Home » National News » Desh » Truth of Viral Video of Dalits being beaten in police station to Suppress Movement

દલિતોને પોલીસ સ્ટેશનમાં બેસાડીને બેલ્ટથી માર્યાનો વીડિયો વાયરલ, શું છે વીડિયોનું સત્ય

Divyabhaskar.com | Updated - Apr 12, 2018, 02:51 PM

દેશમાં પહેલીવાર એવું થયું છે કે સોશિયલ મીડિયા અને વોટ્સએપ પર વાયરલ મેસેજના કારણે 'ભારત બંધ' રહ્યું

  • વીડિયોમાં જોવા મળે છે કે કેટલાક યુવાનોને પોલીસ-સ્ટેશનની અંદર બેલ્ટથી પીટવામાં આવી રહ્યા છે.

    નેશનલ ડેસ્ક: દેશમાં પહેલીવાર એવું થયું છે કે સોશિયલ મીડિયા અને વોટ્સએપ પર વાયરલ મેસેજના કારણે 'ભારત બંધ' રહ્યું. રસ્તાઓ પર પોલીસદળ ઉતારવું પડ્યું. કહેવામાં આવ્યું છે કે અનામત વિરુદ્ધ સવર્ણોએ ભારત બંધ કર્યું છે, પરંતુ કોઇ સંગઠને આ બંધની જવાબદારી લીધી નથી. વાયરલ મેસેજથી ખતરાની વાત ફક્ત એક દિવસની ન હતી, કારણકે વોટ્સએપ પર એવા ઘણા વીડિયો અને ફોટો સર્ક્યુલેટ થઇ રહ્યા છે, જેનાથી લોકોને ભડકાવવામાં આવી રહ્યા છે. તાજો મામલો એક વીડિયો દ્વારા સામે આવ્યો છે. જેમાં કેટલાક યુવાનોને પોલીસ-સ્ટેશનની અંદર બેલ્ટથી પીટવામાં આવી રહ્યા છે. મેસેજમાં લખ્યું છે એસસી/એસટી ઍક્ટમાં બદલાવ પછી દલિતો સાથે આવો જ વ્યવહાર કરવામાં આવશે. જાણો આખરે શું છે આ વાયરલ વીડિયોનું સત્ય?

    વીડિયોમાં શું છે?

    વીડિયો 1 મિનિટ અને 40 સેકન્ડ્સનો છે, જેમાં પોલીસ-સ્ટેશનની અંદર કેટલાક યુવકોને લાઇનમાં બેસાડવામાં આવ્યા છે. પછી પોલીસવાળા તેમને બેલ્ટથી મારવાનું શરૂ કરી દે છે. તેઓ હાથ જોડે છે, રહેમની ભીખ માંગે છે, પરંતુ પોલીસવાળાઓ તેમને મારતા જ જાય છે. બેલ્ટ ચલાવવાની સાથે જ પોલીસવાળાઓ કહી રહ્યા છે કે હવે ગુંડાગીરી નહીં ચાલે. બીજા પોલીસવાળાઓ પૂછી-પૂછીને તેમના નામ નોંધી રહ્યા છે.

    વીડિયોની સાથે મેસેજ શું છે?

    - વીડિયોની સાથે મેસેજ લખ્યો છે કે 'આ વીડિયોને દરેક ફોન સુધી પહોંચાડો. આપણી માનનીય સુપ્રીમ કોર્ટ અને આખા દેશને જાણ થયા કે SC/ST ઍક્ટમાં થયેલા બદલાવથી શું દુષ્પરિણામો આવશે. જય ભીમ જય ભારત.'

    આગળની સ્લાઇડમાં વાંચો, શું છે વીડિયોનું સત્ય?

  • Truth of Viral Video of Dalits being beaten in police station to Suppress Movement
    મેસેજમાં લખ્યું છે એસસી/એસટી ઍક્ટમાં બદલાવ પછી દલિતો સાથે આવો જ વ્યવહાર કરવામાં આવશે.

    શું છે વીડિયોનું સત્ય? 

     

    - વીડિયોને ધ્યાનથી સાંભળવા પર ખ્યાલ આવે છે કે એક જગ્યાએ પોલીસવાળો કહે છે કે ઇંદોરની જનતા હવે ગુંડાગીરી સહન નહીં કરે. તેના પરથી જાણ થઇ કે વીડિયો મધ્યપ્રદેશ, ઇંદોરનો છે. ત્યારબાદ ઇંદોર પોલીસને વીડિયો બતાવવામાં આવ્યો, જેના પછી સંપૂર્ણ સત્ય સામે આવી ગયું. 

    - પોલીસના જણાવ્યા પ્રમાણે, વીડિયો ત્રણ વર્ષ જૂનો 29 મે, 2015નો છે. તે સમયે એમપીમાં ગુંડા પકડો અભિયાન ચલાવવામાં આવી રહ્યું હતું. તે જ દરમિયાન કેટલાક ગુંડાઓને પકડીને રોડ પર મારી-મારીને પોલીસ સ્ટેશન લાવવામાં આવ્યા હતા. તેમને પોલીસ સ્ટેશનની અંદર પણ મારવામાં આવ્યા હતા. આ વીડિયો તેનો જ છે. 
    - પરિણામે દલિતોના આંદોલનને દબાવવાના કાવતરાના નામ પર વાયરલ થઇ રહેલો આ વીડિયો જૂઠ્ઠાણું નીકળ્યો. વીડિયો દ્વારા લોકોની લાગણીઓને ભડકાવવાનો પ્રયત્ન કરવામાં આવી રહ્યો છે. 

ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From National News

Trending