Divya Bhaskar

Home » National News » Utility » Income tax department issues ITR form, know details

ઈન્કમ ટેકસ વિભાગે ITRના 7 ફોર્મ બહાર પાડયા, જાણો કયુ ફોર્મ તમને પડશે લાગુ

Divyabhaskar.com | Updated - May 29, 2018, 06:06 PM

ઈન્કમ ટેકસ વિભાગે ઈ-ફાઈલિંગ માટે સાત આઈટીઆર ફોર્મ બહાર પાડયા છે

  • Income tax department issues ITR form, know details

    યુટિલિટી ડેસ્કઃ ઈન્કમ ટેકસ વિભાગે ઈ-ફાઈલિંગ માટે સાત આઈટીઆર ફોર્મ બહાર પાડયા છે. કેન્દ્રીય કર બોર્ડે 5 એપ્રિલે મુલ્યાંકન વર્ષ 2018-19 માટે નવા આઈકર ફોર્મ બહાર પાડવાનું નક્કી કર્યું હતું. 2019-19 માટે તમામ આઈટીઆર હવે ઈ-ફાઈલિંગ માટે ઉપલબ્ધ છે. આ અંગેની માહિતી વિભાગે એક નિવેદનમાં આપી છે.

    ઈન્કમ ટેકસ વિભાગે 5 એપ્રિલથી આઈટીઆર ફોર્મ બહાર પાડવાનું શરૂ કર્યું છે. સીબીડીટીએ કહ્યું હતું કે તમામ સાત આઈટીઆર વિભાગના ઓફિશિયલ પોર્ટલ ( Incometaxindiaefiling.gov.in) પર ઓનલાઈન ફાઈલ કરી શકાશે. ઉલ્લેખનીય છે કે વર્ષ 2018-19 માટે ઈન્કમ ટેકસ રિટર્ન ફાઈલ કરવાની છેલ્લી તારીખ 31 જુલાઈ 2018 નક્કી કરી છે.

    આઈટીઆર સાત પ્રકારના હોય છે, તો ચાલો જાણીએ...

    આઈટીઆર 1

    જો કોઈ ઈન્ડિવિઝયુઅલ કે HUFને વેતન, પેન્શન, પ્રોપર્ટી કે ભાડું કે વ્યાજથી આવક થાય છે, તો આઈટીઆર 1 કે સહજ ભરો. કોઈ પણ વ્યક્તિ જેને વેચાણ વગર કર મુકત આવક ( કૃષિ સિવાય 5 હજારથી વધુ આવક) થઈ રહી છે, તો તે આઈટીઆર-1 ફોર્મ ભરી શકે છે. આ ફોર્મ માત્ર પચાસ લાખ સુધીની આવક પર ભરી શકાય છે.

    આઈટીઆર 2

    આવા ઈન્ડિવિઝયુઅલ અને HUF જેને કૃષિ, એકથી વધુ પ્રોપર્ટીમાંથી ભાડું, કેપિટલ ગેન, લોટરી કે અન્ય સ્ત્રોતથી આવકમાં લોટરી અને રેસિંગથી પણ આમદાની થાય છે. આ લોકોએ પણ આઈટીઆર 2 ફોર્મ ભરવું જરૂરી છે.

    આઈટીઆર 3

    જેમને વ્યાજ, સેલેરી, બોનસથી આવક, કેપિટલ ગેન, એકથી વધુ પ્રોપર્ટી દ્વારા આવક થાય છે, તેના માટે આ ફોર્મ ભરવું જરૂરી હોય છે. સરળભાષામાં તેને સમજો કે કોઈ પોતે બિઝનેસ કરે છે, કે કોઈ પ્રોફેશનમાંથી આમદાની પ્રાપ્ત કરી રહ્યું છે, તો તેણે આઈટીઆર 3 ફોર્મ ભરવું જોઈએ.

    આઈટીઆર 4

    આવા ઈન્ડિવિઝયુઅલ અને HUF ( હિન્દુ અવિભાજિત પરિવાર) લોકો જેને બિઝનેસ, પ્રોફેશન (ડોકટર, વકીલ વગેરે) દ્વારા આવક થઈ રહી છે.

    આઈટીઆર 5

    આઈટીઆર 5 તે સંસ્થાઓએ ભરવાનું હોય છે, જેણે ફર્મ LLPs, AOPs, BOIsના રૂપમાં રજિસ્ટર્ડ કરાવેલું છે.

    આઈટીઆર 6

    એ કંપનીઓ જેને ઈન્કમ ટેકસ એકટના સેકશન 11 અંતર્ગત છુટ મળતી નથી. તેમને આઈટીઆર 6 ભરવાનું હોય છે. આઈટીઆર 6 ઓનલાઈન ભરી શકાય છે.

    આઈટીઆર 7

    આઈટીઆર 7 ફોર્મ એવા લોકો કે કંપનીઓ માટે છે, જે સેકશન 139(4A) કે સેકશન 139 (4B) કે સેકશન 139(4C) કે સેકશન 139 (4D) અંતર્ગત રિટર્ન દાખલ કરે છે.

ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From National News

તમારો ઓપિનિયન પોસ્ટ કરો

લેટેસ્ટ કમેન્ટ્સ

તમારો પ્રશ્ન પોસ્ટ કરો

અનામિક ઉમેરોપ્રશ્ન ઉમેરો

લેખકને તમારો પ્રશ્ન મોકલો

અનામિક ઉમેરોપ્રશ્ન ઉમેરો

Trending