Divya Bhaskar

Home » National News » Utility » Make these changes in room to reduce electricity bill of AC

તમારા ACનું બિલ 20% ઘટાડવા, રૂમમાં કરો આ ફેરફાર

Divyabhaskar.com | Updated - Mar 12, 2018, 12:13 PM

ગરમી શરૂ થતાની સાથે જ ACની જાહેરાતો આવવાનું શરૂ થઈ જાય છે

  • Make these changes in room to reduce electricity bill of AC
    +1બીજી સ્લાઈડ્સ જુઓ

    નવી દિલ્હીઃ ગરમી શરૂ થતાની સાથે જ ACની જાહેરાતો આવવાનું શરૂ થઈ જાય છે. મોટા ભાગની કંપનીઓ એમ દાવો કરે છે કે તેમનું એસી વિજળી બચાવે છે. જોકે એ પણ વાસ્તવિકતા છે કે જો તમારો રૂમ સંપૂર્ણ રીતે એસી લગાવવા માટે ફીટ નથી તો વિજળીની બચત કરવી મુશ્કેલ પડશે. આ કારણે એ જાણવું જરૂરી છે કે AC લગાવતા પહેલા રૂમમાં કેવા પ્રકારના ફેરફાર કરવામાં આવે જેથી વિજળીની બચત થાય અને સારી ઠંડક પણ મળે...

    AC લગાવતા પહેલા આ બાબત પર ધ્યાન આપવામાં આવે

    રૂમનો આકાર

    રૂમના આકારના પ્રમાણે AC લગાવો. જો તમે વધુ ક્ષમતાનું એસી લગાવશો તો તેની ક્ષમતા વ્યર્થ જશે અને ઓછી ક્ષમતા હશે તો વિજળીનો વધુ ખર્ચ આવશે અને કુલિંગ પણ સારું નહિ થાય.

    રૂમમાં ઓછો સામાન રાખો

    રૂમમાં જે પણ સામાન હોય છે, AC તેને પણ ઠંડો કરે છે. આ કારણે રૂમમાં જેટલો ઓછો સામાન હશે, એટલું સારું રહેશે.

    રૂમમાં મૂકેલા ઈલેકટ્રિક ઈન્સ્ટ્રુમેન્ટ પર ધ્યાન આપો

    ઘણાં વિજળીના ઉપકરણ એવા હોય છે જે ખુબ જ ગરમી છોડે છે. આ કારણે રૂમમાં વિજળીના ઈનસ્ટ્રુમેન્ટ પર જરૂર નજર રાખો. પ્રકાશ માટે એલઈડી લાઈટનો વપરાશ કરશો તો તેનાથી ફાયદો થશે.

    કેવી છે વિન્ડો

    રૂમમાં જો વધુ વિન્ડો હશે તો કુલિંગ પર વધુ પ્રભાવ પડશે. આ કારણે એવા રૂમમાં એસી લગાવવું જોઈએ જયાં વિન્ડો ઓછી હોય. જો આમ શકય નથી તો આ વિન્ડોને ઈનસ્યુલેટેડ જરૂર કરવી જોઈએ, જેના કારણે સૂર્યની ગરમી રૂમમાં આવતી બંધ થઈ જાય અને સારી એવી ઠંડકની સાથે વિજળીનું બિલ પણ ઓછું આવે.

    વિન્ડો અને સપ્લિટ AC કયા લગાવશો

    એસી વિન્ડો હોય કે સ્પિલ્ટ સૌ પ્રથમ એ બાબતનું ધ્યાન રાખો કે તેની પર સીધો તડકો ન આવે. જો આમ થશે તો તેના કુલિંગમાં ફર્ક પડશે. આ કારણે જયારે પણ એસી લગાવો આ બાબતનું ખાસ ધ્યાન રાખો. જો આમ શકય ન હોય તો એવી વ્યવસ્થા કરો જેથી તેની પર સૂર્ય પ્રકાશ ન પડે. આમ કરવાથી પણ વિજળીનું બિલ ઘટાડી શકાય છે.

    આગળ વાંચો, ગરમી શરૂ થતા પહેલા કરી લો આ કામ, ઓછું આવશે વિજળી બિલ...

  • Make these changes in room to reduce electricity bill of AC

    એસી ખરીદતી વખતે રાખો ધ્યાન

     

    ગરમીની સિઝનમાં આજકાલ દેશના ઘણાં શહેરોમાં તાપમાન 50 ડિગ્રીની ઉપર જતું રહે છે.  આ ગરમીમાં ઘણાં એસી કામ કરવાનું બંધ કર દે છે. તેનું કારણ છે કે ઘણાં એસી 43થી 48 ડિગ્રીની વચ્ચે જ સારું કામ કરે છે. પરતું જયારે તાપમાન 48ની ઉપર જાય તો એસી ઠંડક કરવાનું બંધ કરી દે છે. આ કારણે જયારે AC ખરીદો તો જરૂર જોઈ લો કે તે કેટલી ડિગ્રી પડે ત્યાં સુધી કામ કરી શકે છે. આજકાલ ઘણાં એસી એવા આવી રહ્યાં છે, જે 54 ડિગ્રી સુધી કામ કરી શકે છે. તેની ખરીદી કરવી તે જ યોગ્ય નિર્ણય છે.

     

    આ રીતે બચશે 20 ટકા સુધી વિજળી

     

    સિટી એરકન્ડીશનર્સના સંજય લજારસના જણાવ્યા અનુસાર, એસી કેટલું પણ સારું હોય, પરતું તે ત્યારે જ કામ કરે છે જયારે તેને યોગ્ય રીતે ફીટ કરવામાં આવે. તેના માટે રૂમમાં જરૂરી ફેરફાર કરવા જોઈએ. તેના બે ફાયદા છે. એક તો વિજળીનું બિલ લગભગ 20 ટકા જેટલું ઓછું થઈ જાય છે. આ સિવાય એસીની લાઈફ પણ વધે છે.

ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From National News

Trending