Divya Bhaskar

Home » National News » Latest News » National » In Tripura, Left Government is in hope of forming a government again

નોર્થ ઈસ્ટના ત્રણ રાજ્યોના આજે પરિણામ: મેઘાલયમાં કોંગ્રેસ આગળ

Divyabhaskar.com | Updated - Mar 03, 2018, 08:45 AM

નાગાલેન્ડમાં બીજેપી આગળ છે, જ્યારે ત્રિપુરામાં બીજેપી અને લેફ્ટ વચ્ચે ટક્કર

  • In Tripura, Left Government is in hope of forming a government again
    +9બીજી સ્લાઈડ્સ જુઓ

    અગરતલા: ત્રણ પૂર્વોત્તર રાજ્યોમાં શનિવારે આવેલા ચૂંટણી પરિણામોએ દેશના રાજકીય નક્શાને બદલી દીધો છે. ત્રિપુરામાં છેલ્લા 25 વર્ષથી સતત સરકાર ચલાવી રહેલા લેફ્ટના કિલ્લામાં બીજેપીએ તીરાડ પાડી દીધી છે. બીજેપીએ અહીં 35 વર્ષમાં પહેલી વાર સૌથી વધારે સીટ જીતી છે. દેશમાં આવું પ્રથમ વખત થયું છે કે, બીજેપીએ લેફ્ટની મજબૂત પકડવાળા રાજ્યમાં તેને સત્તા બહાર કરી દીધું છે. શરૂઆતના રુઝાનમાં ત્રિપુરામાં લેફ્ટ અને બીજેપી ગઠબંધન વચ્ચે કાંટાની ટક્કર જોવા મળી હતી. પરંતુ ત્યારપછી બીજેપી ગઠબંધને બહુમતીના આંકડા પાર કરી લીધા હતા. નાગાલેન્ડમાં બીજેપી સરકાર બનવાના સમીકરણો જોવા મળી રહ્યા છે. હવે દેશના 19 રાજ્યોમાં બીજેપી અથવા તેના ગઠબંધનવાળી સરકાર છે.

    ત્રણેય રાજ્યમાં કરો યા મરોની સ્થિતિ હતી

    નોર્થ ઈસ્ટના ત્રણ રાજ્યો ત્રિપુરા, નાગાલેન્ડ અને મેઘાલયમાં વિધાનસભાની ચૂંટણીના પરિણામો આવી રહ્યા છે. સૌથી પહેલાં બેલેટ પેપરની ગણતરી કરવામાં આવી હતી. આ રાજ્યોમાં લેફ્ટ, કોંગ્રેસ અને બીજેપી સહિત સ્થાનિક પાર્ટીઓ માટે ચૂંટણીમાં કરો યા મરો જેવી સ્થિતિ છે. બીજેપી અને આરએસએસએ ત્રણેય રાજ્યોના અંતરિયાળ ગામડાઓ સુધી કામ કર્યું છે. જ્યારે નરેન્દ્ર મોદી અને અમિત શાહની ટીમે આક્રમક કેમ્પેઈનિંગ કર્યું હતું. ત્રિપુરા અને નાગાલેન્ડમાં બીજેપીને જોરદાર ફાયદો મળ્યો છે જ્યારે મેઘાલયમાં કોંગ્રેસને એનપીપી ટક્કર આપી રહ્યું છે. બે રાજ્યોમાં બીજેપીના સારા પ્રદર્શનથી કાર્યકરોમાં ઉત્સાહ જોવા મળી રહ્યો છે.

    રિઝલ્ડના અપડેટ્સ્

    ત્રિપુરા- 60 સીટ: CPM- 16, BJP- 43
    મેઘાલય- 60 સીટ: CONG- 21, BJP- 2, NPP- 19, OTH- 17
    નાગાલેન્ડ- 58 સીટ- NPF- 27, BJP- 28, CONG- 0, OTH- 4

    શરૂઆતી ટ્રેન્ડ

    ત્રિપુરા- અહીં શરૂઆતના રૂઝાન માટે બીજેપી + (એટલે કે બીજેપી અને ઈન્ડિજીનિયસ પીપુલ્સ ફ્રન્ટ ઓફ ત્રિપુરા)અને લેફ્ટ વચ્ચે કાંટાની ટક્કર છે. જે ત્રિપુરામાં છેલ્લા 25 વર્ષમાં બીજેપીની સત્તાનું ખાતુ પણ નથી ખુલ્યું ત્યાં તેણએ 51 સીટ પર માકપાને પડકાર આપ્યો છે. અહીં પહેલી વાર બીજેપીને સૌથી વધારે સીટ મળી છે.

    મેઘાલય- અહીં કોંગ્રેસ મોટી પાર્ટી બનતી જોવા મળી રહી છે. પરંતુ બીજેપી, નેશનલ પીપુલ્સ પાર્ટી અને યુનાઈટેડ ડેમોક્રેટિક પાર્ટી મળીને કોંગ્રેસ માટે જોખમ ઊભું કરી શકે છે. રસપ્રદ વાત એ છે કે, એનપીપી અને યૂડીએફ બંને કેન્દ્રમાં એનડીએમાં સામેલ છે. આવા સંજોગોમાં બીજેપી, એનપીપી અને યૂડીએફ મળીને સરકાર બનાવવા માટે બહુમતીનો આંકડો સરળતાથી મેળવી શકે છે. નોર્થ-ઈસ્ટમાં બીજેપીના પ્રવક્તા હેમંત બિસ્વ સરમાએ દાવો કર્યો છે કે, મેઘાલયમાં કોંગ્રેસ મુક્ત સરકાર બનાવવામાં આવશે.


    નાગાલેન્ડ- અહીં પણ નગા પીપુલ્સ ફ્રન્ટ (એનપીએફ) અને બીજેપી વચ્ચે ટક્કર જોવા મળી રહી છે. નેશનલિસ્ટ ડેમોક્રેટિક પીપુલ્સ પાર્ટી (એનડીપીપી) અને બીજેપીનું મહાગઠબંધન બીજા નંબર પર છે. અહીં કોંગ્રેસના સૂપડાં સાફ જેવી સ્થિતિ છે. બીજેપીને બંને સ્થિતિમાં પાયદો જ છે. કારણકે 15 વર્ષ તે એનપીએફની સાથે રહી છે અને એનડીપીપી પણ એનપીએફથી અલગ થઈને બનેલી એક પાર્ટી છે. આવા સંજોગોમાં કોઈ પણ પાર્ટીની આગેવાનીવાળી સરકારમાં બીજેપીનો ભાગ હોઈ શકે છે.

    1) ત્રિપુરા- બહુમત: 31/60
    2013: લેફ્ટની જીત
    આ વખતે: લેફ્ટ v/s બીજેપી

    કોણે પસંદ કરી સરકાર?


    મતદાર- 25 મતદાર, વોટિંગ 89.8%
    - ત્રિપુરામાં 25 વર્ષથી લેફ્ટની સરકાર છે પરંતુ સરકારની હિન્દુ વિરોધી નીતિ, બેરોજગારી અને વિકાસ ન હોવાના કારણે લેફ્ટની સરકારને એન્ટી ઈનકંબેસીનું નુકસાન થઈ શકે છે.
    - એક સીટ પર ઉમેદવારનું નિધન થઈ ગયું હોવાથી તે સીટ પર મતદાન થયુ નથી.

    કોણ છે સીએમનો ચહેરો?


    - હાલના સીએમ માણિક સરકાર છે. તેઓ છેલ્લા 20 વર્ષથી સરકાર ચલાવી રહ્યા છે. બીજેપીએ સીએમના ઉમેદવાર માટે કોઈ નામની જાહેરાત કરી નથી. બીજેપીએ અહીં નરેન્દ્ર મોદીના નામ પર ચૂંટણી લડી છે. અહીં કોંગ્રેસ અને ટીએમસી હાંશિયામાં છે.

    ખાસિયત- માણિક પર અત્યાર સુધી કોઈ આરોપ લગ્યો નથી. તેમની પાસે ન પોતાનો મોબાઈલ, ઘર કે કાર પણ નથી. તેઓ સોશિયલ મીડિયાનો પણ ઉપયોગ નથી કરતા.


    નબળાઈ- એવુ કહેવામાં આવે છે કે, આ વિશે યુવાનોમાં નારાજગી છે. આરોપ છે કે, રાજ્યમાં આઈટી સેક્ટર ખૂબ પાછળ છે.

    2) મેઘાલય- બહુમત: 31/59


    2013: કોંગ્રેસ જીતી
    આ વખતે Cong v/s NPP v/s BJP

    કોણે પસંદ કરી સરકાર?
    મતદાર- 19 લાખ, મતદાન 67%

    - અહીં 8 વર્ષથી કોંગ્રેસની સરકાર છે. કોંગ્રેસ- બીજેપી અને નેશનલ પીપુલ્સ પાર્ટીમાં ત્રિકોણીય ટક્કર છે. ડ્રગ્સ, ડેવલપમેન્ટ અને હેલ્થના મુદ્દાઓ પર ચૂંટણી લડવામાં આવી છે. નેશનલ પીપુલ્સ પાર્ટી 2013માં સત્તામાં આવી. સ્વર્ગસ્થ પૂર્વ કોંગ્રેસી નેતા પીએ સંગમા તેના ફાઉન્ડ હતા. હવે તે તેમના દીકરા અને પાર્ટી ચીફ કોનાર્ડ સંગમાની લીડરશીપ માં આ પાર્ટી મજબૂત થઈ રહી છે. 5 વર્ષમાં પાર્ટીનો જનાધાર વધ્યો છે. 2014ની ચૂંટણીમાં મતદાન 22.8 ટકા થયું હતું. 18 વિધાનસભા સીટમાં વધારો થયો હતો.
    - એક સીટ પર ઉમેદવારનું નિધન થઈ ગયું હોવાથી ચૂંટણી થઈ નહતી. અહીં 59 સીટ પર ચૂંટણી થઈ હતી.

    કોણ છે સીએમનો ચહેરો?


    - કોંગ્રેસમાં હાલ સીએમ મુકુલ સંગમાની લીડરશીપમાં ચૂંટણી લડવામાં આવી છે. એનપીપીએ સીએમના ઉમેદવારની હજુ જાહેરાત કરી નથી. જોકે માનવામાં આવે છે કે, જો એનપીપી ચૂંટણી જીતશે તો મુકુલ સંગમાની બહેન અને પૂર્વ સાંસદ આગથા સંગમાને સીએમ બનાવી શકે છે. બીજેપીએ પણ સીએમ તરીકે કોઈ ઉમેદવારનું નામ જાહેર કર્યું નથી. અહીં પણ નરેન્દ્ર મોદી અને બીજેપીના નામથી ચૂંટણી લડવામાં આવી છે.

    જાતીગત સમીકરણ શું છે?


    - રાજ્યમાં અંદાજે 75 ટકા મતદારો ઈસાઈ છે. આ વોટર્સને મનાવવા માટે કોંગ્રેસે કેરળના પૂર્વ સીએમ ઓમાન ચાંડી અને બીજેપીએ કેન્દ્રીય મંત્રી અલ્ફોંસને ચૂંટણીની જવાબદારી સોંપી હતી.
    - રાજ્યમાં દરેક ચૂંટણીમાં અપક્ષના ઉમેદવારો મોટી સંખ્યામાં હોય છે. ગઈ વખતે અપક્ષના 13 ઉમેદવારો ચૂંટણી જીત્યા હતા. આ વખતે 84 અપક્ષ ઉમેદવારો ચૂંટણી લડ્યા હતા.

    3) નાગાલેન્ડ: બહુમત: 31/60


    2013: એનપીએફની જીત
    આ વખતે : NPF v/s BJP+NDPP

    કોણે પસંદ કરી સરકાર?
    મતદાર- 11 લાખ, વોટિંગ: 75 %


    - 15 વર્ષથી નેશનલ પીપુલ્સ ફ્રન્ટ (NPF)ની સરકાર છે. બીજેપીએ ચૂંટણી પહેલાં એનપીએફથી ગઠબંધન તોડીને આ પાર્ટીના બળવાખરો નેતાઓ-ધારા સભ્યોના નવા દળ નેશનલ ડેમોક્રેટિક પ્રોગ્રેસિવ પાર્ટી (NDPP) સાથે ગઠબંધન કર્યું હતું. એનડીપીપીએ 40 અને બીજેપીએ 20 સીટ પર ચૂંટણી લડી હતી. એનપીએફ 59 સીટ પર ચૂંટણી લડી હતી.

    કોણ છે સીએમ ચહેરો?


    - એનપીએફ સીએમ ટીઆર જેલિયાંગ ચહેરો છે. બીજેપી અને એનડીપીપીએ કોઈ નેતાને આગળ કર્યા નથી. એનપીએફના પૂર્વ નેતા અને ત્રણ વાર સીએમ રહી ચૂકેલા નેફ્યૂ રિયો એનડીપીપીના સંભવિત ઉમેદવાર રહી શકે છે. તેમણે ચૂંટણી પહેલાં એનડીપીપી જોઈન કરી લીધું છે. તેઓ નોર્થર્ન અંગામી-2થી બહુમતીથી ચૂંટણી જીતી ગયા છે. નરેન્દ્ર મોદીની પહેલી પસંદ છે.

    જાતીગત સમીકરણ શું છે?


    અહીં ઈસાઈની બહુમતી છે. અહીં 90.2 ટકા ઈસાઈ, 7.7 ટકા હિન્દુ અને 1.8 ટકા મુસ્લિમ છે.

  • In Tripura, Left Government is in hope of forming a government again
    +8બીજી સ્લાઈડ્સ જુઓ
    ત્રિપુરામાં બીજેપીની જીત પછી અમિત શાહે પ્રેસ કોન્ફરન્સ કરીને પાઠવી શુભેચ્છા
  • In Tripura, Left Government is in hope of forming a government again
    +7બીજી સ્લાઈડ્સ જુઓ
    ભાજપના દિલ્હી હેડક્વાર્ટર ખાતે કાર્યકરો સાથે જીતની ખુશી મનાવતા અમિત્ શાહ.
  • In Tripura, Left Government is in hope of forming a government again
    +6બીજી સ્લાઈડ્સ જુઓ
    બીજેપી નેશનલ જનરલ સેક્રેટરી રામ માધવ અને સ્ટેટ પ્રેસિડન્ટ બિપ્લવ કુમાર દેબ અગરતલામાં કાર્યકરો સાથે જીતની ખુશી મનાવતા.
  • In Tripura, Left Government is in hope of forming a government again
    +5બીજી સ્લાઈડ્સ જુઓ
    ઉત્તર પ્રદેશના મુખ્યમંત્રી યોગી આદિત્યનાથે બીજેપીના પ્રદર્શનથી ખુશી વ્યક્ત કરી.

    UPના મુખ્યમંત્રી યોગી આદિત્યનાથે કહ્યું કે, ત્રિપુરામાં બીજેપી ઐતિહાસિક જીત તરફ આગળ વધી રહી છે, હું પીએમ મોદી, અમિત શાહજી અને પાર્ટી કાર્યકરોને અભિનંદન પાઠવું છું. નાગાલેન્ડ અને મેઘાલયમાં પણ અમારું પ્રદર્શન ઐતિહાસિક છે. ભારતના રાજકારણમાં મહત્વપૂર્ણ દિવસ છે.

  • In Tripura, Left Government is in hope of forming a government again
    +4બીજી સ્લાઈડ્સ જુઓ
    ત્રિપુરામાં બીજેપી ટ્રેન્ડમાં આગળ આવતા કાર્યકરોમાં ઉત્સાહ જોવા મળ્યો.
  • In Tripura, Left Government is in hope of forming a government again
    +3બીજી સ્લાઈડ્સ જુઓ
    બીજેપી કાર્યકરોએ ખુશીમાં એકબીજાનું તિલક કરી અભિવાદન કર્યું.
  • In Tripura, Left Government is in hope of forming a government again
    +2બીજી સ્લાઈડ્સ જુઓ
    બીજેપી કાર્યકરોમાં ઉત્સાહ જોવા મળ્યો
  • In Tripura, Left Government is in hope of forming a government again
    +1બીજી સ્લાઈડ્સ જુઓ
    નોર્થ ઈસ્ટના ત્રણ રાજ્યોના આજે પરિણામ (પ્રતિકાત્મક તસવીર)
  • In Tripura, Left Government is in hope of forming a government again
    ત્રિપુરા, મેઘાલય અને નાગાલેન્ડની ચૂંટણીના પરિણામ માટે મતગણતરી શરૂ (પ્રતિકાત્મક તસવીર)
ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From National News

Trending