Home » NRG » Africa » જહોનિસબર્ગ પાસેના ગામોમાં ગુજરાતીઓની જિંદગી જોખમમાં | Protest in the villages near Johannesburg

જ્હોનિસબર્ગની બાજુના વિસ્તારોમાં તોફાનો બંધ : ગુજરાતીઓ સલામત

Divyabhaskar.com | Updated - Apr 29, 2018, 11:35 AM

જનજીવન પૂર્વવત બની રહ્યું હોવાથી તેઓ ઘરે પાછા જઇ રહ્યા છે

  • એનઆરજી ડેસ્કઃ દક્ષિણ આફ્રિકાના જ્હોનિસબર્ગની આસપાસના ગામોમાં ટેક્ષ વધારાના વિરોધમાં અને પગાર વધારાની માગણી સાથે થયેલા તોફાનોમાં ધીમે ધીમે થાળે પડી રહી છે પરંતુ ગુજરાતીઓમાં હજુ પણ દહેશતનો માહોલ છે. અહીં વસતા ચરોતરવાસીઓનો આજે ટેલિફોનિક સંપર્ક શક્ય બનતા પરિવારજનોએ રાહતની લાગણી અનુભવી છે. બોરસદ તાલુકાના રણોલી ગામના નિલેશ પટેલે કહ્યું હતું કે, દક્ષિણ આફ્રિકાના જહોનિસબર્ગ ખાતે મેફોકિંગ ટાઉન, ગેમટાઉન, ગુજરાતીઓ નોકરી કરે છે. સ્થાનિક પ્રજાએ પગાર વધારાની માગણી કરી છે અને ટેક્ષ વધારાના વિરોધ સાથે તોફાને ચડ્યા હતા. બંધનું એલાન આપ્યું હતું અને ગુજરાતીઓ જ્યાં નોકરી કરે છે તેવા મોલ્સ અને દુકાનોમાં સ્થાનિક લોકોએ તોડફોડ કરતા ગુજરાતીઓએ મેફોકિંગ ટાઉનમાં બીએપીએસ મંદિરમાં આશરો લીધો હતો. જનજીવન પૂર્વવત બની રહ્યું હોવાથી તેઓ ઘરે પાછા જઇ રહ્યા છે.

    આગળની સ્લાઇડ્સમાં જાણો, શું હતી ઘટના...

  • જહોનિસબર્ગ પાસેના ગામોમાં ગુજરાતીઓની જિંદગી જોખમમાં | Protest in the villages near Johannesburg
    +1બીજી સ્લાઈડ્સ જુઓ
    સરકારે 1% ટેક્સ નાંખતા સ્થિતિ વણસી: આણંદ–ખેડા જિલ્લાના અનેક પરિવારના સભ્યો દ. આફ્રિકામાં ધંધો-વ્યવસાય કરી રહ્યા છે

    જહોનિસબર્ગ પાસેનાં ગામોમાં ધમાલ

     

    - સાઉથ આફ્રિકાના જહોનિસબર્ગ નજીકના ગામોમાં ખેડા - આણંદ જિલ્લાના અનેક યુવકોના જીવ જોખમમાં મુકાયાં હતા. 
    - સાઉથ આફ્રિકાની સરકાર દ્વારા એક ટકો ટેક્સના વિરોધને કારણે વાતાવરણ તંગ બન્યું છે. જેથી લૂંટફાટ અને દુકાનોમાં આગ ચાંપવાના બનાવો બન્યાં છે. જેમાં સાઉથ આફ્રિકામાં સ્થાયી થયેલાં ચરોતરના વેપારીઓને પણ ભારે નુકસાન થયું છે. 

  • જહોનિસબર્ગ પાસેના ગામોમાં ગુજરાતીઓની જિંદગી જોખમમાં | Protest in the villages near Johannesburg
    ટેક્સ વધારાના વિરોધ અને પગાર વધારાના સમર્થનમાં તોફાનો થયાં હતાં

    આફ્રિકામાં એક ટકા ટેક્સના વિરોધમાં ભારે ઉહાપોહ


    - ખેડા-આણંદ જિલ્લા સહિત ગુજરાતના હજારો યુવકો વર્ષોથી સાઉથ આફ્રિકાના પ્રિટોરિયા તથા જોહનિસબર્ગમાં નોકરી માટે તેમજ કાયમી વસવાટ માટે ગયેલા છે. જેમાંના મોટાભાગના લોકો નોકરી કરે છે, તો કેટલાકે દુકાનો પણ શરૂ કરી છે અને મોટા ધંધા પણ કરે છે. 
    - પરંતુ આફ્રિકામાં એક ટકા ટેક્સના વિરોધમાં ભારે ઉહાપોહ થયો છે. જેમાં જહોનિસબર્ગ પાસેના ગામોમાં તોડફોડ અને આગ ચાંપવાના બનાવો બની રહ્યાં છે. લોકો રસ્તા પર આવી ગયા છે અને ઠેર ઠેર તોડફોડ તથા આગ ચાંપવાના બનાવો બની રહ્યાં છે. જેના કારણે ચરોતરના કેટલાક યુવકો દુકાનોમાં ફસાઈ ગયા હતા.

ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From NRG

Trending