બાંગ્લાદેશ PM હસીના સાથે મોદીએ કરી VC, પેટ્રાપોલ ચેકપોસ્ટનું કર્યું ઉદઘાટન

- પીએમ મોદી અને બાંગ્લાદેશ પીએમ શેખ હસીનાએ ગુરુવારે ભારત-બાંગ્લાદેશ સરહદ પર નવી બનેલી પેટ્રાપોલ ચેકપોસ્ટનું ઉદ્ઘાટન કર્યું હતું.
- બન્ને દેશોનાં વડાપ્રધાને વીડિયો કોન્ફરન્સના માધ્યમથી તેનું ઉદ્ઘાટન કર્યું. આ પ્રસંગે પશ્ચિમ બંગાળના મુખ્યમંત્રી મમતા બેનરજી પણ સામેલ થયા હતા.
- વીડિયો કોન્ફરસન્સમાં વડાપ્રધાને શેખ હસીના સાથે વાતચીત કરતા તેમને અને બાંગ્લાદેશની જનતાને ઈદની શુભેચ્છા પાઠવી હતી.
- બાંગ્લાદેશમાં થયેલા આતંકવાદી હુમલા પર દુઃખ વ્યક્ત કર્યું હતું.
- વડાપ્રધાને કહ્યું કે, ભારત આતંકવાદી વિરુદ્ધ લડતમાં બાંગ્લાદેશ સાથે છે અને તેમાં તે દરેક શક્ય મદદ કરશે.

- પેટ્રાપોલ ચેકપોસ્ટ શરૂ થયા બાદ બન્ને દેશો વચ્ચે ન માત્ર દ્વીપક્ષીય વેપાર વધશે પણ બન્ને દેશોનો આર્થિક વિકાસ પણ થશે.

- PM મોદીએ વધુમાં કહ્યું કે, આ પ્રકારની અન્ય 8 ચેકપોસ્ટ આવનારા દિવસોમાં ભારત-બાંગ્લાદેશ બોર્ડ પર બનાવવામાં આવશે.