Divya Bhaskar

Home » National News » Utility » મુકેશ અંબાણીના 24 કલાક | Day in a Mukesh Ambani life

આવા હોય છે ભારતના સૌથી પૈસાદાર બિઝનેસમેનના 24 કલાક

Divyabhaskar.com | Updated - Apr 25, 2018, 08:09 PM

મુકેશ અંબાણીનું ટાઇમ મેનેજમેન્ટ, આટલો સમય વીતાવે છે ઓફિસમાં

  • મુકેશ અંબાણીના 24 કલાક | Day in a Mukesh Ambani life
    +1બીજી સ્લાઈડ્સ જુઓ

    યુટિલિટી ડેસ્કઃ ફાયનાન્શિયલ સર્વિસ ફર્મ Credit Suisse અનુસાર, રિલાયન્સે અત્યાર સુધીમાં 4 કરોડથી વધુ જિયોફોન વેચ્યા છે. ફીચર ફોન માર્કેટ પર જિયોનો દબદબો છે. રિલાયન્સ ઇન્ડસ્ટ્રીઝે સપ્ટેમ્બર, 2016માં જિયોફોન લોન્ચ કર્યો હતો. રિલાયન્સ ઇન્ડસ્ટ્રીઝ અને જિયોને મળેલી સફળતાને કારણે મુકેશ અંબાણીનું નામ ફોર્ચ્યુન મેગેઝિને વિશ્વના 50 સૌથી સફળ લીડર્સમાં સામેલ કર્યું. ભારતના સૌથી ધનિક વ્યક્તિ એવા મુકેશ અંબાણી કેટલાંય બિઝનેસમેન અને આંત્રપ્રિન્યોરની ઇન્સ્પિરેશન છે. અંદાજે 2.70 લાખ કરોડ રૂપિયાથી વધુની સંપત્તિ ધરાવતા મુકેશ અંબાણીનો દિવસ કેવો હશે, તે કેટલા વાગે ઉઠતા હશે અને ક્યારે ઉંઘતા હશે જાણવાની સૌને ઇચ્છા હશે તો અત્રે અમે મુકેશ અંબાણીના 24 કલાક કેવા હશે તે જણાવી રહ્યા છીએ.

    મુકેશ અંબાણીનું ટાઇમ મેનેજમેન્ટઃ સવારે 5થી 5.30 થતાં મુકેશ અંબાણી ઉઠતાં હોય છે. પછી સવારે 6થી 7.30 સુધી તેઓ જિમમાં વર્કઆઉટ કરે છે અને સ્વિમિંગ કરે છે. એક્સર્સાઇઝ પછી તેઓ થોડીવાર ન્યૂઝપેપર પણ વાંચે છે.

    સવારે 8થી 9: જ્યૂસ (પપૈયાનું જ્યૂસ ફેવરિટ) , ઘઉંના ફાડા, મિસ્સી રોટી - દહીં જેવો હળવો નાસ્તો લે. રવિવારે બ્રેકફાસ્ટમાં માટૂંગા(મુંબઇ)ના મૈસૂર કાફેના ઇડલી સંભાર મુકેશ અંબાણીના ફેવરિટ છે.

    સવારે 9થી 10: એન્ટિલિયામાં જ 14મા માળે તૈયાર થાય છે. પછી 21 માળે બનેલી પર્સનલ ઓફિસમાંથી જરૂરી ફાઇલ અને બેગ કલેક્ટ કરે છે.

    સવારે 10થી 10.30: પહેલા મા કોકિલાબેનના આશીર્વાદ લે છે. પછી 16મા માળે પત્ની નીતાને બાય કહ્યા પછી 13મા માળે બાળકોને મળે છે. બાદમાં એન્ટિલિયાના ત્રીજા માળે બનેલા પાર્કિંગમાં આવે છે અને ક્યારેક ડ્રાઇવર સાથે તો ક્યારેક જાતે ડ્રાઇવ કરીને ઓફિસ જાય છે. મુકેશ અંબાણીને અઢી કરોડની મર્સિડીઝ અને મેબેક 62 કાર પસંદ છે.

    આગળ જાણોઃ ઓફિસમાં મુકેશ અંબાણીનું ટાઇમ મેનેજમેન્ટ

  • મુકેશ અંબાણીના 24 કલાક | Day in a Mukesh Ambani life

    સવારે 11થી રાતના 10: મુકેશ અંબાણી નરીમન પોઇન્ટ ખાતેની રિલાયન્સની કોર્પોરેટ હેડ ઓફિસ પહોંચે છે. અહીં તેમના PA એ તૈયાર કરેલું ડેઇલી ચેક લિસ્ટ, મીટિંગ શિડ્યૂઅલ, ટાસ્ક અને બિઝનેસ હેડ્સ સાથે મીટિંગમાં દિવસ વીતાવે છે. દર સોમવારે મુકેશ અંબાણી વીકલી ચેક લિસ્ટનું રિવ્યૂ કરે છે.

     

    રાત્રે 10થી 12: રાતે 10 વાગતા મુકેશ અંબાણી ઓફિસથી ઘરે પાછા ફરે છે અને કપડાં ચેન્જ કરે છે. રાત્રે 11થી 12 દરમિયાન તેઓ પત્ની નીતા સાથે રોટલી, દાળ, ભાત અને સલાડ ડિનરમાં લે છે. વીકમાં એકવાર તેઓ ગુજરાતી અને સાઉથ ઇન્ડિયન ડિનર લે છે. 

     

    રાત્રે 12થી 2: ડિનર પછી મુકેશ પત્ની નીતા સાથે દિવસભરનો એક્સ્પીરિયન્સ શેર કરે છે. પછી નીતા અંબાણી ઉંઘવા જાય છે. ઘણીવાર મુકેશ અંબાણી રાતે 2થી 2.30 દરિમાયન પણ ઓફિશિયલ કામ પતાવતા હોય છે અને પછી તેઓ બેડરૂમમાં જાય છે.  

ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From National News

Trending