Home » National News » Utility » અન્ડર ગ્રેજ્યુએટ માટે રિલાયન્સ જિઓ લાવી છે સ્કિમ, આપશે ખાસ ટ્રેનિંગ । Digital Champions Program start by JIO for under graduate

અન્ડર ગ્રેજ્યુએટ માટે રિલાયન્સ જિઓ લાવી છે સ્કિમ, આપશે ખાસ ટ્રેનિંગ

Divyabhaskar.com | Updated - May 07, 2018, 01:51 PM

આ ટ્રેનિંગમાં વિદ્યાર્થીઓને નાના-મોટા બિઝનેસમાં ટેક્નલોજીનો ઉપયોગ કેવી રીતે કરવો તે શીખવવામાં આવશે

  • અન્ડર ગ્રેજ્યુએટ માટે રિલાયન્સ જિઓ લાવી છે સ્કિમ, આપશે ખાસ ટ્રેનિંગ । Digital Champions Program start by JIO for under graduate
    +1બીજી સ્લાઈડ્સ જુઓ

    યુટિલિટી ડેસ્કઃ નવી-નવી ઓફર્સથી ધૂમ મચાવનારી ટેલિકોમ કંપની રિલાયન્સ જિઓએ અન્ડર ગ્રેજ્યુએટ્સ વિદ્યાર્થીઓ માટે એક ડિજિટલ ચેમ્પિયન્સ પ્રોગ્રામની શરૂઆત કરી છે. જેમાં વિદ્યાર્થીઓને ટ્રેનિંગ આપવામાં આવશે. આ ટ્રેનિંગમાં વિદ્યાર્થીઓને નાના-મોટા બિઝનેસમાં ટેક્નલોજીનો ઉપયોગ કેવી રીતે કરવો તે શીખવવામાં આવશે.

    પાંચ અઠવાડિયા સુધી આપવામાં આવશે ટ્રેનિંગ


    રિલાયન્સ જિઓ ડિજિટલ ચેમ્પિયન્સ પ્રોગ્રામ પાંચ સપ્તાહનો એક વિશેષ ટ્રેનિંગ પ્રોગ્રામ છે. જે મેથી જુલાઇ વચ્ચે ચાલશે. આ ટ્રેનિંગ પ્રોગ્રામનો ઉદ્દેશ્ય યુવાનોને ટેક્નોલોજીથી મજબૂત બનાવવા અને નવી ટેક્નોલોજી અંગે શીખવવામાં આવશે. રિલાયન્સ જિઓ ચેમ્પિયન્સ પ્રોગ્રામમાં યુવાનોને ડિજિટલ શીખવવામાં આવશે કે નાના-મોટા બિઝનેસમાં ડિજિટલ ટેક્નોલોજીનો કેવી રીતે કરી શકાય છે.



    વિદ્યાર્થીઓને આપવામાં આવશે ટૂલ કિટ


    આ પ્રોગ્રામમાં વિદ્યાર્થીઓને એક ટૂલ કિટ આપવામાં આવશે, જે થકી જણાવવામાં આવશે કે ટેક્નોલોજીની સમસ્યાઓનું નિરાકરણ કેવી રીતે લાવવામાં આવે અને તેના ઉપયોગથી વિદ્યાર્થી કપરી સ્થિતિમાંથી બહાર કેવી રીતે નીકળવું તેના ગુણો શીખશે. તેના નોટિફિકેશનમાં કહેવામાં આવ્યું છે કે આ કાર્યક્રમ દરમિયાન દેશના અનેક અન્ડર ગ્રેજ્યુએટ્સ વિદ્યાર્થીઓને તક આપવામાં આવશે અને એક ટેલેન્ટ બ્રિજ બનાવવામાં આવશે, જેમાં શીખવવામાં આવેલી ટેક્નોલોજી આવનારા સમયમાં ડિજિટલ ઇન્ડિયાને મદદરૂપ થશે.

    બનાવવામાં આવશે ચાર બેન્ચ


    ડિજિટલ ચેમ્પિયન્સ પ્રોગ્રામ હેઠળ દેશભરમાંથી 4 બેન્ચ બનાવવામાં આવશે. જેની પહેલી બેન્ચ આ મહિને 21 મેથી શરૂ કરવામાં આવશે, દરેક બેન્ચનો સમયગાળો એક મહિનાનો હશે. આ પાંચ અઠવાડિયાની ઇન્ટર્નશિપ પ્રોગ્રામ માટે દેશભરમાંથી અંદાજે 800 શહેરો અને ગામોમાંથી યુવાનોની પસંદગી કરવામાં આવશે.

    વધુ વાંચવા આગળની સ્લાઇડ્સ પર ક્લિક કરો....

  • અન્ડર ગ્રેજ્યુએટ માટે રિલાયન્સ જિઓ લાવી છે સ્કિમ, આપશે ખાસ ટ્રેનિંગ । Digital Champions Program start by JIO for under graduate

    શું હોવી જોઇએ યોગ્યતા


    જો તમે ચાર વર્ષીય અન્ડર ગ્રેજ્યુએટ ડિગ્રી કરી રહ્યા છો અને પહેલું કે બીજું વર્ષ પૂર્ણ કરી લીધું છે. આ ઉપરાંત જો તમે ત્રણ વર્ષની એન્ડર ગ્રેજ્યુએટ ડિગ્રી કરી રહ્યાં છો અને પહેલું વર્ષ પૂર્ણ કરી લીધું છે તો તમે અરજી કરી શકો છો. ઇચ્છૂક વિદ્યાર્થીઓની પસંદગી ઓનલાઇન અસેસમેન્ટ ટેસ્ટના આધારે કરવામાં આવશે. 


    કેવી રીતે કરશો અરજી

    જો તમે આ પ્રોગ્રામનો હિસ્સો બનવા માગો છો તો https://careers.jio.com/Champions.aspx પર જઇને ફોર્મ ભરવાનું રહેશે. અરજી કર્યા બાદ કંપની તરફથી એક ઓનલાઇન અસેસમેન્ટ ટેસ્ટ લેવામાં આવશે, બાદમાં સિલેક્ટેડ વિદ્યાર્થીને ટ્રેનિંગ માટે બોલાવવામાં આવશે. ટ્રેનિંગ પૂર્ણ થયા બાદ જિઓ તરફથી વિદ્યાર્થીઓને સર્ટિફિકેટ આપવામાં આવશે. ટ્રેનિંગ દરમિયાન વિદ્યાર્થીઓને નાના અને મીડિયમ બિઝનેસમાં કામ કરાવવામાં આવશે, જેનાથી એ જાણી શકાશે કે ડિજિટલ ટેક્નોલોજીથી બિઝનેસ કરવો કેટલો સરળ છે. 

ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From National News

Trending