Divya Bhaskar

Home » National News » Desh » લગ્નના 19મહિના પછી જ મહિલાએ લગાવી લીધી ફાંસી| Woman Committed Suicide in Ambala

19 મહિનામાં સાસુએ નરક બનાવી દીધું જીવન, પિયર જઈ લગાવી લીધી ફાંસી

Divyabhaskar.com | Updated - Jun 04, 2018, 10:17 AM

સુસાઈડ નોટમાં લખ્યું- સાસુએ કદી મને તેમની દીકરી ન સમજી

  • લગ્નના 19મહિના પછી જ મહિલાએ લગાવી લીધી ફાંસી| Woman Committed Suicide in Ambala
    મૃતક મહિલા સપના

    કુરુક્ષેત્ર: શુક્રવારે એક 28 વર્ષની પરણિત મહિલાએ સાસરી કંટાળીને પોતાના પિયર આવીને આત્મહત્યા કરી લીધી છે. મૃતકા સપનાના ભાઈ મનોજે પોલીસને ફરિયાદ કરી કે, અમે ભાઈ-બહેન બે એકલા જ છીએ. બહેનના લગ્ન 12 ડિસેમ્બર 2016ના રોજ થયા હતા. બહેન એક વખત પ્રેગ્નેન્ટ થઈ હતી અને તેણે એક મૃત દીકરીને જન્મ આપ્યો હતો. ત્યારે તેના પતિ અને સાસુ સુદેશ રાનીએ તેના પર આરોપ લગાવ્યો હતો કે તેણે જાણી જોઈને આવુ કર્યું હતું. ત્યારપછીથી તેઓ બહેનને ખૂબ તંગ કરવા લાગ્યા હતા.

    જાણો શું હતી સમગ્ર ઘટના?


    - ભાઈએ જણાવ્યું કે, 20 દિવસ પહેલાં જ જીજા તેને પિયર મુકવા આવ્યા હતા.
    - સપનાએ સાસરેથી આવ્યા પછી જકહી દીધું હતું કે, મારી સાસુએ એવુ કહીને મોકલી છે કે, જીવતી જાય છે તો પિયરમાં જ ફાંસી લગાવીને આત્મહત્યા કરી લેજે.
    - શુક્રવારે જ્યારે હું કામ પર જતો રહ્યો ત્યારે સપનાએ ફાંસી લગાવીને આત્મહત્યા કરી લીધી. બહેને મરતા પહેલાં સુસાઈડ નોટ પણ લખી હતી.
    - સપનાના મોતની વાત સાંભળીને તેનો પતિ પણ તેના ઘરે પહોંચ્યો હતો. લાડવા થાના પ્રબારી સુરેન્દ્ર સિંહે ભાઈના નિવેદનના આધારે તેના પતિ અને સાસુ સામે ફરિયાદ દાખલ કરી દીધી છે.

    સુસાઈડ નોટમાં લખ્યું હતું- સાસુએ કદી મને દીકરી માની જ નથી


    - સુસાઈડ નોટમાં લખ્યું હતું કે, સાસુએ મને કદી તેની દીકરી નથી સમજી. તેમનો વહેવાર હંમેશા વિચિત્ર જ રહ્યો છે. 19 મહિનાનું લગ્ન જીવન મારી સાસુએ નર્ક બનાવી દીધું છે.
    - જ્યારે મારી અચાનક ડિલીવરી થઈ ત્યારે પણ તેણે મારા ઉપર ગરમ પાણી ફેંક્યુ હતું. ત્યારથી તેમને મમ્મી કહેવાનું મન નથી થતું. જો તેઓ મારી સાથે પ્રેમથી રહેતા તો મારે આજે આવુ ન કરવું પડત.
    - મારી સાસુએ મારુ જીવન ખરાબ કરી નાખ્યું હતું. મારી દીકરીના મોત પછી મને ક્યાંય ખુશી નહતી મળતી. ન જીવવાની ખુશી, ન મરવાનો ગમ છે મને.

ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From National News

તમારો ઓપિનિયન પોસ્ટ કરો

લેટેસ્ટ કમેન્ટ્સ

તમારો પ્રશ્ન પોસ્ટ કરો

અનામિક ઉમેરોપ્રશ્ન ઉમેરો

લેખકને તમારો પ્રશ્ન મોકલો

અનામિક ઉમેરોપ્રશ્ન ઉમેરો

Trending