Home » National News » Latest News » National » ભૈયુજી મહારાજે પોતાની સંપત્તિ કેમ સેવાદાર નામે કરી ?| Bhaiyyuji Maharaj suicide case theory police investigation in all points

ભૈયુજી મહારાજની 200 Crની પ્રોપર્ટીનો ઉત્તરાધિકારી સેવક શંકાના ઘેરામાં?

Divyabhaskar.com | Updated - Jun 14, 2018, 12:31 PM

ભૈયુજી મહારાજની આત્મહત્યાને લઈને પોલીસ દરેક એન્ગલ તપાસી રહી છે. તો સેવકના નામે કેમ સંપત્તિ કરી તેની પણ તપાસ શરૂ.

  • ભૈયુજી મહારાજે પોતાની સંપત્તિ કેમ સેવાદાર નામે કરી ?| Bhaiyyuji Maharaj suicide case theory police investigation in all points
    +3બીજી સ્લાઈડ્સ જુઓ
    ભૈયુજી મહારાજે કેમ આત્મહત્યા કરી તેની દરેક એન્ગલથી તપાસ શરૂ (ફાઈલ)

    નેશનલ ડેસ્કઃ આધ્યાત્મિક ગુરુ ભૈયુજી મહારાજની બુધવારે ઈન્દોર ખાતે અંત્યેષ્ટિ કરવામાં આવી, ભૈયુજી મહારાજને મુખાગ્નિ તેમની દીકરી કુહૂએ આપી હતી. આ દરમિયાન તેમની પત્ની આયુષી અને માતા આશ્રમમાં જ રહ્યાં. તો બીજી તરફ બુધવારે ભૈયુજી મહારાજની બીજી સુસાઈડ નોટ પણ મળી હતી. જેમાં તેઓએ પોતાનો ઉત્તરાધિકારી સેવક વિનાયકને બનાવ્યો છે. જો કે આ મામલે ફેંસલો ટ્રસ્ટ લેશે.

    પહેલી વખત સેવક વિનાયક આવ્યો સામે


    - ભૈયુજી મહારાજનો સેવક વિનાયક છેલ્લાં 15 વર્ષથી તેમની સાથે રહેતો હતો. તેને ભૈયુજી મહારાજનો સૌથી નજીકનો વ્યક્તિ માનવામાં આવતો હતો.
    - સુસાઈડ નોટના બીજા પેજમાં ભૈયુજીએ પોતાનો આશ્રમ, પ્રોપ્રટી અને તમામ નાણાંકીય નિર્ણયો લેવાની જવાબદારી વિનાયકને આપી છે.
    - ભૈયુજી મહારાજની અંત્યેષ્ટિ બાદ જ્યારે વિનાયકને તેમના વ્યક્તિત્વ અંગે પૂછવામાં આવ્યું હતું તો વિનાયકે કહ્યું કે, "તેઓ ઘણાં સીધા અને સરળ હતા. બધાં પ્રત્યે સમાન ભાવ રાખતા હતા."
    - વિનાયકે જણાવ્યું કે ભૈયુજી મહારાજ જ્યાં જતા ત્યાં એવું જોતા નહીં કે કોણ કેવું છે. જ્યાં મન થાય ત્યાં તે બેસી જતા, વાત કરતા. નુક્કડ સભા તેઓ ખુબ કરતા હતા.
    - સેવકે વધુમાં કહ્યું કે, "અમે 2002માં સામુહિક લગ્ન કાર્યક્રમ શરૂ કર્યો હતો. તેઓએ જળ સંવર્ધન યોજના પણ શરૂ કરી હતી."
    - અંતે વિનાયકે કહ્યું કે, "સંસ્થા અમારી કમિટી છે. તેની સાથે મળીને, પરિવાર સાથે મળીને જે જવાબદારી આવશે તેને પૂરી કરીશ."

    ભૈયુજી મહારાજની દેશભરમાં 200 કરોડથી વધુની સંપત્તિ


    - ભૈયુજી મહારાજની શ્રી સદગુરૂ દત્ત ધાર્મિટ ટ્રસ્ટની દેશભરમાં 200 કરોડ રૂપિયાથી વધુની સંપત્તિ છે.
    - સેવક વિનાયકને જો ઉત્તરાધિકારી બનાવવામાં આવે તો તે સીધો જ 200 કરોડની પ્રોપર્ટીનો માલિક બની જશે.
    - પ્રાપ્ત થતી માહિતી મુજબ ભૈયુજી મહારાજના એકલા મહારાષ્ટ્રમાં જ 20 વધુ કેન્દ્રો છે.
    - ઈન્દોરમાં બે ઘર છે જ્યારે 10થી વધુ લક્ઝરી કાર છે.

    CBI તપાસની માગ


    - ભૈયુજી મહારાજે મંગળવારે તેમના જ ઘરમાં દીકરી કુહૂના રૂમમાં આત્મહત્યા કરી હતી.
    - પોલીસે તપાસ દરમિયાન તેમની રિવોલ્વર અને સુસાઈડ નોટ સહિત 7 ગેજેટ્સ જપ્ત કર્યાં હતા.
    - ભૈયુજી મહારાજે પોતાને ગોળી મારી હોવાના સમાચાર આવતાં જ મોટી સંખ્યામાં તેમના સમર્થક હોસ્પિટલ અને તેમના ઘર પર ધસી આવ્યાં હતા. અને CBI તપાસની માગ કરી છે.
    - સ્થાનિક રિપોર્ટ મુજબ ઈન્દોર રેન્જના ADG અજય શર્માએ મામલાની જાણકારી દેતાં કહ્યું છે કે, "આત્મહત્યા કેમ કરી તેની તપાસ દરેક એન્ગલથી કરવામાં આવશે. તપાસમાં પરિવારના દરેક સભ્યોને પણ સામેલ કરવામાં આવશે."

    પત્ની અને પુત્રી વચ્ચે હતો વિવાદ


    - ભૈયુજી મહારાજની આત્મહત્યા પર એક થીયરી એવી પણ છે કે બીજી પત્ની ડૉ.આયુષી અને પહેલી પત્નીથી થયેલી દીકરી કુહૂ વચ્ચે ચાલી રહેલો વિવાદ કારણભૂત છે.
    - પોલીસ દરેક એન્ગલથી તેમની આત્મહત્યાની તપાસ કરી રહી છે.
    - પોલીસને એવી પણ શંકા છે કે ભૈયુજી મહારાજે સેવક વિનાયકને જ કેમ પોતાનો ઉત્તરાધિકારી બનાવ્યો છે. જ્યારે કે તેમના સંબંધ તેમની પત્ની અને દીકરી સાથે તો સારા જ હતા.
    - ભૈયુજી મહારાજે પોતાના ઉત્તરાધિકારી પત્ની કે દીકરીને કેમ ન બનાવી? પાછળ શું કારણ છે? પોલીસ આ દરેક મામલે ઝીણવટથી તપાસ કરી રહી છે.

    સંબંધિત સ્ટોરીના વધુ ફોટા માટે આગળની સ્લાઈડ પર ક્લિક કરો

  • ભૈયુજી મહારાજે પોતાની સંપત્તિ કેમ સેવાદાર નામે કરી ?| Bhaiyyuji Maharaj suicide case theory police investigation in all points
    +2બીજી સ્લાઈડ્સ જુઓ
    ભૈયુજી મહારાજની આત્મહત્યાને લઈને તેમની પત્ની અને પુત્રી વચ્ચેનો વિવાદ પણ કારણભૂત છે (ફાઈલ)
  • ભૈયુજી મહારાજે પોતાની સંપત્તિ કેમ સેવાદાર નામે કરી ?| Bhaiyyuji Maharaj suicide case theory police investigation in all points
    +1બીજી સ્લાઈડ્સ જુઓ
    ભૈયુજી મહારાજની બીજી સુસાઈડ નોટ મળી હતી જેમાં તેમની તમામ પ્રોપર્ટી સેવક વિનાયકના નામે કરવાનો ઉલ્લેખ
  • ભૈયુજી મહારાજે પોતાની સંપત્તિ કેમ સેવાદાર નામે કરી ?| Bhaiyyuji Maharaj suicide case theory police investigation in all points
    બુધવારે ભૈયુજી મહારાજની અંત્યેષ્ટિ કરવામાં આવી હતી જેમાં તેની દીકરીએ મુખાગ્નિ આપી હતી (ફાઈલ)
ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From National News

તમારો ઓપિનિયન પોસ્ટ કરો

લેટેસ્ટ કમેન્ટ્સ

તમારો પ્રશ્ન પોસ્ટ કરો

અનામિક ઉમેરોપ્રશ્ન ઉમેરો

લેખકને તમારો પ્રશ્ન મોકલો

અનામિક ઉમેરોપ્રશ્ન ઉમેરો

Trending