Home » National News » Latest News » National » કૈરાનાનું રાજકીય મહત્વ કેટલું? | Kairana by Polls is test opposition unity and BJP new policy

કૈરાના પેટાચૂંટણીઃ વિપક્ષની એકતા અને ભાજપની નવી રણનીતિની પરીક્ષા

Divyabhaskar.com | Updated - May 28, 2018, 02:32 PM

આ ચૂંટણીને 2019ની લોકસભા ચૂંટણી પહેલાંની વિપક્ષી ગઠબંધનની પરીક્ષા અને ભાજપની પ્રતિષ્ઠા સાથે પણ જોડવામાં આવે છે.

  • કૈરાનાનું રાજકીય મહત્વ કેટલું? | Kairana by Polls is test opposition unity and BJP new policy
    +4બીજી સ્લાઈડ્સ જુઓ
    ભાજપના સાંસદ હુકુમ સિંહના નિધનના કારણે ખાલી પડેલી ઉત્તરપ્રદેશની કૈરાના બેઠક પર 28 મેનાં રોજ પેટા ચૂંટણી

    નેશનલ ડેસ્કઃ ભાજપના સાંસદ હુકુમ સિંહના નિધનના કારણે ખાલી પડેલી ઉત્તરપ્રદેશની કૈરાના બેઠક પર સોમવારે પેટા ચૂંટણી યોજાઈ રહી છે. ભાજપ અને વિપક્ષી ગઠબંધન વચ્ચે આ બેઠક પર સીધો જ મુકાબલો જોવા મળી રહ્યો છે. આ બેઠક પરથી ભાજપે મૃગાંકા સિંહને મેદાનમાં ઉતાર્યા છે તો વિપક્ષ તરફથી તબસ્સુમ હસન ઉમેદવાર છે. કૈરાનાની ચૂંટણી ભાજપ અને વિપક્ષી ગઠબંધન માટે આરપાસની લડાઈ છે. તો આ ચૂંટણીને 2019ની લોકસભા ચૂંટણી પહેલાંની વિપક્ષી ગઠબંધનની પરીક્ષા અને ભાજપની પ્રતિષ્ઠા સાથે પણ જોડવામાં આવે છે. ત્યારે ભાજપ અને વિપક્ષી દળો માટે કૈરાનાનું કેમ આટલું મહત્વ છે તે જોઈએ તો...

    કૈરાના ભાજપની પારંપરિક બેઠક


    - કૈરાના લોકસભા ક્ષેત્ર પશ્ચિમી ઉત્તરપ્રદેશનું સૌથી મહત્વનું લોકસભા ક્ષેત્ર છે.
    - અત્યાર સુધી આ બેઠક પર ભાજપના હુકુમ સિંહ જ સાંસદ હતા અને આ વિસ્તારમાં તેમની ખાસ પકડ હતી.
    - પરંતુ હવે હુકુમ સિંહના નિધન બાદ પાર્ટી ઈચ્છે છે કે મૃગાંકા સિંહની મદદથી કૈરાનામાં ભાજપના પારંપરિક વોટર્સને જોડવામાં આવે. સાથે જ હુકુમ સિંહની લોકપ્રિયતાનો ફાયદો પણ ઉઠાવવામાં આવે.

    કૈરાનાથી ભાજપ પશ્ચિમી યુપીમાં મજબૂત બનવા માગે છે


    - યુપીની રાજધાની લખનઉથી લગભગ 630 કિલોમીટર દૂર સ્થિત કૈરાના લોકસભા સીટ અંતર્ગત શામલી જિલ્લાના થાનાભવન, કૈરાના અને શામલી વિધાનસભા સીટ ઉપરાંત સહારનપુર જિલ્લાના ગંગોહ અને નકુડ વિધાનસભા સીટ આવે છે.
    - આ વિસ્તારમાં લગભગ 17 લાખ મતદાતા છે, જેમાં મુસ્લિમ, જાટ અને દલિતોની સંખ્યા વધારે છે.
    - જાટ વોટર્સ RLDના પારંપરિક વોટર માનવામાં આવે છે, પરંતુ ભાજપે આમાં ફાચર મારી છે.
    - વર્ષ 2014માં પાર્ટીને ઠીકઠાક વોટ મળ્યાં હતા.
    - કૈરાનાની મદદથી જ ભાજપ પશ્ચિમી ઉત્તર પ્રદેશમાં મજબૂત પકડ બનાવવા માગે છે.

    આગળ વાંચો કૈરાના ક્યારે સૌથી વધુ ચર્ચામાં આવ્યું હતું ?

  • કૈરાનાનું રાજકીય મહત્વ કેટલું? | Kairana by Polls is test opposition unity and BJP new policy
    +3બીજી સ્લાઈડ્સ જુઓ
    થોડાં સમય પહેલાં કૈરાનામાંથી હિંદુઓના પલાયનનો મુદ્દો ઉછળ્યો હતો અને તેની રાષ્ટ્રીય સ્તરે ભારે ચર્ચા પણ થઈ હતી (ફાઈલ)

    હિંદુઓના પલાયનના મુદ્દો


    - થોડાં સમય પહેલાં કૈરાનામાંથી હિંદુઓના પલાયનનો મુદ્દો ઉછળ્યો હતો અને તેની રાષ્ટ્રીય સ્તરે ભારે ચર્ચા પણ થઈ હતી. 
    - કૈરાનામાં ભાગલા સમયે જોવા મળેલાં દ્રશ્યો કથિત રીતે રજૂ કરાયાં હતા. 
    - તો વળી હાલમાં જ યોગી આદિત્યનાથ અને યુપીના ડેપ્યુટી સીએમ કેશવપ્રસાદ મોર્યના વિસ્તાર ગોરખપુર અને ફુલપુરમાં મળેલી હાર બાદ કૈરાનાની પેટા ચૂંટણી ભાજપ માટે મહત્વની બની ગઈ છે.
    - કૈરાનામાં જીત મેળવી ભાજપ સાબિત કરવા માગે છે કે ગોરખપુર અને ફુલપુરના પરિણામ અપવાદ હતા. 

     

    આગળ વાંચો કૈરાના પેટા ચૂંટણી વિપક્ષની એકતાને લઈને કેટલી મહત્વની ?

  • કૈરાનાનું રાજકીય મહત્વ કેટલું? | Kairana by Polls is test opposition unity and BJP new policy
    +2બીજી સ્લાઈડ્સ જુઓ
    વિપક્ષની એકતા બાદ કૈરાના પેટા ચૂંટણી પ્રથમ ઈલેકશન (ફાઈલ)

    પેટા ચૂંટણીથી ખેડૂતો કઈ બાજુ તેનો અંદાજ આવી શકે છે


    - કૈરાનામાં ખેડૂતો મોટી સંખ્યામાં રહે છે, ખાસ કરીને શેરડી પકવતાં ખેડૂતો
    - આ ચૂંટણીથી તે વાત સ્પષ્ટ થશે કે ખેડૂતો કઈ બાજુ છે. 
    - ખેડૂત ભાજપ માટે કેટલું મહત્વપૂર્ણ છે તેનો અંદાજ તે વાતથી પણ લગાવી શકાય કે રવિવારે કૈરાનાની નજીક બાગપતમાં પીએમ મોદીએ એક્સપ્રેસ વેના ઉદ્ઘાટન બાદ એક રેલી સંબોધી હતી જેમાં તેઓએ શેરડી પકવતાં ખેડૂતોને ઉલ્લેખ કરી, સરકાર ખેડૂતો પ્રત્યે સંવેદનશીલ હોવાનું જણાવ્યું હતું. 

     

    આગળ વાંચો ભાજપ માટે કૈરાનાનું કેટલું છે મહત્વ?

  • કૈરાનાનું રાજકીય મહત્વ કેટલું? | Kairana by Polls is test opposition unity and BJP new policy
    +1બીજી સ્લાઈડ્સ જુઓ
    કૈરાનાની મદદથી જ ભાજપ પશ્ચિમી ઉત્તર પ્રદેશમાં મજબૂત પકડ બનાવવા માગે છે (ફાઈલ)

    કૈરાના ચૂંટણી ભાજપની લિટમસ પરીક્ષા

     

    - કૈરાના પેટા ચૂંટણીને 2019ની લોકસભા ચૂંટણી પહેલાની સેમીફાઈનલ પણ કહેવામાં આવે છે. જેનું કારણ છે વિપક્ષની એકતા.
    - વિપક્ષની એકજૂટતા બાદ ભાજપ નવી રણનીતિની સાથે મેદાનમાં ઉતર્યુ છે ત્યારે આગળ પણ વિપક્ષનું ગઠબંધન યથાવત રહ્યું ત્યારે ભાજપની આ રણનીતિ કેટલી સફળ રહી તેનો ખ્યાલ આવી શકે છે. જેનો ફાયદો 2019માં મળી શકે છે. 

     

    આગળ વાંચો શું છે કૈરાનાની અલગ ઓળખ ?

  • કૈરાનાનું રાજકીય મહત્વ કેટલું? | Kairana by Polls is test opposition unity and BJP new policy
    કૈરાનાની સાચી ઓળખ શાસ્ત્રીય સંગીતના પ્રખ્યાત કિરાના ઘરાનાને કારણે છે

    કિરાના ઘરાના

     

    - છેલ્લાં ઘણાં સમયથી કૈરાના અનેક મુદ્દે ચર્ચામાં રહ્યું છે પરંતુ તેની સાચી ઓળખ શાસ્ત્રીય સંગીતના પ્રખ્યાત કિરાના ઘરાનાને કારણે છે.

    - કૈરાનાથી કિરાના ઘરાના શબ્દની ઉત્પતિ થઈ છે. કહેવાય છે કે મોગલ બાદશાહ જહાંગીરના સમે ભારે પૂર આવ્યું હતું અને તેમના દરબારના અનેક નામી સંગીતકાર, ગાયકોના ઘર નષ્ટ થઈ ગયા હતા.

    - જે બાદ શહેનશાહે કૈરાના ગામમાં તે બધાંને વસવા આપ્યો.

    - કિરાના ઘરાના ભારતીય શાસ્ત્રીય સંગીત અને હિંદુસ્તાન ખ્યાલ ગાયકીની પરંપરા સાથે જોડાયેલો છે.

    - ઉસ્તાદ અબ્દુલ કરીમ ખાંનું જન્મ સ્થળ પણ કૈરાના છે, જેઓ જ આ ઘરાનાના વાસ્તિવક સંસ્થાપક માનવામાં આવે છે.

    - હિંદુસ્તાનના તમામ ઘરાનાઓમાં સૌથી વધુ લોકપ્રિય કિરાના ઘરાના છે. જે ઘરાનામાંથી સવાઈ ગંધર્વ, ગંગૂબાઈ હંગલ, ભીમસેન જોશી, ઉસ્તાદ અમજદ અલી ખાન જેવાં ભારતીય શાસ્ત્રીય સંગીતકારો આવે છે.

ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From National News

તમારો ઓપિનિયન પોસ્ટ કરો

લેટેસ્ટ કમેન્ટ્સ

તમારો પ્રશ્ન પોસ્ટ કરો

અનામિક ઉમેરોપ્રશ્ન ઉમેરો

લેખકને તમારો પ્રશ્ન મોકલો

અનામિક ઉમેરોપ્રશ્ન ઉમેરો

Trending