Home » National News » Utility » why not given number plate to cars of indian presidents

શું તમે જાણો છો શા માટે રાષ્ટ્રપતિની કાર પર નથી હોતી નંબર પ્લેટ?

Divyabhaskar.com | Updated - Mar 06, 2018, 08:21 PM

રાષ્ટ્રપતિ, ઉપરાષ્ટ્રપતિ અને રાજ્યપાલ સહિતના વીવીઆઇપીઓની કાર પર પણ ટૂંક સમયમાં રજિસ્ટ્રેશન નંબર લગાવવામાં આવશે

  • why not given number plate to cars of indian presidents
    +1બીજી સ્લાઈડ્સ જુઓ
    આ કારણે રાષ્ટ્રપતિની કારમાં નથી લગાવવામાં આવતી નંબર પ્લેટ

    ઓટો ડેસ્કઃ આપણે ભારતીય રસ્તાઓ પર જોવા મળતી કોઇપણ કાર અથવા તો બાઇકને જોઇએ તો તેમા નંબર પ્લેટ્સ હોય છે. વાહન કોઇપણ હોય પરંતુ તેનું રજિસ્ટ્રેશન ફરજીયાત હોય છે. જો તમારી કાર અથવા બાઇકમાં રજિસ્ટ્રેશન નંબર ન હોય તો તમારી વિરુદ્ધ કાર્યવાહી પણ થઇ શકે છે. પરંતુ રાષ્ટ્રપતિ, ઉપરાષ્ટ્રપતિ, રાજ્યપાલ અથવા તો અમુક વીવીઆઇપીની કાર્સમાં કોઇ નંબર પ્લેટ લગાવવામાં આવતી નથી. આ પ્રશ્ન એટલા માટે ઉઠી રહ્યો છે કે થોડાક સમય પહેલાં દિલ્હી હાઇકોર્ટ દ્વારા નિર્દેશ આપવામાં આવ્યા હતા કે રાષ્ટ્રપતિ, ઉપરાષ્ટ્રપતિ સહિતના વીવીઆઇપીની કાર્સમાં નંબર પ્લેટ લગાવવામાં આવે. ત્યારે આજે અમે જણાવી રહ્યાં છીએ કે અત્યારસુધી શા માટે રાષ્ટ્રપતિની કાર પર નંબર પ્લેટ નહોતી લગાવવામાં આવતી અને આવું શા માટે કરવામાં આવતું હતું.

    આ કારણે રાષ્ટ્રપતિની કારમાં નથી લગાવવામાં આવતી નંબર પ્લેટ

    રાષ્ટ્રપતિ, ઉપરાષ્ટ્રપતિ અને રાજ્યોના રાજ્યપાલ સહિત અનેક વીવીઆઇપીની કાર્સમાં રજિસ્ટ્રેશન નંબર પ્લેટ નહીં લગાવવા પાછળનું કારણ બ્રિટિશ સિસ્ટમ છે. બ્રિટિશ સિસ્ટમ હેઠળ માનવામાં આવે છે કે ‘કિંગ કેન ડૂ નો રોંગ’ એટલે કે રાજા અથવા ઉચ્ચ પદે બિરાજમાન વ્યક્તિ ક્યારેય ખોટું ન કરી શકે. આ જ કારણ થી રાષ્ટ્રપતિ તથા અન્ય મહાનુભાવોની કાર્સમાં રજિસ્ટ્રેશન નંબર લગાવવામાં આવતો નથી. તેના સ્થાને રાષ્ટ્રપતિની કારમાં એશોક સ્તંભ લગાવવામાં આવે છે.

    આગળની સ્લાઇડ્સમાં વાંચો રાષ્ટ્રપતિની કાર પર પણ લાગશે નંબર પ્લેટ

  • why not given number plate to cars of indian presidents
    રાષ્ટ્રપતિની કાર પર પણ લાગશે નંબર પ્લેટ

    રાષ્ટ્રપતિની કાર પર પણ લાગશે નંબર પ્લેટ
     

    રાષ્ટ્રપતિ, ઉપરાષ્ટ્રપતિ અને રાજ્યપાલ સહિતના વીવીઆઇપીઓની કાર પર પણ ટૂંક સમયમાં રજિસ્ટ્રેશન નંબર લગાવવામાં આવશે. કેન્દ્રિય માર્ગ પરિવહન અને રાજ્યમાર્ગ મંત્રાલયે આ સંદર્ભે દિલ્હી હાઇ કોર્ટમાં એફિડેવિટ કરાવ્યું છે. મંત્રાલયે કાર્યવાહક ચીફ જસ્ટિસ ગીતા મિત્તલ અને જસ્ટિસ સી. હરિશંકરની ખંડપીઠને જણાવ્યું છે કે મહાનુભાવોની કારનું રજિસ્ટ્રેશન કરાવવા માટે સંબંધિત ઓથોરિટીઝને 2 જાન્યુઆરીએ પત્ર થકી જાણ કરવામાં આવી છે. તેમને એ સુનિશ્ચિત કરવા જણાવવામાં આવ્યું છે કે દરેક રાજ્યના રાજ્યપાલ, ઉપરાજ્યપાલ, વિદેશ મંત્રાલય અને સચિવોના વીવીઆઇપી દ્વારા ઉપયોગમાં લેવામાં આવતા વાહનોનું નિયમ અનુસાર રજિસ્ટ્રેશન કરવામાં આવે. 

ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From National News

Trending

વીડિયો વધુ જુઓ