Home » National News » Utility » Do you know about this special government scheme

સરકારની આ યોજનામાં મહિને 210 રૂપિયા જમા કરાવીને વર્ષે મેળવો 60,000

Divyabhaskar.com | Updated - Apr 17, 2018, 12:56 PM

સરકારની આ ખાસ યોજનામાં જમા કરાવો પૈસા અને મેળવો યોગ્ય વળતર

  • Do you know about this special government scheme
    +1બીજી સ્લાઈડ્સ જુઓ

    નવી દિલ્હીઃ શું તમે રિટાયરમેન્ટ બાદ આનંદદાયક જીવન પસાર કરવા માટે પૈસા બચાવવાની યોજના બનાવી રહ્યાં છો. તો મોદી સરકાર તમારા માટે એક યોજના લઈને આવી છે. તેમાં તમે 210 રૂપિયા મહીને બચાવીને આમ કરી શકો છો. 210 રૂપિયા મહીના વાળા પ્લાનમાં તમારે કુલ 42 વર્ષ સુધી રોકાણ કરવાનું રહેશે.

    જોકે આ યોજનામાં રોકણની રકમ તમારી ઉંમર પર નિર્ભર કરશે. જેટલી ઓછી તમારી ઉંમર હશે એટલું ઓછું રોકાણ તમારે કરવાનું રહેશે અને જેટલી વધુ ઉંમર તમારી હશે તેટલું વધુ રોકાણ તમારે કરવાનું રહેશે. અટલ પેન્શન યોજના (એપીવાઈ) મોદી સરકાર દ્વારા ચલાવવામાં આવનારી એવી યોજના છે, જે મુખ્યરૂપથી અસંગઠિત ક્ષેત્રના કર્મચારીઓ પર કેન્દ્રિત છે. એક વ્યક્તિ આ પેન્શન પ્લાનમાં 18થી લઈને 40 વર્ષની ઉંમરની વચ્ચે રોકાણ શરૂ કરવાનું શરૂ કરી શકો છો. તેમાં વ્યક્તિનું યોગદાન અને તેની ઉંમરના આધાર પર 1000 રૂપિયાથી લઈને 5000 રૂપિયા પ્રતિ માસ ફિક્સ પેન્શન મળશે.

    અટલ પેન્શન યોજના ભારતના તમામ નાગરિકો માટે છે. આ યોજનામાં પ્રતિ માસ 210 રૂપિયા રોકાણ કરનાર વ્યક્તિને વર્ષમાં 60,000 રૂપિયા મળશે. આ યોજના માટે બેન્ક કે પોસ્ટ ઓફિસમાં સેવિંગ એકાઉન્ટ ખોલવવાની જરૂરિયાત સર્જાશે.

    આગળની સ્લાઈડમાં વાંચો, અટલ પેન્શન યોજનામાં ફીક્સ માસિક પેન્શન મેળવવા માટે કેટલું રોકાણ કરવું પડે..

  • Do you know about this special government scheme

    પીએફઆરડીએના જણાવ્યા પ્રમાણે, અટલ પેન્શન યોજના અંસગઠિત ક્ષેત્રના તમામ નાગરિકો પર કેન્દ્રિત છે. આ યોજના મે 2015માં લોન્ચ કરવામાં આવી હતી. આ અંગેની વ્યવસ્થા પીએફઆરડીએ દ્વારા કરવામાં આવી રહી છે, જે વીમા ક્ષેત્રની નિયામકીય સંસ્થા છે. આ યોજનાને સમગ્ર દેશમાં બેન્ક દ્વારા લાગૂ કરવામાં આવી રહી છે. અટલ પેન્શન યોજના નિમ્ન આય વર્ગ વાળા લોકો માટે સારો વિકલ્પ છે. આ યોજના એ લોકો માટે પણ સારો વિકલ્પ છે જેમની પાસ કોઈ ફિકસ રોજગાર નથી.

     

    અટલ પેન્શન યોજનામાં 5000 રૂપિયાનું ફીક્સ માસિક પેન્શન મેળવવા માટે રોકાણ

     

    શરૂઆતની ઉંમર (વર્ષ) માસિક યોગદાન (રૂપિયા) કુલ યોગદાન (વર્ષ) કુલ રોકાણ (રૂપિયા)
    18 210 42 1,05,840
    25 376 35 1,57,920
    30 577 30 2,07,720
    35 902 25 2,70,600
    40 1454 20 3,48,960
     

     

    જો કોઈ વ્યક્તિ 18 વર્ષની ઉંમરમાં દર મહિને 210 રૂપિયાનું રોકાણ કરવાનું શરૂ કરી દે છે, તો તે 42 વર્ષમાં કુલ 1,05,840 રૂપિયા જમા કરશે. આ રીતે જો કોઈ 40 વર્ષની ઉંમરમાં રોકાણ કરવાનું શરૂ કરે છે તો તે અગામી 20 વર્ષ સુધી પ્રતિ માસ 1454 રૂપિયા જમા કરશે અને આ રીતે કુલ 3,48,960 રૂપિયા જમા કરશે. તેનો અર્થ એ છે કે કોઈ વ્યક્તિ ઓછી ઉંમરમાં જ રોકાણ કરવાની શરૂઆત કરે છે તો તે 2,43,120 રૂપિયા બચાવી શકે છે. 

     

    અટલ પેન્શન યોજના માટે આ રીતે કરો ઓનલાઈન અરજી

     

    અટલ પેન્શન યોજના માટે ફોર્મ તમામ બેન્કોની વેબસાઈટ પર ઉપલબ્ધ છે. આ ફોર્મને ડાઉનલોડ કર્યા બાદ તેમાં જરૂરી જાણકારી ભરીને તેને બેન્કમાં જમા કરાવવાની રહેશે. આ ફોર્મની સાથે અન્ય જરૂરી દસ્તાવેજ જમા કરાવવાના રહેશે. બાદમાં અરજકર્તા સરળતાથી અટલ પેન્શન યોજના એકાઉન્ટ ખોલી શકે છે.

ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From National News

Trending

વીડિયો વધુ જુઓ