Divya Bhaskar

Home » National News » Latest News » National » લાલુના પુત્રોમાં તકરાર: મોટાએ કહ્યું,તેજસ્વી મારુ અપમાન કરે છે, આપી સન્યાસની ધમકી | Tej Pratap Yadav accused that his younger brother trying to sideline him in the party

લાલુના મોટા પુત્રે કહ્યું, તેજસ્વી અપમાન કરે છે, આપી સંન્યાસની ધમકી

Divyabhaskar.com | Updated - Jun 09, 2018, 09:08 PM

તેજપ્રતાપે કહ્યું કે, `પાર્ટીમાં મારી કોઇ વાત નથી સાંભળતું. પાર્ટીના લોકો મારો ફોન નથી ઉપાડતા.

  • લાલુના પુત્રોમાં તકરાર: મોટાએ કહ્યું,તેજસ્વી મારુ અપમાન કરે છે, આપી સન્યાસની ધમકી | Tej Pratap Yadav accused that his younger brother trying to sideline him in the party
    +2બીજી સ્લાઈડ્સ જુઓ
    તેજપ્રતાપે ટવીટ કર્યું, `હું અર્જુનને હસ્તિનાપુર સોંપીને દ્વારકા જતો રહેવા માંગુ છું. ફાઇલ ફોટો

    પટનાઃ તેજ પ્રતાપ (29)ના લગ્ન પછી લાલુના બે પુત્રો વચ્ચે વિવાદ બહાર આવ્યો છે. જોકે, લગ્ન પહેલા તેજપ્રતાપને રાજકારણમાં રુચિ ન હતી, પરંતુ હવે તેને લાગે છે કે આખી પાર્ટી તેજસ્વી (28)ને કબજે કરી લીધી છે અને તેનું કોઇ સાંભળતું નથી. શનિવારે તેજપ્રતાપે કહ્યું કે તેમણે પોતાના જિગરના ટુકડા તેજસ્વીને રાજદના યુવરાજ જાહેર કર્યા હતા પરંતુ બદલામાં તેને માત્ર અપમાન જ મળે છે. તેણે કહ્યું કે પાર્ટીમાં એવો કોઇ નેતા છે કે જે અમને અલગ કરતા માગે છે. તેને જલદી બહાર કાઢવાની જરૂર છે.

    ટવીટ કરીને પીડા જાહેર કરી


    લાલુ યાદવના ઘરની લડાઇ હવે બધા વચ્ચે જાહેર થઇ છે જ્યારે તેજપ્રતાપે ટવીટ કર્યું, `હું અર્જુનને હસ્તિનાપુર સોંપીને દ્વારકા જતો રહેવા માંગુ છું. પરંતુ ચાડી કરનારાઓને પરેશાની થશે કે ક્યાંક હું કિંગમેકર ન કહેવાઉં.'
    - આ ટવીટ પછી શનિવારે જ્યારે મીડિયાએ તેજપ્રતાપ સાથે વાત કરી તો તેમણે કહ્યું કે, `મેં મારા મનની પીડા મારી પત્ની ઐશ્વર્યા રાયને પણ જણાવી. આ સાંભળીને તેને પણ ચિંતા થઇ.'
    - ગયા મહિનાની 12મી તારીખે જ તેજપ્રતાપના લગ્ન રાજદ નેતા ચંદ્રિકા પ્રસાદ રાયની પુત્રી ઐશ્વર્યા રાય સાથે થયા હતા.

    પાર્ટીના નેતા મારો ફોન પણ ઊઠાવતા નથી


    - તેજપ્રતાપે કહ્યું કે, `પાર્ટીમાં મારી કોઇ વાત નથી સાંભળતું. પાર્ટીના લોકો મારો ફોન નથી ઉપાડતા. તેઓ કહે છે કે વરિષ્ઠ નેતાઓએ તેમને આવું કરવા કહ્યું છે. વિદ્યાર્થી રાજદના લોકો પાર્ટી માટે પાયા સ્તરે કામ કરે છે. પોતાના પૈસા ખર્ચીને પાર્ટી માટે કામ કરે છે પરંતુ તેમને કોઇ મહત્ત્વ નથી મળતું.'

    પિતાને વાત કરી ત્યારે મારું સાંભળ્યું


    - તેણે કહ્યું કે, `રાજેન્દ્ર પ્રસાદ નામના એક નેતાને પાર્ટીમાં સન્માન આપવા માટે મેં રાજદના પ્રદેશ અધ્યક્ષ ડો. રામચંદ્ર પૂર્વેને કહ્યું, પરંતુ તેમણે મારી વાત કાને ધરી નહિ. તેજસ્વીને વાત કરી તો પણ ફાયદો ન થયો. આખરે મેં મારા પિતા લાલુપ્રસાદ અને મા રાબડી દેવી સાથે વાત કરી ત્યારે મારી વાત સાંભળવામાં આવી.'

    રાજદમાં એવું કોઇ છે જે પાર્ટીનું નામ ડૂબાડે છે


    - તેજપ્રતાપે કહ્યું કે, `રાજદમાં અસામાજિક લોકો ભરવામાં આવી રહ્યા છે. પાર્ટીમાં એવા નેતાઓનું મહત્વ વધી રહ્યું છે જે લાલુ પ્રસાદ અને રાબડી દેવીની સાથે મારુ, તેજસ્વી યાદવ અને મીસા ભારતીના નામ વેચી રહ્યા છે. આવા નેતા રાજદને ડૂબાડી રહ્યા છે.'
    - જોકે, વિવાદ વધતા તેજપ્રતાપે કહ્યું કે તેની અને તેજસ્વી વચ્ચે કોઇ પણ પ્રકારનો ખટરાગ નથી પરંતુ પાર્ટીમાં એવા પ્રકારના લોકો છે જે અમને લડાવવા માગે છે.

  • લાલુના પુત્રોમાં તકરાર: મોટાએ કહ્યું,તેજસ્વી મારુ અપમાન કરે છે, આપી સન્યાસની ધમકી | Tej Pratap Yadav accused that his younger brother trying to sideline him in the party
    +1બીજી સ્લાઈડ્સ જુઓ
    જોકે, વિવાદ વધતા તેજપ્રતાપે કહ્યું કે તેની અને તેજસ્વી વચ્ચે કોઇ પણ પ્રકારનો ખટરાગ નથી.
  • લાલુના પુત્રોમાં તકરાર: મોટાએ કહ્યું,તેજસ્વી મારુ અપમાન કરે છે, આપી સન્યાસની ધમકી | Tej Pratap Yadav accused that his younger brother trying to sideline him in the party
    તેજપ્રતાપે કહ્યું કે, પાર્ટીમાં એવા પ્રકારના લોકો છે જે અમને લડાવવા માગે છે.
ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From National News

તમારો ઓપિનિયન પોસ્ટ કરો

લેટેસ્ટ કમેન્ટ્સ

તમારો પ્રશ્ન પોસ્ટ કરો

અનામિક ઉમેરોપ્રશ્ન ઉમેરો

લેખકને તમારો પ્રશ્ન મોકલો

અનામિક ઉમેરોપ્રશ્ન ઉમેરો

Trending