Divya Bhaskar

Home » NRG » Africa » Indian origin Kenyan businessman was killed in a case of mistaken identity

કેન્યામાં ગુજરાતી વેપારીની હત્યા, પરિવારને દરેક પ્રકારની મદદ કરીશુંઃ સુષ્મા

Divyabhaskar.com | Updated - Nov 06, 2017, 09:12 AM

બંટીને લાગ્યું કે સશસ્ત્ર લૂંટારા ઘૂસણખોરીનો પ્રયાસ કરી રહ્યા છે, તેણે હવામાં ગોળી ચલાવી

  • Indian origin Kenyan businessman was killed in a case of mistaken identity
    +6બીજી સ્લાઈડ્સ જુઓ
    આફ્રિકાઃ સેન્ટ્રલ આફ્રિકના કેન્યાની રાજધાની નૈરોબીમાં એક નિર્દોષ ગુજરાતી વેપારીની પોલીસે જ ગોળી મારીને હત્યા કરી દીધી છે. ભારતીય વિદેશ મંત્રી સુષ્મા સ્વરાજે રવિવારે જણાવ્યું કે, કેન્યા સરકારે આ ઘટના પર માફી માંગી છે. સુષ્માએ ટ્વિટ કરીને જણાવ્યું કે, 'નૈરોબીમાં ભારતીય હાઇ કમિશન તરફથી મને રિપોર્ટ મળ્યો છે. બંટી શાહ ભારતીય મૂળનો કેન્યાનો નાગરિક હતો.' પોલીસને બાતમી મળી હતી કે બંટીના ઘરે ગેરકાનૂની પ્રવૃત્તિ થાય છે. બંટી શાહના પિતા વિપિન શાહ મેટ્રેસના ટાયકૂન તરીકે ઓળખાતા હતા.
    પરિવારને તમામ મદદ કરશે ભારતઃ સુષ્મા

    - સુષ્માએ ટ્વિટ કર્યું કે, નૈરોબી પોલીસ એન્ટી ટેરર ઓપરેશન ચલાવી રહી હતી.
    - બંટી શાહના નૈરોબી ખાતે આવેલા નિવાસ સ્થાન આસપાસ આ ઓપરેશન ચલાવવામાં આવી રહ્યું હતું.
    - બંટીને લાગ્યું કે, સશસ્ત્ર લૂંટારા ઘૂસણખોરીનો પ્રયાસ કરી રહ્યા છે. તેણે હવામાં ગોળી ચલાવી.
    - સિક્યોરિટી ફોર્સે તેના જવાબમાં ફાયરિંગ કર્યું, જેમાં બંટી શાહનું મોત નીપજ્યું.
    - કેન્યા પોલીસે આ ઘટના પર માંફી માંગી છે. સુષ્માએ કહ્યું કે, ભારતીય હાઈ કમિશન નૈરોબીમાં બંટીના પરિવારને દરેક પ્રકારની મદદ કરશે.
    - મેં તેમના પરિવારને સાંત્વના આપી છે. નોંધનીય છે કે, સુષ્માને આ ઘટના વિશે જાણકારી ટ્વિટર દ્વારા મળી હતી.
    શું છે સમગ્ર ઘટના?

    - 21મી ઓક્ટોબરના રોજ પોલીસને બંટીના ઘરમાં ગેરકાનૂની પ્રવૃત્તિની બાતમી મળતા રાત્રે 3 વાગ્યે રેડ પાડી હતી.
    - પોલીસે સ્પષ્ટતા કર્યા વગર પાડેલી રેડ દરમિયાન એક ઓફિસરે બંટીની છાતીમાં ગોળી મારી દીધી હતી.
    - આ ઓપરેશન દરમિયાન એક ઓફિસર પણ ઈજાગ્રસ્ત થયો હોવાનું જાણવા મળ્યું હતું.
    - ગંભીર રીતે ઘાયલ થયેલા બંટીને તાત્કાલિક સ્થાનિક હોસ્પિટલમાં લઈ જવામાં આવ્યો હતો જ્યાં, ફરજ પરના ડોક્ટરે મૃત જાહેર કર્યો હતો.
    - બંટી ધનાઢ્ય અને ફેમસ બિઝનેસમેન હોવાથી આફ્રિકાના એશિયન વેપારી મંડળમાં શોકની લાગણી પ્રસરી જવા પામી છે.
    આગળ વાંચોઃ બંટી શાહના પિતા મેટ્રેસના ટાયકૂન તરીકે હતા ફેમસ...
  • Indian origin Kenyan businessman was killed in a case of mistaken identity
    +5બીજી સ્લાઈડ્સ જુઓ
    પિતા મેટ્રેસના ટાયકૂન તરીકે હતા ફેમસ

    - બંટી શાહના પિતા વિપિન શાહ મેટ્રેસના ટાયકૂન તરીકે ફેમસ હતા, તેઓ 12 વર્ષ પહેલા મૃત્યું પામ્યા હતા.
    - અહીંના મોમ્બાસા રોડ પર તેમની ખૂબ જ મોટી ફેકટરી આવેલી છે.
    - બંટી છ માસ પહેલાં જ એક બાળકનો પિતા બન્યો હતો.
    - ઘરમાં રેડ પડી તે દરમિયાન બંટીની માતા, દાદી, પત્ની અને 6 મહિનાનો પુત્ર ઘરમાં જ હતા.
  • Indian origin Kenyan businessman was killed in a case of mistaken identity
    +4બીજી સ્લાઈડ્સ જુઓ
    શું કહે છે શાહના કાકા?

    - બંટી શાહના કાકા રીંકુ શાહે કેન્યામાં મીડિયાને નિવેદન આપતા જણાવ્યું છે કે, ઘરમાં રેડ પડી ત્યારે પોલીસે ઘરમાં મચાવેલી ધમાલથી આખો પરિવાર જાગી ગયો હતો.
    - ઘરમાં એક માત્ર જવાબદાર પુરુષ હોવાના નાતે શોરબકોરરના કારણે બંટીએ શું થયું? તે જાણવા કોશિશ કરી હતી.
    - તે કેન્યામાં એક ઇજ્જતદાર અને ધનાઢ્ય વેપારી હતો. કોઈ ભાગેડુ નહોતો.
    - રીંકુ શાહે વધુમાં જણાવ્યું કે, પોલીસના આ પગલાંથી પરિવારને ખૂબ જ આઘાત લાગ્યો છે અને ઘરનો એકના એક પુરુષના મૃત્યુથી પરિવાર હાલ તો નિઃસહાય બની ગયો છે. 
  • Indian origin Kenyan businessman was killed in a case of mistaken identity
    +3બીજી સ્લાઈડ્સ જુઓ
  • Indian origin Kenyan businessman was killed in a case of mistaken identity
    +2બીજી સ્લાઈડ્સ જુઓ
  • Indian origin Kenyan businessman was killed in a case of mistaken identity
    +1બીજી સ્લાઈડ્સ જુઓ
  • Indian origin Kenyan businessman was killed in a case of mistaken identity
ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From NRG

Trending