દરેકનું કલ્યાણ થાય તેવી આર્થિક નીતિ હોવી જોઈએઃ મોહન ભાગવત

નાગપુરઃ રેશિમબાગ મેદાનમાં રાષ્ટ્રીય સ્વયંસેવક સંઘ (RSS) દ્વારા દશેરાની ઉજવણી કરવામાં આવી. શસ્ત્ર પૂજા કર્યા બાદ આરએસએસના ચીફ મોહન ભાગવતે જણાવ્યું કે, "શુક્રવારે મુંબઈમાં જે દુઃખદ ઘટના બની તેને લઈને વેદના છે. જીવનમાં આવી વાતોનો સામનો કરીને આગળ વધવું પડે છે. તેમણે ડોકલામ વિવાદ અને વિશ્વમાં ભારતની વર્તમાન સ્થિતિ પર મોદી સરકારના કામ અને પોલિસીના વખાણ કર્યા. 70 વર્ષમાં પ્રથમ વખત વિશ્વનું ધ્યાન ભારત તરફ ગયું છે. સીમા પર આપણે જવાબ આપી રહ્યા છીએ. આર્થિક નીતિ દરેકનું કલ્યાણ થાય તેવી હોઈ જોઈએ."

 

ભાગવતે કહ્યું, “કાશ્મીરની વાત કરીએ તો 2-3 મહિના પહેલા લાગી રહ્યું હતું કે ત્યાં શું થશે. પરંતુ જે રીતે આતંકીઓ અને તેમને પીઠબળ પૂરું પાડતાં લોકો સામે કાર્યવાહી કરવામાં આવી તેનાથી આજે કાશ્મીરની સ્થિતિ બદલાઈ રહી છે. આપણો કોઇ શત્રુ નથી પરંતુ આપણી સાતે દુશ્મની રાખનારાને જવાબા આપ્યો છે. છેલ્લા ઘણા વર્ષોથી જમ્મુ-કાશ્મીર ઘાટી અને લદ્દાખમાં વિકાસ થયો નથી. તેમની સાથે સાવકું વર્તન કરવામાં આવ્યું છે.”