોર્ટને ભાડાં પર આપતા હતા.


    ઇન્ડિયન રેસ્ટોરાંમાં ડિનર બાદ અમેરિકને FB પર લખ્યું, કદાચ અલ-કાયદાને પૈસા આપી રહ્યો છું!


    અમેરિકા લઇ જનાર વ્યક્તિને પૈસા મળતા


    - પાસપોર્ટ અને બાળક મળી ગયા બાદ બાળક સાથે મળતી આવતી તસવીરવાળા પાસપોર્ટને પસંદ કરવામાં આવતો હતો. ત્યારબાદ ગેંગ બાળકોને અમેરિકા લઇ જનારા વ્યક્તિને પૈસા આપતી હતી.
    - આ પહેલાં પાસપોર્ટવાળી તસવીરથી અદ્દલ બાળકની તસવીરને મેળવવા માટે તેનો મેકઅપ કરવામાં આવતો હતો. જેવો બાળકને લઇ જનાર પરત આવતો તે પાસપોર્ટને પરત આપી દેતો હતો.
    - હજુ સુધી એ વાત સ્પષ્ટ નથી કે કેવી રીતે ઇમિગ્રેશન અધિકારીઓ તપાસ વગર પાસપોર્ટ પર મંજૂરીની મહોર લગાવી દેતા હતા. આ રેકેટનો પર્દાફાશ માર્ચમાં અભિનેત્રી પ્રીતિ સૂદે કર્યો હતો.


    કેનેડામાં કેવું છે ગુજરાતીઓનું જીવન? કાઠિયાવાડી યુવાનનો વીડિયો થયો વાઇરલ


    મેકઅપની વાતથી થયો ખુલાસો


    - હકીકતમાં, પ્રીતિને તેમના એક મિત્રનો ફોન મળ્યો જેમાં તેણે બે સગીરાના વર્સોવા સ્ટેશન પર મેકઅપ કરવાની વાત કહી હતી.
    - પ્રીતિએ પોલીસને આપેલા નિવેદનમાં જણાવ્યું કે, હું એવી શંકામાં સ્ટેશન પર પહોંચી કે કદાચ બાળકીઓને વૈશ્યાવૃત્તિ માટે તૈયાર કરવામાં આવી રહી છે. પરંતુ ત્યાં પહોંચતા જ મને અહેસાસ થયો કે, આ રેકેટ મારાં વિચાર કરતાં ક્યાંય મોટું છે.
    - આ સ્થળ પર ત્રણ પુરૂષો સ્ટાફને એવો નિર્દેશ આપી રહ્યા હતા કે, સગીરાઓના મેકઅપ કેવી રીતે કરવાના છે.
    - પ્રીતિએ જણાવ્યું કે, જ્યારે મેં તેમને પૂછ્યું ત્યારે ત્યાં હાજર પુરૂષોએ એવો દાવો કર્યો કે આ બાળકોને તેમના પેરેન્ટ્સની પાસે અમેરિકા મોકલી રહ્યા છીએ. મેં તેઓને કહ્યું કે, મારી સાથે પોલીસ સ્ટેશન ચાલો, તો તેઓએ ના પાડી દીધી.
    - હું બે પુરૂષોને કોઇ પ્રકારે રોકીને પોલીસને ફોન કરવામાં સફળ રહી. આ દરમિયાન ત્રીજો વ્યક્તિ બાળકીઓને લઇને ત્યાંથી ગાયબ થઇ ગયો.
    - પ્રીતિ સૂદે ચાર લોકોની ધરપકડ કરાવી જેમાંથી એક નિવૃત્ત સબ-ઇન્સ્પેક્ટરનો પુત્ર પણ છે.


    UK: દીકરી ગુમાવનાર ગુજરાતી પરિવારની વ્યથા; 'પતિએ ગે હોવાનું છૂપાવ્યું ન હોત તો આજે અમારી દીકરી જીવતી હોત'


    આ પહેલાં પણ થઇ હતી રાજુભાઇની ધરપકડ


    - ડીપીસી પરમજીત સિંહ દહિયાએ કહ્યું, આ પહેલાં ગમલેવાલાને 2007માં મુંબઇમાં પકડ્યો હતો, તે સમયે તે નકલી પાસપોર્ટ સાથે પકડાયો હતો. અમે તેના રેકેટ સુધી માર્ચ મહિનામાં થયેલી ધરપકડ દરમિયાન પહોંચ્યા.
    - પોલીસે જણાવ્યું કે, તેઓ રાજુભાઇ સુધી વોટ્સએપ નંબરની મદદથી પહોંચ્યા. તેઓને 18 ઓગસ્ટ સુધી પોલીસ કસ્ટડીમાં મોકલી દીધા છે.

ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From NRG

તમારો ઓપિનિયન પોસ્ટ કરો

લેટેસ્ટ કમેન્ટ્સ

તમારો પ્રશ્ન પોસ્ટ કરો

અનામિક ઉમેરોપ્રશ્ન ઉમેરો

લેખકને તમારો પ્રશ્ન મોકલો

અનામિક ઉમેરોપ્રશ્ન ઉમેરો

Trending

વીડિયો વધુ જુઓ