Home » National News » Utility » બેન્ક FDની ટક્કરમાં પોસ્ટ ઓફિસ લાવી નવી સ્કીમ|Post office new scheme For Better Interest rate

બેન્ક FDની ટક્કરમાં પોસ્ટ ઓફિસ લાવી નવી સ્કીમ, જાણો ફાયદા

Divyabhaskar.com | Updated - Jun 01, 2018, 06:15 PM

પોસ્ટ ઓફિસની આ યોજના તમારા માટે ખુબજ ફાયદાકારક અને મદદરૂપ રહેશે

  • બેન્ક FDની ટક્કરમાં પોસ્ટ ઓફિસ લાવી નવી સ્કીમ|Post office new scheme For Better Interest rate

    નવી દિલ્હી: ઇન્ડિયન પોસ્ટ ઓફિસમાં તદ્દન અમેઝિંગ સ્કીમ્સ છે. હાલમાં સેવિંગ એકાઉન્ટથી લઇને એફડી સુધીની તમામ સ્કીમ પર સારુ રિટર્ન મળી રહ્યું છે. પણ જો તમે કોઇ એવા રોકાણનો વિકલ્પ શોધી રહ્યા છો જ્યાં તમને નિયમિત માસિક આવક મળતી રહે તો પોસ્ટ ઓફિસની આ યોજના તમારા માટે ખુબજ ફાયદાકારક અને મદદરૂપ રહેશે. તો આજે અમે આપને તે સ્કીમ વિશે વિસ્તારમાં જાણકારી આપી રહ્યા છે.

    પોસ્ટ ઓફિસ મંથલી ઇનકમ સ્કીમ એકાઉન્ટ (એમઆઇએસ): નિયમિત આવક મળતી રહે તે માટેના રોકાણના વિકલ્પની શોધમાં છો તો પોસ્ટ ઓફિસની આ સ્કીમ તમારા માટે બેસ્ટ રહેશે. સ્કીમનો લાભ ઉઠાવવા માટે સૌ પ્રથમ પોસ્ટ ઓફિસમાં ખાતું ખોલાવાનું રહેશે. આ સ્કીમમાં 7.3 ટકા વ્યાજદર આપવામાં આવે છે.

    એમઆઇએસ વિશે:

    આ ખાતાને કોઇપણ વ્યક્તિ ખોલી શકે છે.
    આ ખાતાને કેસ અથવા ચેક દ્વારા ખોલાવી શકાય છે.
    આ ખાતામાં નોમિનેશનની સુવિધા પણ ઉપલ્બ્ધ કરાવવામાં આવે છે.
    ખાતાને એક પોસ્ટ ઓફિસથી બીજી પોસ્ટ ઓફિસ પર ટ્રાંસફર પણ કરી શકાય છે.
    કોઇપણ વ્યક્તિ આ રીત પ્રમાણે પોતાની ઇચ્છા મુજબ કેટલાય ખાતા ખોલી શકે છે, જોકે તેમા મહત્તમ રોકાણની મર્યાદા હોય છે.
    એક અથવા બે લોકો મળીને જોઇન્ટ એકાઉન્ટ પણ ખોલી શકે છે.
    સિંગલ એકાઉન્ટને પણ જોઇન્ટ એકાઉન્ટમાં ટ્રાંસફર કરી શકાય છે.
    આ ખાતામાં મૈચ્યોરિટી પીરિયડ 5 વર્ષનો હોય છે.
    એક વર્ષ વિતી ગયા બાદ પણ અમૂક રકમ ઉપાડી શકાય છે.
    આ ખાતાની શરૂઆત મિનિમમ 1500 રૂપિયાના રોકાણથી થઇ શકે છે.
    એક વ્યક્તિ ખાતામાં 4.5 લાખ રૂપિયા સુધી રોકાણ કરી શકે છે, તો બીજી તરફ જોઇન્ટ એકાઉન્ટમાં રકમ 9 લાખ રૂપિયા સુધીની વધી જાય છે.

    આ રીતે થાય છે મહિનાની આવક

    પોસ્ટ ઓફિસમાં વર્ષે 7.3 ટકા સુધીનું વ્યાજ આપવામાં આવે છે, તે સિવાય વ્યાજને 12 મહિનામાં વહેંચી દેવામાં આવે છે, તે ખાતેદારને મહિનાના આધારે મળતું રહે છે, માની લો કે કોઇ વ્યક્તિએ 4.5 લાખ રૂપિયા જમા કરાવે તો તેને મળતું વર્ષિક વ્યાજ 32850 (450000x7.3/100=32,850) થશે. એટલે કે દર મહિને 2737.5 ખાલી વ્યાજરૂપે મળશે.

ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From National News

તમારો ઓપિનિયન પોસ્ટ કરો

લેટેસ્ટ કમેન્ટ્સ

તમારો પ્રશ્ન પોસ્ટ કરો

અનામિક ઉમેરોપ્રશ્ન ઉમેરો

લેખકને તમારો પ્રશ્ન મોકલો

અનામિક ઉમેરોપ્રશ્ન ઉમેરો

Trending