Home » National News » Latest News » National » Jinha Vibad:Firing in the AMU, shutting down the Internet

ઝીણા વિવાદ વધુ ભડક્યો: AMUમાં ફાયરિંગ, ઇન્ટરનેટ બંધ

Divyabhaskar.com | Updated - May 05, 2018, 02:45 AM

વિદ્યાર્થીઓ હિન્દુ યુવા વાહિનીના કાર્યકર્તાઓની ધરપકડની માગ કરી રહ્યા છે

  • Jinha Vibad:Firing in the AMU, shutting down the Internet
    +1બીજી સ્લાઈડ્સ જુઓ
    ધરણાં પર બેઠેલા વિદ્યાર્થીઓએ પત્રકારોને બોલાવી તેમની સાથે મારપીટ કરી હતી- ફાઈલ

    અલીગઢ: અલીગઢ મુસ્લિમ યુનિવર્સિટી (એએમયુ)માંથી પાકિસ્તાનના સંસ્થાપક મોહમ્મદ અલી ઝીણાની તસવીર હટાવવાના મામલે શુક્રવારે કેમ્પસમાં વિવાદ વધુ ભડક્યો હતો. ધરણાં પર બેઠેલા વિદ્યાર્થીઓએ પત્રકારોને બોલાવી તેમની સાથે મારપીટ કરી હતી. ઘટનાના વીડિયોમાં બે વખત ફાયરિંગ થતું દેખાય છે. પોલીસે બહુ મુશ્કેલીથી પત્રકારોને બચાવ્યા હતા. એક મીડિયાકર્મીએ જણાવ્યું કે તેમને બચાવવા માટે કોઇ પોલીસમેને ફાયરિંગ કર્યું હતું. વિદ્યાર્થીઓ હિન્દુ યુવા વાહિનીના કાર્યકર્તાઓની ધરપકડની માગ કરી રહ્યા છે.

    સીએમ યોગીએ આ અંગે અલીગઢના સરકારી તંત્ર પાસેથી રિપોર્ટ માંગ્યો છે. શુક્રવારે યુપીના નાયબ મુખ્યમંત્રી કેશવપ્રસાદ મૌર્યએ એક કાર્યક્રમમાં જણાવ્યું હતું કે મોહમ્મદ અલી ઝીણા દેશના દુશ્મન હતા. કોઇ પણ ભારતીયના મનમાં આવા દુશ્મન માટે કોઇ સ્થાન રહ્યું નથી અને રહેશે પણ નહીં. એએમયુના બાબ એ સૈયદ ગેટની પાસે ધરણાં પર બેઠેલા વિદ્યાર્થીઓએ ત્યાં જ જુમાની નમાજ અદા કરી હતી. યુનિવર્સિટીના શિક્ષકો અને વહીવટી વિભાગના લોકો પણ તેમાં સામેલ હતા.

  • Jinha Vibad:Firing in the AMU, shutting down the Internet
    મીડિયાકર્મીને બચાવવા માટે કોઇ પોલીસમેને ફાયરિંગ કર્યું હતું- ફાઈલ
ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From National News

Trending