Divya Bhaskar

Home » National News » Utility » પ્લાસ્ટિક બોટલ પર હોય છે ખતરાના આવા નિશાન, શું તમે જાણો છો તેનો અર્થ? । This is What the Symbols on Plastic Bottles Mean

પ્લાસ્ટિકની બોટલ વાપરતા પહેલા જાણો આ નિશાનના અર્થ, ખતરાના છે સંકેત

Divyabhaskar.com | Updated - May 16, 2018, 06:05 PM

જે પાણીની બોટલની નીચે નંબર 1ની સાથે 'PET' અથવા 'PETE' લખેલું હોય તેનો ફરી ઉપયોગ ન કરવો જોઈએ.

  • પ્લાસ્ટિક બોટલ પર હોય છે ખતરાના આવા નિશાન, શું તમે જાણો છો તેનો અર્થ? । This is What the Symbols on Plastic Bottles Mean
    +1બીજી સ્લાઈડ્સ જુઓ

    યૂટિલિટી ડેસ્કઃ કાયમ આપણે જ્યારે ઘરની બહાર નીકળીએ છીએ તો પાણી પીવા માટે સામાન્ય પ્લાસ્ટિકની બોટલ્સનો ઉપયોગ કરતા હોઈએ છીએ, પરંતુ શું તમે જાણો છો કે સહેજ પણ તડકામાં જવાથી આ બોટલનું પાણી પીવું તમારી હેલ્થ માટે નુકસાનકારક સાબિત થઈ શકે છે. તેનાથી તમને ફૂડ પોઇઝનિંગ પણ થઈ શકે છે. આપણે બધા જ જાણીએ છીએ કે પ્લાસ્ટિકની બોટલ અથવા ડબ્બાનો વારંવાર ઉપયોગ કરવો નુકસાનકારક છે, પરંતુ આપણે તેને નજરઅંદાજ કરી દેતા હોઈએ છીએ. કારણ કે આપણને લાગે છે કે તેનાથી બચાવનો એક જ ઉપાય છે કે તેનો ઉપયોગ બંધ કરી દેવો જોઈએ. આવું કરવું કોઈ પણ વ્યક્તિ માટે મુશ્કેલ હોય શકે છે. એવામાં જરૂર છે કે એક સુરક્ષિત બોટલ અથવા ડબ્બાની પસંદગી કરવામાં આવે. જો તમે પ્લાસ્ટિકના સામાન પર તેના ઉપયોગ વિશે લાગેલા લેબલ્સને ધ્યાનથી જોશો તો તમે સરળતાથી જાણી શકશો કે કઈ પ્લાસ્ટિકની બોટલ તમારા માટે

    વધુ સુરક્ષિત છે.

    જે પાણીની બોટલની નીચે નંબર 1ની સાથે 'PET' અથવા 'PETE' લખેલું હોય તેનો ફરી ઉપયોગ ન કરવો જોઈએ. વાસ્તવમાં આ પ્રકારની લેબલિંગવાળી બોટલ જ્યારે ઓક્સીજન અથવા ગરમ વાતાવરણના સંપર્કમાં આવે છે તો આ રાસાયણિક ક્રિયા કરી ટોક્સિક્સ બનાવે છે. આ ટોક્સિક્સ શરીરને નુકસાન પહોંચાડે છે. તેનાથી તમને ફૂડ પોઇઝનિંગ પણ થઈ શકે છે.

    આગળ જાણો કેવી બોટલ શરીર માટે નુકસાનકારક છે..

  • પ્લાસ્ટિક બોટલ પર હોય છે ખતરાના આવા નિશાન, શું તમે જાણો છો તેનો અર્થ? । This is What the Symbols on Plastic Bottles Mean

    જણાવી દઈએ કે બોટલ પર 3, 6 અથવા 7 લખેલું હોય તો તે બોટલ પણ ખાવા-પીવાનો સામાન રાખવા માટે સુરક્ષિત નથી માનવામાં આવતી. તેનો ઉપયોગ લાંબા સમય સુધી ન કરવો જોઈએ. કારણ કે તેનાથી તમને અનેક પ્રકારની બીમારીઓ થવાની શક્યતા વધી જાય છે. આ બીમારીઓ પણ શોર્ટ ટર્મની નથી હોતી, જીવનભર તેની કીમત ચૂકવવી પડે છે.

     

    આમ તો પોલિથિલીન (2 અને 4 લેબલ) અને પોલીપ્રોપેલીન (5 અને પીપી લેબલ)નું લેબલ લાગેલી બોટલ ખરીદવી જ પૂરતી નથી. જો તમે સફાઈ પર ધ્યાન નહીં આપો તો આ બોટલનો ઉપયોગ કરવાથી પણ તમે બીમાર પડી શકો છો. એવામાં જરૂરી છે કે દરરોજ ઓછામાં ઓછું એક વખત તમારી બોટલને નવશેકા પાણી અને સાબુથી સરખી રીતે સાફ કરવામાં આવે. બોટલ સાફ કરતી વખતે તેની કેપ અને બોટલના ઢાંકણને પણ સરખી રીતે સાફ કરવાનું ન ભૂલો. બોટલના ઢાંકણમાં હેપેટાઇટિસ Bના વાયરસ હોય શકે છે. એવામાં આખી બોટલને સરખી રીતે સાફ કરો. શક્ય હોય તો બોટલને મોં લગાવીને ન પીવો. તેમાં સ્ટ્રો નાખીને તેનો ઉપયોગ કરો.

ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From National News

Trending