માયાવતીને પ્રોસ્ટિટ્યુટ કહેનારા BJP નેતા 6 વર્ષ માટે સસ્પેન્ડ, ધરપકડની માંગ

લખનઉ/ દિલ્હી:બસપા સુપ્રીમો માયાવતી સામે અભદ્ર ટિપ્પણીના વિરોધમાં યુપી સહિત દેશભરમાં પાર્ટી દ્વારા કાર્યક્રમો આપવામાં આવ્યા હતા. મુખ્ય કાર્યક્રમ યુપીના લખનઉમાં યોજાયો હતો. જ્યાં મંચ પરથી બસપા કાર્યકરોએ દયાશંકરસિંહ વિરૂદ્ધ મા-બહેન સામે ગાળો ભાંડી હતી. ફરાર દયાશંકરસિંહને 36 કલાકમાં ઝડપી લેવાની મહેતલ બસપા દ્વારા આપવામાં આવી છે. બીજી બાજુ, ચંદીગઢ બસપા વડાએ દયાશંકરસિંહની જીભ કાપી લાવનારને રૂ. 50 લાખનું ઈનામ આપવાની જાહેરાત કરી છે.

- લખનઉમાં બીએસપીના પ્રદર્શનને જોતા રાજભવન જતો રસ્તો બંધ કરી દેવામાં આવ્યો હતો.

- બુધવારે દયાશંકરે બસપા સુપ્રીમો અને યુપીના પૂર્વ મુખ્યમંત્રી માયાવતીને લઈને એક વાંધાજનક નિવેદન આપ્યું હતું.
- બીજેપી પ્રદેશ ઉપાધ્યક્ષ બન્યા બાદ મઉ પહોંચેલા દયાશંકરે ઉત્સાહમાં આવીને પત્રકાર પરિષદમાં માયાવતીની સરખામણી પ્રોસ્ટિટ્યુટ સાથે કરી હતી.
- જોકે, આ નિવેદન બાદ વિવાદ સતત વકરતો રહ્યો છે. બુધવારે રાજ્યસભામાં આ મામલે થયેલા હોબાળા બાદ રાજ્યસભા એક દિવસ માટે સ્થગિત કરી દેવામાં આવી હતી તો ગુરુવારે સવારથી જ લખનઉમાં પરિસ્થિતિ તંગ બની છે.

- દયાાશંકર વિરુદ્દ ભારતીય દંડ સંહિતા તથા SC/ST એક્ટની અલગ-અલગ જોગવાઈઓ હેઠળ કેસ દાખલ કર્યો છે.

- દયાશંકરે બુધવારે ઉત્સાહમાં આવીને કહ્યું હતું કે, 'માયાવતીજી ટિકિટ વેંચે છે. એક પ્રોસ્ટિટ્યુટ પણ જો કોઈ પુરુષ સાથે કોન્ટ્રાક્ટ કરે છે તો તે તેને પૂરો કરે છે, પરંતુ માયાવતી તેનાથી પણ ખરાબ છે.'
- વિવાદાસ્પદ નિવેદનથી મચેલા હોબાળા બાદ ઉત્તર પ્રદેશ બીજેપીના ઉપાધ્યક્ષ પદેથી દયાશંકર સિંહને પાર્ટીએ 24 કલાકમાંજ પદ પરથી હટાવી દીધા.

- ઉપરાંત દયાશંકરને 6 વર્ષ માટે પાર્ટીમાંથી હાંકી કાઢવામાં આવ્યા છે.
- આ મામલે બુધવારે રાજ્યસભામાં પણ ભારે હોબાળો થયો હતો. હોબાળા બાદ રાજ્યસભાને ગુરૂવાર સુધી સ્થગિત કરી દેવામાં આવી હતી.
- જો કે બાદમાં દયાશંકર સિંહે પણ બસપા સુપ્રીમો માયાવતીની માફી માંગી લીધી હતી.

- બુધવારે માયાવતીની સરખામણી પ્રોસ્ટિટ્યુટ સાથે કર્યા બાદ દયાશંકરે માફી માંગી હતી.
- તેમણે કહ્યું હતું કે, 'હું માફી માંગું છું, હું માયાવતીજી અને તેમના કાર્યકરોની માફી માંગું છું.'
- 'મારી ધરપકડથી જો તેમને સારું લાગે તો હું એરેસ્ટ થવા માટે પણ તૈયાર છું.'
- 'હું ટિકિટને લઈને ચર્ચા કરી રહ્યો હતો. મેં ભૂલથી તેમની સરખામણી કરી દીધી હતી.'

- પાર્ટીએ તેમની માફી ગ્રાહ્યા રાખી ન હતી. પહેલા તેમને ઉપાધ્યક્ષપદેથી અને બાદમાં છ વર્ષ માટે પાર્ટીમાંથી દૂર કરવામાં આવ્યા હતા.
- ઉલ્લેખનીય છે કે, આ મુદ્દે જ્યારે વિવાદ વકરતા રાજ્યસભામાં બીજેપી તરફથી અરુણ જેટલીએ માફી માંગી હતી.