Home » National News » Utility » know about difference between ias-ips-ifs

IAS, IPS, IFSમાં આ છે અંતર, આ રીતે નક્કી થાય છે સેલરી

Divyabhaskar.com | Updated - Mar 13, 2018, 11:30 AM

આઇએએસ, આઇપીએસ, આઇઇએસ, આઇએફએસ અધિકારી બનવા માટેની પ્રોસેસ અંગે મોટાભાગે બધા જ જાણતા હોય છે

  • know about difference between ias-ips-ifs
    +2બીજી સ્લાઈડ્સ જુઓ

    યુટિલિટી ડેસ્કઃ આઇએએસ, આઇપીએસ, આઇઇએસ, આઇએફએસ અધિકારી બનવા માટેની પ્રોસેસ અંગે મોટાભાગે બધા જ જાણતા હોય છે અને આ પદ પર પહોંચવા માટે તૈયારી પણ કરતા હોય છે. પરંતુ મોટાભાગના લોકો તેમની ભૂમિકાઓને લઇને મુંઝવણમાં હોય છે. આઇએએસ અને આઇપીએસનું પદ વિશેષ અધિકાર મેળવે છે. તેમને લોક સેવાના અધિકારીઓ તરીકે ઓળખવામાં આવે છે અને આ ભારતીય લોકતંત્રના ધ્વજવાહક કહેવાય છે. તેમની અલગ-અલગ ભૂમિકા હોય છે, તેમજ તેમની સેલરીમાં પણ મોટું અંતર હોય છે. આ તમામ અધિકારી યુપીએસસી તરફથી લેવામાં આવતી સિવિલ સેવા પરીક્ષા પાસ કર્યા બાદ પસંદગી પામે છે. આજે અમે અહીં આઇએસ, આઇપીએસ અને આઇએફએસમાં શું અંતર છે અને આઇએએસ તથા આઇપીએસની સેલરી કેવી રીતે નક્કી થાય છે એ અંગે જણાવી રહ્યાં છીએ.

    આઇએએસ(ઇન્ડિયન એડમિનિસ્ટ્રેટિવ સર્વિસ)


    સિવિલ સેવા પરીક્ષામાં ટોપ રેન્ક હાસલ કરનાર ઉમેદવારને આઇએએસ બનાવવામાં આવે છે. આઇએએસ અધિકારી સંસદમાં બનતા કાયદાને પોતાના વિસ્તારમાં લાગુ કરાવે છે. સાથે જ નવી નીતિઓ અથવા કાયદાઓ બનાવવામાં પણ મહત્વનું યોગદાન આપે છે. આઇએએસ અધિકારી કેબિનેટ સેક્રેટ્રી, અંડર સેકેટ્રી વિગેરે બની શકે છે.

    આઇપીએસ(ઇન્ડિયન પોલીસ સર્વિસ)


    આઇપીએસ અધિકારી પોતાના કાર્યક્ષેત્રમાં કાયદો વ્યવસ્થા જાળવી રાખવાનું કામ કરે છે અને આઇપીએસ એસપીથી લઇને આઇજી, ડેપ્યૂટી આઇજી, ડીજીપી સુધીના પદ હાંસલ કરી શકે છે. આઇપીએસ ફિયરલેસ અને ઇક્વાલિટીને સાથે લઇને ચાલે છે. આઇપીએસ સાચી રીતે કાયદો લાગુ કરવાનું કામ કરે છે.

    આગળની સ્લાઇડ્સમાં વાંચો આઇઇએસ અને આઇએફએસ વિશે

  • know about difference between ias-ips-ifs
    +1બીજી સ્લાઈડ્સ જુઓ

    આઇઇએસ(ઇન્ડિયન એન્જિનિયરિંગ સર્વિસ)

    આઇઇએસ સરકારના ટેક્નિકલ ફંક્શન જુએ છે. ખાસ વાત એ છે કે અન્ય અધિકારીઓ માટે માત્ર ગ્રેજ્યુએશન થયેલા હોવા જોઇએ, પરંતુ આઇઇએસ માટે ઉમેદવારોએ એન્જિનિયરિંગમાં ગ્રેજ્યુએટ થવું જરૂરી છે. આઇઇએસ અધિકારી ડિપાર્ટમેન્ટ ઓફ સિવિલ એન્જિનિયરિંગ, મેકેનિકલ એન્જિનિયરિંગમાં કામ કરે છે. 
     

    આઇએફએસ(ઇન્ડિયન ફોરેન સર્વિસ)

    આઇએફએસ વિદેશી મામલામાં લઇને કામ કરે છે અને વિદેશ મંત્રાલયમાં પોતાની સેવા આપે છે. આઇએફએસ અધિકારી યુપીએસસી ક્લિયર કરીને ત્રણ વર્ષની ટ્રેનિંગ બાદ આઇએફએસ અધિકારી બને છે. આઇએફએસ અધિકારી ડિપ્લોમેસી સાથે જોડાયેલા મામલાઓનું કામ કરે છે અને દ્વિપક્ષીય મામલાઓને હેન્ડલ કરે છે. 
     

    આગળની સ્લાઇડ્સમાં વાંચો આઇએએસ અને આઇપીએસની સેલરી અંગે

  • know about difference between ias-ips-ifs

    આઇએએસ અધિકારીની સેલરી

    આઇએએસ અધિકારીની સેલરીની વાત કરીએ તો તે વિભિન્ન સંરચનાઓના આધારે હોય છે, જેમ કે જૂનિયર સ્કેલ, સીનિયર સ્કેલ, સુપર ટાઇમ સ્કેલ, વેતનનામાઓમાં અલગ-અલગ વેતન બેન્ડ હોય છે. આઇએએસ અધિકારી પણ એચઆએના હકદાર હોય છે. સાથે તેમને ડીએ અને ટીએ પણ મળે છે. તેમાં કેબિનેટ સેક્રેટ્રી, અપેક્સ, સુપર ટાઇમ સ્કેલના આધારે સેલરી વધે છે.
     

    આઇપીએસ અધિકારીની સેલરી

    આઇપીએસ અધિકારીઓને પણ પીએફ, ગ્રેજ્યુએટી, હેલ્થકેર સર્વિસિઝ, આજીવન પેન્શન, નિવાસ, સર્વિસ ક્વાર્ટર, પરિવહન, ઘરેલુ કર્મચારીઓ, અધ્યયનની રજાઓ અને અન્ય સેવાનિવૃત્તિ સુવિધાઓ આપવામાં આવે છે. તેમાં આઇજી, ડીઆઇજી, એડીજી, એસપીના આધારે સેલરી મળે છે. 

ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From National News

Trending

વીડિયો વધુ જુઓ