• Home
  • National News
  • Utility
  • વધારે એકાઉન્ટ રાખવાથી વધે છે પેનલ્ટી,ITRની મુશ્કેલીઓ| Having more account increases penalties and ITR difficulties

એક કરતા વધારે એકાઉન્ટ રાખવાથી વધે છે પેનલ્ટી અને ITR સહિતની મુશ્કેલીઓ

જુના એકાઉન્ટને બંધ નહી કરાવો તો આપવી પડશે પેનલ્ટી

divyabhaskar.com | Updated - Jun 07, 2018, 12:18 PM
વધારે એકાઉન્ટ રાખવાથી વધે છે પેનલ્ટી,ITRની મુશ્કેલીઓ| Having more account increases penalties and ITR difficulties

યુટિલિટી ડેસ્ક: નોકરી છોડ્યા પછી મોટાભાગના લોકો પોતાની જૂની નોકરી તરફથી ખોલી આપવામાં આવેલા સેલરી એકાઉન્ટને બંધ નથી કરાવતા, જે તેમના માટે ભવિષ્યમાં મોટી મુશ્કેલીઓ ઉભી કરી શકે છે. એક કરતા વધારે બેન્ક એકાઉન્ટના હોવા પર પેનલ્ટી અને આઇટીઆર સહિતની અન્ય ઘણી મુશ્કેલીઓનો સામનો કરવો પડે છે. તો આવો જાણી લઇએ કે એક કરતા વધારે બેન્ક એકાઉન્ટ હોવાથી કેવી મુશ્કેલીઓ થાય છે અને તેનાથી કેવી રીતે બચી શકાય.

જુના એકાઉન્ટને બંધ નહી કરાવો તો આપવી પડશે પેનલ્ટી

નવી નોકરીમાં નવું એકાઉન્ટ ખોલાવ્યા બાદ મોટાભાગના લોકો પોતાના જુના એકાઉન્ટને બંધ કરાવવાનું ભૂલી જાય છે. સામાન્ય રીતે સેલરી એકાઉન્ટમાં ત્રણ મહિના સુધી સેલરી જમા ના થવા પર બેન્ક તેને સામાન્ય સેવિંગ એકાઉન્ટમાં બદલી નાખે છે અને જો તેમા પર્યાપ્ત રકમ નહી હોય તો બેન્ક તમારી પાસેથી પેનલ્ટી પણ વસૂલી શકે છે. બેન્ક તરફથી વસૂલવામાં આવતી પેનલ્ટી અને સેલરી એકાઉન્ટને સેવિંગ એકાઉન્ટમાં બદલવાનો સમય અલગ અલગ હોય છે. અમૂક બેન્કોમાં 6 મહિના સુધી મિનિમમ બેલેન્સ મેન્ટેન ના કરવા પર બેન્ક પેનલ્ટી વસૂલે છે.

વધારે વ્યાજ મળવાના ચાન્સ નથી રહેતા

એક કરતા વધારે બેંકોમાં એકાઉન્ટ હોવાથી સૌથી મોટી સમસ્યા એ ઉભી થાય છે કે, તમારે દરેક એકાઉન્ટને મેનટેન કરવાનું રહે છે, બેન્ક તમને તે રકમ પર માત્ર 4થી6 ટકા સુધી જ વ્યાજ આપી શકે છે, પણ જો તમે અન્ય એકાઉંટને બંધ કરી તે રકમને બીજી કોઇ જગ્યા પર રોકાણ કરશો તો તમને તેમા વધારે વ્યાજ મળી શકે છે.

આઇટીઆર ભરતી વખતે આવે છે સમસ્યા

એકથી વધારે બેન્ક એકાઉન્ટ હોવા પર આઇટીઆર ભરતી વખતે પણ ઘણી સમસ્યાઓ ઉભી થઇ જાય છે. કારણકે દરેક એકાઉન્ટની જાણકારી આઇટીઆરને આપવાની રહે છે. એટલે રિટર્ન ભરતી વખતે દરેક બેન્ક એકાઉન્ટની જાણકારી અને સ્ટેટમેન્ટના રેકોર્ડ ભેગા કરવામાં મુશ્કેલી વધી જાય છે. તો જો તમે આ પ્રકારની મુશ્કેલીઓ માટે દુર રહેવા માંગો છો તો સમયસર તમારા જુના એકાઉન્ટને બંધ કરી દેવું જોઇએ.

X
વધારે એકાઉન્ટ રાખવાથી વધે છે પેનલ્ટી,ITRની મુશ્કેલીઓ| Having more account increases penalties and ITR difficulties
COMMENT

Recommended

પોપ્યુલર વીડિઓ વધુ જુઓ

ની  સંપૂર્ણ વાંચનસામગ્રી
Read In App