• Home
  • National News
  • Utility
  • પાનકાર્ડમાં લખાવી શકો છો પોતાની માતાનું નામ|Now New option to get Mothers Name on PAN card printed

પાનકાર્ડમાં લખાવી શકો છો પોતાની માતાનું નામ, મળે છે આ સુવિધા

જુના નિયમોના આધાર પર કરદાતાઓ પાસે માત્ર એક જ વિકલ્પ હતો

divyabhaskar.com | Updated - Jun 02, 2018, 11:27 AM
પાનકાર્ડમાં લખાવી શકો છો પોતાની માતાનું નામ|Now New option to get Mothers Name on PAN card printed

નવી દિલ્હી: પાન કાર્ડ ITમાં તમારુ પ્રતિનિધિત્વ દાખલ કરવા માટેનું એક મહત્વનું ડોક્યુમેન્ટ છે. જો તમે ધ્યાનથી જોયું હશે તો પાનકાર્ડની નીચે તમારા પિતાનું નામ લખવામાં આવે છે, જોકે ભાગ્યે જ લોકોને ખબર હશે કે પિતાની જગ્યા પર માતાનું નામ પણ લખી શકાય છે. ધારકને તે સુવિધા આપવામાં આવે છે કે તે પિતા અથવા માતામાંથી કોઇપણ એકનું નામ લખી શકે છે. હવે તે જરૂરી નથી કે પાનકાર્ડમાં ખાલી પિતાનું જ નામ ચાલે. જો તમે પણ તમારા પાનકાર્ડ પર તમારી માતાનું નામ એડ કરવા માંગો છો તો તેની પ્રક્રિયા પણ ખુબજ સરળ છે. તો આવો જાણીએ કે કેવી રીતે તમે પણ પાનકાર્ડ પર લખાવી શકો છો તમારી માતાનું નામ.

શું હતો પહેલાનો નિયમ?

જુના નિયમોના આધાર પર કરદાતાઓ પાસે માત્ર એક જ વિકલ્પ હતો, તે માત્ર પોતાના પિતાનું જ નામ લખાવી શકતા હતા. જોકે નવા નિયમો અનુસાર તે હવે પિતા અથવા માતા બંન્નેમાંથી કોઇપણનું નામ લખાવી શકે છે.

જાણો કેવી રીતે લખાવી શકાય છે પોતાની માતાનું નામ

સેન્ટ્રલ ડાયરેક્ટ ટેક્સ ડિરેક્ટોરેટે પાન કાર્ડ એપ્લિકેશન ફોર્મ 49A અને 49AAમાં 16 મે 2014થી મહત્વના ફેરફાર કર્યા છે. 49A અને 49AAના સુધારેલા ફોર્મમાં ઓપ્શન આપવામાં આવ્યો છે, જેના આધારે કરદાતા પાનકાર્ડ પર પોતાની માતાનું નામ એડ કરાવી શકે છે. તો જો હાલમાં તમે પાનકાર્ડ માટે એપ્લાય કરવા જવાનું વિચારી રહ્યા છો તો ફોર્મ ભરતી વખતે તમારા નામની ઠીક નીચે તમારી માતાનું નામ લખાવી શકો છો.

તમને જણાવી દઇએ કે પાનકાર્ડ માટે તમારે 49A ફોર્મ ડાઉનલોડ કરવાનું રહેશે. જેને તમે IT વિભાગની વેબસાઇટ www.incometaxindia.gov.inમાંથી ડાઉનલોડ કરી શકો છો.

એ સિવાય આ ફોર્મ IT પાન સેવા કેન્દ્રમાં પણ ઉપલ્બ્ધ હોય છે. એપ્લિકેશન બાદ આપને એક નંબર આપવામાં આવશે જેના દ્વારા તમે જાણી શકશો કે તમે જે પાનકાર્ડ માટે એપ્લાય કર્યુ છે તેનું સ્ટેટસ શું છે. એટલે કે, તમે જાણી શકો છો કે તમારા પાનકાર્ડની હાલની સ્થિતિ શું છે અને કેટલા દિવસમાં તમારા સુધી પહોંચશે. પાનકાર્ડ બનાવવા માટે 150થી 200 રૂપિયા સુધીનો ખર્ચ લાગે છે.

આગળ જાણો, બે પાનકાર્ડ હોય તેવી સ્થિતિમાં શું કરવું જોઇએ ?

X
પાનકાર્ડમાં લખાવી શકો છો પોતાની માતાનું નામ|Now New option to get Mothers Name on PAN card printed
COMMENT

Recommended

પોપ્યુલર વીડિઓ વધુ જુઓ

ની  સંપૂર્ણ વાંચનસામગ્રી
Read In App