Divya Bhaskar

Home » National News » Latest News » National » આનંદે હાવર્ડ બીઝનેસ સ્કૂલમાંથી ગ્રેજ્યુએશન કર્યું છે | Ajay Piramal is the chairman of the Piramal Group

જાણો કોણ છે ઇશા અંબાણીના સસરા, આટલી કંપનીઓના છે માલિક

Divyabhaskar.com | Updated - May 06, 2018, 09:04 PM

પીરામલ રીયલ્ટી એ પીરામલ ગ્રુપનું રિયલ એસ્ટેટ બિઝનેસ ગ્રુપ છે

  • આનંદે હાવર્ડ બીઝનેસ સ્કૂલમાંથી ગ્રેજ્યુએશન કર્યું છે | Ajay Piramal is the chairman of the Piramal Group
    +3બીજી સ્લાઈડ્સ જુઓ
    અજય પીરામલ એ પીરામલ ગ્રુપના ચેરમેન છે

    મુંબઇઃ દેશના સૌથી અમીર ઉદ્યોગપતિ મુકેશ અંબાણીની દીકરી ઇશા અંબાણી પીરામલ પરિવારની વહુ બનશે. આ સમાચાર જેવા વહેતા થયાં લોકોમાં પીરામલ ગ્રુપ અને ઇન્ડસ્ટ્રી વિશે જાણવાની તીવ્રતા પણ એટલી જ વધી ગઇ છે. ઇશા અંબાણીની સગાઈ આનંદ પીરામલ સાથે થવાની છે. આનંદે હાવર્ડ બીઝનેસ સ્કૂલમાંથી ગ્રેજ્યુએશન કર્યું છે. આનંદ પીરામલ પ્રખ્યાત ઉદ્યોગપતિ અને પીરામલ એન્ટપ્રાઈઝના માલિક અજય પીરામલનો દીકરો છે. પીરામલ ગ્રુપએ ડાવર્સિફાઇડ ગ્લોબલ બિઝનેસ કોલોમેટ છે, જેનો વ્યાપ હાલમાં અલગ અલગ સેક્ટર્સમાં છે જેમ કે, હેલ્થકેર, લાઇફ સાયન્સ, ડ્રગ ડિસ્કવરી, હેલ્થકેર ઇન્ફોર્મેશન મેનેજમેન્ટ, સ્પેશિયાલિટી ગ્લાસ પેકિંગ, ફાઇનાન્શિયલ સર્વિસ અને રિયલ એસ્ટેટ. અજય પીરામલ એ પીરામલ ગ્રુપના ચેરમેન છે. અહીં જાણો, આ કંપનીની શરૂઆત ક્યારથી અને કેવી રીતે થઇ તેના વિશેની ખાસ માહિતી.

    કંપની પ્રોફાઇલ
    - પીરામલ ગ્રુપની 4 કી કંપની છેઃ પીરામલ એન્ટરપ્રાઇસિસ લિમિટેડ, પીરામલ ગ્લાસ, પીરામલ રિયાલિટી અને પીરામલ ફાઉન્ડેશન.


    શું છે પીરામલ એન્ટરપ્રાઇઝ?


    - પીરામલ એન્ટરપ્રાઇઝ લિમિટેડ (પીઇએલ) મૂળ પીરામલ હેલ્થકેર લિમિટેડ તરીકે ઓળખાય છે. જે પીરામલ ગ્રુપની સૌથી મોટી કંપની છે. આ ગ્રુપ હેલ્થકેર, લાઇફ સાયન્સ, ઇન્ફોર્મેશન મેનેજમેન્ટ અને ફાઇનાન્શિયલ સર્વિસમાં કાર્યરત છે.
    - પીરામલ એન્ટરપ્રાઇઝ બોમ્બે સ્ટોક એક્સચેન્જ અને નેશનલ સ્ટોક એક્સચેન્જમાં લિસ્ટેડ છે.
    - ફોર્ચ્યુન 500 દ્વારા પીરામલ હેલ્થકેરનો ભારતના 50 લાર્જેસ્ટ કોર્પોરેશનમાં સમાવેશ કરવામાં આવ્યો છે. યુએન કોન્ફરન્સ દ્વારા ટ્રેન્ડ એન્ડ ડેવલપમેન્ટ વર્લ્ડ ઇન્વેસ્ટમેન્ટ રિપોર્ટ 2011 અનુસાર, પીરામલ ગ્રુપને વિશ્વની ટોપ-5 ફાર્માસ્યુટિકલ મેન્યુફેક્ચરરમાં સ્થાન મળ્યું છે.


    પીરામલ ગ્લાસ


    - પીરામલ ગ્લાસ - ફાર્માસ્યુટિકલ્સ, ફૂડ એન્ડ બેવરેજીસ (એફએન્ડબી) અને કોસ્મેટિક્સ એન્ડ પર્ફ્યુમરી (સીએન્ડપી) માટે ગ્લાસ પેકેજિંગ મેન્ચ્યુફેક્ચર કરે છે.
    - પીરામલ ગ્લાસના મેન્યુફેક્ચરિંગ પ્લાન્ટ્સ યુએસએ, શ્રીલંકા અને ભારતમાં છે.


    પીરામલ રીયલ્ટી


    - પીરામલ રીયલ્ટી એ પીરામલ ગ્રુપનું રિયલ એસ્ટેટ બિઝનેસ ગ્રુપ છે. જેણે સાઉથ મુંબઇમાં ભારતના પ્રથમ મોલ ક્રોસ રોડનું બાંધકામ કર્યુ હતું.

    આગળની સ્લાઇડ્સમાં જાણો, પીરામલ ઇન્ડસ્ટ્રી વિશે વધુ ખાસ માહિતી...

  • આનંદે હાવર્ડ બીઝનેસ સ્કૂલમાંથી ગ્રેજ્યુએશન કર્યું છે | Ajay Piramal is the chairman of the Piramal Group
    +2બીજી સ્લાઈડ્સ જુઓ
    આ બિઝનેસ ગ્રુપે પીરામલ ફાઉન્ડેશનનો પણ પાયો નાખ્યો

    1980માં અજય પીરામલે સંભાળી કંપનીની ધૂરા 


    - 1980માં અજય પીરામલે આ પીરામલ ગ્રુપની જવાબદારી સંભાળી. 
    - 1984માં આ ગ્રુપે ગુજરાત ગ્લાસ લિમિટેડ હસ્તગત કરી, જે ફાર્માસ્યુટિકલ અને કોસ્મેટિક પ્રોડક્ટ્સ માટે ગ્લાસ પેકેજિંગ મેન્યુફેક્ચર કરતી હતી. ત્યારબાદ આ જ પ્રકારે મેન્યુફેક્ચરિંગ કરતી સિલોન ગ્લાસ નામની કંપની 1999માં હસ્તગત કરી. 
    - વર્ષ 1988માં આ ગ્રુપે નિકોલસ લેબોરેટરીઝ ખરીદી, જે 2010 સુધીમાં ફાર્માસ્યુટીકલ ઇન્ડસ્ટ્રીઝમાં ઉચ્ચતમ મૂલ્યાંકન મેળવનાર કંપની બની ગઇ. 
    - આટલા વર્ષોમાં આ કંપનીએ અલગ અલગ બિઝનેસ યુનિટ્સમાં નસીબ અજમાવ્યું. 2006માં યુકે મેન્યુફેક્ચરિંગ ફેસિલિટી મોર્ફેથ હસ્તગત કરી. આ ઉપરાંત આ બિઝનેસ ગ્રુપે પીરામલ ફાઉન્ડેશનનો પણ પાયો નાખ્યો. 

  • આનંદે હાવર્ડ બીઝનેસ સ્કૂલમાંથી ગ્રેજ્યુએશન કર્યું છે | Ajay Piramal is the chairman of the Piramal Group
    +1બીજી સ્લાઈડ્સ જુઓ
    આનંદ પીરામલ પ્રખ્યાત ઉદ્યોગપતિ અને પીરામલ એન્ટપ્રાઈઝના માલિક અજય પીરામલનો દીકરો છે.

    2006માં ગ્લોબલ હેલ્થકેરમાં ટોચ પર


    - 1999માં પીરામલ ગ્લાસ કંપનીએ શ્રીલંકાની સેલોન કંપની હસ્તગત કરી. 
    - વર્ષ 2016માં પીરામલ હેલ્થકેરને એસએન્ડ પી ગ્લોબલ ચેલેન્જર્સના લિસ્ટમાં ગ્લોબલ લીડર તરીકે સ્થાન મળ્યું હતું. 
    - વર્ષ 2007માં આ ગ્રુપે મેર્ક સાથે ડીલર કરી જેમાં નવી દવાઓના સંશોધનનો અને ડેવલપમેન્ટનો સમાવેશ થાય છે. 
    - 2008માં ગ્રુપે એલી લિલી સાથે બીજી ડ્રગ ડેવલપમેન્ટ ડીલ સાઇન કરી. જ્યારે 2010માં નિકોલસ લેબોરેટરીઝ કંપનીને પીરામલ હેલ્થકેર લિમિટેડ નામ આપવામાં આવ્યું. પીરામલ હેલ્થકેરના ફોર્મ્યુલેશનનું મૂળ વેચાણ અબોટને કરવામાં આવે છે. આ ડીલને સૌથી મોંઘી ડીલ ગણવામાં આવે છે. 
    - આ જ વર્ષે કંપનીએ પીરામલ રિયાલિટી નામ હેઠળ રિયલ એસ્ટેટ બિઝનેસમાં ઝંપલાવ્યું. 

     

  • આનંદે હાવર્ડ બીઝનેસ સ્કૂલમાંથી ગ્રેજ્યુએશન કર્યું છે | Ajay Piramal is the chairman of the Piramal Group
    વર્ષ 2011-12માં પીરામલે વોડાફોન એસ્સારનો 11 ટકા હિસ્સો ખરીદી લીધો

    50 લાર્જેસ્ટ કોર્પોરેશનમાંથી એક 


    - વર્ષ 2011માં ફોર્ચ્યુન 500 રેન્કિંગમાં પીરામલ હેલ્થકેરને ભારતની ટોપ-50 લાર્જેસ્ટ કોર્પોરેશન્સમાં સ્થાન મળ્યું. ઉપરાંત યુએન કોન્ફરન્સમાં ટ્રેન્ડ એન્ડ ડેવલપમેન્ટ વર્લડ ઇન્વેસ્ટમેન્ટ રિપોર્ટ 2011માં વૈશ્વિક ફાર્માસ્યુટીકલ મેન્યુફેક્ચરરમાં પીરામલ હેલ્થકેરને ટોપ 10 લિસ્ટમાંથી 5મું સ્થાન મળ્યું. 
    - વર્ષ 2011-12માં પીરામલે વોડાફોન એસ્સારનો 11 ટકા હિસ્સો ખરીદી લીધો. 
    -  2012માં પીરામલ હેલ્થકેરને પીરામલ એન્ટરપ્રાઇઝ લિમિટેડ નામ આપવામાં આવ્યું. પરીમલના બાયો-ઓર્થોપેડિક પ્રોડક્ટ્સને યુરોપિયન સીઇ માર્કનું અપ્રૂવલ પ્રાપ્ત થયું. 

ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From National News

Trending