Divya Bhaskar

Home » National News » Latest News » National » કર્ણાટક ચૂંટણીઃ દેશમાં પ્રથમવાર મતદાતાઓને એપથી મળશે અગત્યની માહિતી | Chunav app launched for Karnataka election first time in the country to update voters

કર્ણાટક ચૂંટણીઃ દેશમાં પ્રથમવાર વોટર્સને એપથી મળશે ચૂંટણીની માહિતી

Divyabhaskar.com | Updated - May 02, 2018, 09:24 PM

ચૂંટણી એપથી રાજ્યના 5 કરોડથી વધારે મતદાતાઓને પોલિંગ બૂથ, ઉમેદવારો અને મતદાનને લગતી મહત્ત્વની માહિતી મળશે.

  • કર્ણાટક ચૂંટણીઃ દેશમાં પ્રથમવાર મતદાતાઓને એપથી મળશે અગત્યની માહિતી | Chunav app launched for Karnataka election first time in the country to update voters
    +1બીજી સ્લાઈડ્સ જુઓ
    કર્ણાટકના 5 કરોડથી વધારે મતદાતાઓને પોલિંગ બૂથ, ઉમેદવારો અને મતદાનને લગતી મહત્ત્વની માહિતી પૂરી પાડશે ચૂનાવ એપ.

    બેંગ્લુરુઃ કર્ણાટક વિધાનસભાની ચૂંટણીમાં ચૂંટણી પંચ ઇલેક્શનને લગતી મહત્ત્વની માહિતી ઉપલબ્ધ બનાવવા માટે એક ખાસ મોબાઇલ એપનો ઉપયોગ કરશે. દેશમાં આ રીતનો પ્રથમ પ્રયોગ હશે. બુધવારે કર્ણાટક રીમોટ સેન્સિંગ એજન્સીએ ચૂનાવ (ચૂંટણી) એપ લોન્ચ કર્યું. પંચના જણાવ્યા અનુસાર, તેનાથી રાજ્યના 5 કરોડથી વધારે મતદાતાઓને પોલિંગ બૂથ, ઉમેદવારો અને મતદાનને લગતી મહત્ત્વની માહિતી મળશે. ઉલ્લેખનીય છે કે કર્ણાટકની 224 વિધાનસભાની બેઠકો માટે 12 મેના રોજ મતદાન થશે અને પરિણામ 15 તારીખે જાહેર થશે.

    એપ પર મળશે બધા મતદાન કેન્દ્રોનો નકશો


    - ન્યુઝ એજન્સીના જણાવ્યા અનુસાર, કર્ણાટકના મુખ્ય ચૂંટણી અધિકારી સંજીવ કુમારે ચૂંટણી એપ લોન્ચ કરતા જણાવ્યું કે આ મતદાતાઓમાં જાગૃતિ વધારવા માટે માહિતી ટેકનોલોજીનો સારો ઉપયોગ સાબિત થશે.
    - ચૂંટણી એપમાં કર્ણાટકની બધી વિધાનસભા બેઠકો હેઠળ આવતા 56 હજાર 696 મતદાન કેન્દ્રોનો નકશો લોડ કરવામાં આવ્યો છે. તે મારફત મતદાતા પોતાના વોટર આઇડી નંબર, મતદાન કેન્દ્ર સુધી જવાના રસ્તા અને ત્યાં લાગેલી લાઇનોની જાણકારી પ્રાપ્ત કરી શકશે.

    ઉમેદવારનો પરફોર્મન્સ પણ જાણવા મળશે


    - આ એપ મારફત મતદાતા પોતાના વિધાનસભા ક્ષેત્રના ઉમેદવારને લગતી અગત્યની માહિતી જાણી શકે છે. જેમકે ગઇ ચૂંટણીમાં ઉમેદવારનું પરફોર્મન્સ કેવું રહ્યું હતું અને તેને કેટલા વોટ મળ્યા હતા.

    એપ ઉપરાંત વેબ પર પણ મળશે માહિતી


    - ચૂંટણી એપ જેવી માહિતી વેબસાઇટ kgis.ksrsac.in/election પર પણ ઉપલબ્ધ થશે. તે માટે કર્ણાટક એપ્લિકેશન સેન્ટરે મોટી વ્યવસ્થા કરી છે. મતદાતા ઇચ્છે તો સાઇટ પર જઇને પણ કોઇ વિધાનસભા ક્ષેત્ર અને ઉમેદવારોને લગતી માહિતી મેળવી શકે છે.

    મત ગણતરી વખતે અપડેટ પણ મળશે


    - ચૂંટણી પંચે વેબ અને એપ જેવી રીતે ડિઝાઇન કરાવી છે કે મત ગણતરી વખતે પણ લોકોને ઉમેદવારોને મળેલા વોટના અપડેટ મળતા રહે. આ સાથે એપમાં જ દિવ્યાંગો માટે વ્હીલચેર બુક કરાવવાનો ઓપ્શન અપાયો છે, જેથી મતદાન કેન્દ્ર સુધી સરળતાથી જઇ શકાય.

  • કર્ણાટક ચૂંટણીઃ દેશમાં પ્રથમવાર મતદાતાઓને એપથી મળશે અગત્યની માહિતી | Chunav app launched for Karnataka election first time in the country to update voters
    ચૂંટણી પંચે કહ્યું કે, ચૂનાવ એપ મતદાતાઓમાં જાગૃતિ વધારવા માટે માહિતી ટેકનોલોજીનો સારો ઉપયોગ સાબિત થશે.
ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From National News

Trending