Home » National News » Desh » Wife got cancer husband absconded leaving her alone at Hospital in Pune

પત્નીને થયું કેન્સર તો હોસ્પિટલમાં એકલી મૂકીને ભાગી ગયો પતિ

Divyabhaskar.com | Updated - May 18, 2018, 07:00 AM

રૂખસાના અને સલીમે લવમેરેજ કર્યા હતા, પરંતુ સલીમ ક્યારેય રૂખસાનાને પોતાના ઘરે લઇને ગયો ન હતો

  • Wife got cancer husband absconded leaving her alone at Hospital in Pune
    +1બીજી સ્લાઈડ્સ જુઓ
    પત્નીને કેન્સરમાં તરફડતી એકલી મૂકીને ભાગી ગયો પતિ.

    પુણે: સાથે જીવવા-મરવાની કસમ ખાનાર એક પતિ તેની પત્નીને ત્યારે એકલી છોડીને ભાગી ગયો, જ્યારે તેને તેના પતિના સાથની સૌથી વધુ જરીર હતી. રૂખસાના નામની મહિલા અત્યારે શહેરના પિંપરી ચિંચવડ મહાપાલિકાના યશવંતરાવ ચવ્હાણ હોસ્પિટલના આઇસીયુ વોર્ડમાં એડમિટ છે. તેને કેન્સર છે. જ્યારે આ વાતની તેના પતિ સલીમ શેખને જાણ થઇ તો તે રૂખસાના અને તેના બાળકોને હોસ્પિટલમાં મૂકીને ભાગી ગયો.

    બંનેએ કર્યા હતા લવમેરેજ

    - ઔરંગાબાદના વૈજાપુરમાં રહેતી રૂખસાના અને ઉત્તરપ્રદેશના સલીમ શેખે થોડા વર્ષો પહેલાં લવમેરેજ કર્યા હતા. બંનેને અરમાન અને અંજુમ નામના બે બાળકો છે. છેલ્લાં કેટલાંક દિવસોથી રૂખસાનાની તબિયત ખરાબ હતી.

    બાળકોની પણ કોઇ સંભાળ ન લીધી

    - 28 એપ્રિલના રોજ સલીમે રૂખસાનાને યશવંતરાય ચવ્હાણ હોસ્પિટલમાં દાખલ કરાવી હતી. જ્યાં જાણ થઇ કે તેને કેન્સર છે. ત્યારબાદ સલીમ થોડો દૂર-દૂર રહેવા લાગ્યો અને છેલ્લા સાત-આઠ દિવસોથી તેણે હોસ્પિટલ આવવાનું જ બંધ કરી દીધું.

    - રૂખસાના પોતાના બાળકોને સમજાવી નથી શકતી કે આખરે તેમના પપ્પા તેમને છોડીને કેમ જતા રહ્યા. હાલ, 'રિયલ લાઇફ, રિયલ પીપલ' નામની સંસ્થા દ્વારા રૂખસાના અને તેના બાળકોની સંભાળ લેવામાં આવી રહી છે.

    ભવિષ્ય પર સવાલ

    - રૂખસાનાની દિવસે-દિવસે કથળતી જતી હાલતને જોઇને બાળકોના ભવિષ્ય પર સવાલ ઊભો થઇ ગયો છે. સંસ્થાના પ્રમુખ એમ.એ. હુસૈનનું કહેવું છે કે બાળકોને બાળકલ્યાણ સમિતિને સોંપી દેવામાં આવશે.

    - રૂખસાના અને સલીમે લવમેરેજ કર્યા હતા, પરંતુ સલીમ ક્યારેય રૂખસાનાને પોતાના ઘરે લઇને ગયો ન હતો. પેટ ભરવા માટે બંને અલગ-અલગ શહેરોમાં ફરીને રોજીરોટીનો મેળ કરી લેતા હતા. લગભગ 2 મહિના પહેલા સલીમ રૂખસાના અને પોતાના બાળકોને લઇને પિંપરી ચિંચવડમાં રહેવા માટે આવ્યો હતો.

  • Wife got cancer husband absconded leaving her alone at Hospital in Pune
    સલીમે તેના બાળકોની પણ કોઇ દરકાર કરી નહીં.
ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From National News

Trending