Home » National News » Latest News » National » BR Ambedkars statue vandalized in Azamgarh, police at the spot

મૂર્તિ તોડવાનો સિલસિલો યથાવત, યુપીના આઝમગઢમાં આંબેડકરનું સ્ટેચ્યુ તોડ્યું

Divyabhaskar.com | Updated - Mar 10, 2018, 12:45 PM

ત્રિપુરાથી શરૂ થયેલો મૂર્તિ તોડવાનો સિલસિલો હજુ પણ યથાવત છે.

  • BR Ambedkars statue vandalized in Azamgarh, police at the spot
    +6બીજી સ્લાઈડ્સ જુઓ
    કેટલાંક લોકોએ યુપીના આઝમગઢમાં આંબેડકરની મૂર્તિ તોડી હતી

    લખનઉઃ ત્રિપુરાથી શરૂ થયેલો મૂર્તિ તોડવાનો સિલસિલો હજુ પણ યથાવત છે. ત્રિપુરામાં મેળવેલી જીતના ઉન્માદમાં ભાજપના કાર્યકરોએ લેનિનની મૂર્તિ તોડી હતી. જે બાદ તામિલનાડુમાં પેરિયારની મૂર્તિ, કોલકત્તામાં જનસંઘના સ્થાપક શ્યામાપ્રસાદની મૂર્તિ સાથે છેડછાડ તો ક્યાંક ભીમરાવ આંબેડકર અને ગાંધીજીની મૂર્તિ પણ તોડવામાં આવી છે. તો યુપીમાં જ કોમી હિંસા ભડકાવવા માટે કેટલાંક અસામાજિક તત્વોએ હનુમાનજીની મૂર્તિ પણ તોડી હતી. ત્યારે આ યાદીમાં યુપીના આઝમગઢમાં થયેલી ઘટના પણ ઉમેરાઈ છે. આઝમગઢમાં કેટલાંક અજાણ્યા લોકોએ આંબેડકરની મૂર્તિ તોડી પાડી છે. રાજાપટ્ટી ગામે કેટલાંક લુખ્ખા તત્વોએ બંધારણના ઘડવૈયાની મૂર્તિ તોડી છે, પરિણામે ગ્રામજનોમાં ભારે રોષ જોવા મળી રહ્યો છે. ત્યારે તણાવપૂર્ણ વાતાવરણ જોતાં મોટી સંખ્યામાં પોલીસ તૈનાત કરવામાં આવ્યાં છે.

    પ્રતિમા તોડવામાં આવતાં ગ્રામજનો રોષ


    - પ્રાપ્ત થયેલી માહિતી મુજબ આઝમગઢના કપ્તાનગંજ પોલીસ સ્ટેશનના રાજાપટ્ટી ગામની પાસે આંબેડકરની પ્રતિમા તોડવામાં આવી છે.
    - પ્રતિમા તોડવામાં આવતાં ગ્રામીણોમાં ઘણો આક્રોશ જોવા મળી રહ્યો છે અને ત્યાં તણાવનું વાતાવરણ જોવા મળી રહ્યું છે.
    - તણાવને જોતાં મોટી સંખ્યામાં પોલીસ દળને ઘટનાસ્થળે તૈનાત કરવામાં આવ્યાં છે.
    - અહીં આંબેડકરની પ્રતિમા તૂડવા અંગેનો એક વીડિયો પણ સામે આવ્યો છે.

    હરિદ્વારમાં પણ તોડવામાં આવી હતી પ્રતિમા


    - આ પહેલાં અનેક રાજ્યોમાં આંબેડકરની પ્રતિમાઓને નિશાન બનાવવામાં આવી છે.
    - ઉત્તરાખંડના હરિદ્વાર જિલ્લાના એક ગામમાં પણ કેટલાંક અસામાજિક તત્વોએ આંબેડકરની મૂર્તિની તોડફોડ કરી હતી.

    આગળની સ્લાઈડમાં વાંચો આ પહેલાં ક્યાં ક્યાં પ્રતિમા તોડવામાં આવી હતી?

  • BR Ambedkars statue vandalized in Azamgarh, police at the spot
    +5બીજી સ્લાઈડ્સ જુઓ
    ઘટનાની જાણ થતાં જ પોલીસ તાત્કાલિક ઘટનાસ્થળે પહોંચી હતી
  • BR Ambedkars statue vandalized in Azamgarh, police at the spot
    +4બીજી સ્લાઈડ્સ જુઓ
    ત્રિપુરામાં ભાજપને જીત મળ્યાં બાદ કેટલાંક લોકોએ લેનિનની પ્રતિમા તોડી હતી (ફાઈલ)

    ત્રિપુરા:

    - 2 દિવસમાં બીજેપી કાર્યકર્તાઓએ લેનિનની બે પ્રતિમાઓને તોડી પાડી. ત્રિપુરામાં ચૂંટણી પરિણામો પછી સોમવારે બીજેપી કાર્યકર્તાઓએ બેલોનિયામાં 11.5 ફૂટ ઊંચી લેનિનની પ્રતિમાને બુલ્ડોઝરથી પાડી નાખી હતી.

     

    - મંગળવારે પણ રાજ્યમાં લેનિનની એક મૂર્તિને તોડી નાખવામાં આવી. ત્રિપુરામાં 25 વર્ષથી ડાબેરીઓની સરકાર હતી, જ્યાં હવે પહેલીવાર બીજેપી અહીંયા સત્તામાં આવી છે.

     

    - બુધવારે સીપીઆઇએમ કાર્યકર્તાઓના હુમલામાં બીજેપીના પાંચ કાર્યકર્તાઓ ઘાયલ થઇ ગયા.

     

    આગળ વાંચો વધુ વિગત

  • BR Ambedkars statue vandalized in Azamgarh, police at the spot
    +3બીજી સ્લાઈડ્સ જુઓ
    તામિલનાડુમાં દ્રવિડ આંદોલનના સ્થાપક પેરિયારની મૂર્તિ તોડાઈ હતી (ફાઈલ)


    તામિલનાડુ:

    તામિલનાડુના વેલ્લોર જિલ્લામાં મંગળવાર રાતે સમાજ સુધારક અને દ્રવિડ આંદોલનના સંસ્થાપક ઇવી રામાસામી પેરિયારની મૂર્તિને નુકસાન પહોંચાડ્યું. આ કામ બીજેપીના એક નેતા એચ રાજાની ફેસબુક પોસ્ટ પછી કરવામાં આવ્યું. પોલીસે બંને આરોપીઓની ધરપકડ કરી લીધી છે. તેમાં એક બીજેપી અને એક સીપીએમ સાથે જોડાયેલો છે. ત્યારબાદ કોઇમ્બતોરમાં બીજેપી ઓફિસ પર પેટ્રોલ બોમ્બથી હુમલો કરવામાં આવ્યો.

  • BR Ambedkars statue vandalized in Azamgarh, police at the spot
    +2બીજી સ્લાઈડ્સ જુઓ
    મેરઠના મવાનામાં કેટલાંક લોકોએ ભીમરાવ આંબેડકરની પ્રતિમા તોડી હતી (ફાઈલ)

    ઉત્તરપ્રદેશ:

    મેરઠ જિલ્લાના મવાના વિસ્તારમાં મંગળવાર રાતે તોફાની તત્વોએ ભીમરાવ આંબેડકરની મૂર્તિને તોડી નાખી. તેને લઇને સ્થાનિક લોકોએ ઘણીવાર સુધી હોબાળો કર્યો અને મૂર્તિને બદલવાની માંગ કરી. ટુંક સમયમાં એડમિનિસ્ટ્રેશને નવી મૂર્તિ લગાવડાવી દીધી. પોલીસે અજાણ્યા લોકો વિરુદ્ધ કેસ નોંધ્યો છે.

  • BR Ambedkars statue vandalized in Azamgarh, police at the spot
    +1બીજી સ્લાઈડ્સ જુઓ
    પશ્ચિમ બંગાળમાં શ્યામાપ્રસાદ મુખર્જીની પ્રતિમા પર કાળી શાહી લગાડાઈ હતી (ફાઈલ)

    પશ્ચિમ બંગાળ:

    કોલકાતાના કાલીઘાટમાં જનસંઘ સંસ્થાપક શ્યામા પ્રસાદની મુખર્જીની મૂર્તિ પર બુધવારે કાળી શાહી લગાવી દીધી. પોલીસે મૂર્તિની સાથે ચેડાં કરવાના આરોપમાં સાત લોકોની ધરપકડ કરી છે. પોલીસના જણાવ્યા પ્રમાણે, તમામ આરોપીઓ લેફ્ટ વિંગ સાથે જોડાયેલા છે. તેમાં 6 પુરુષ, એક મહિલા છે.

  • BR Ambedkars statue vandalized in Azamgarh, police at the spot
    કન્નૂરમાં ગાંધીજીની પ્રતિમાના ચશ્મા તોડી નાખવામાં આવ્યાં હતા (ફાઈલ)

    કન્નૂર:

    થાલીપરમ્બા વિસ્તારમાં મહાત્મા ગાંધીની પ્રતિમાને કેટલાક અજાણ્યા લોકોએ નુકસાન પહોંચાડ્યું હતું. તેમના ચશ્મા તૂટેલા મળ્યા હતા. 

ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From National News

Trending

વીડિયો વધુ જુઓ