Home » National News » Desh » Success story of IT Engineer in Kanpur selling Designer shoes on Amazon Flipkart

IT એન્જિનિયરને આવ્યો સ્ટાર્ટઅપનો આઇડિયા, એમેઝોન-ફ્લિપકાર્ટ પર વેચે છે ડિઝાઇનર શૂઝ

Divyabhaskar.com | Updated - Apr 06, 2018, 09:38 AM

શોખ ખાતર ચિત્રકામ કરતા આઇટી એન્જિનિયર સનતે તેના એક મિત્રને જૂતા પર ચિત્રકામ કરતા જોયો હતો

  • Success story of IT Engineer in Kanpur selling Designer shoes on Amazon Flipkart
    +1બીજી સ્લાઈડ્સ જુઓ
    સનતે ક્રિએટિવિટીના શોખને બિઝનેસનું સ્વરૂપ આપવાની દિશામાં ડગ માંડ્યા.

    કાનપુર: જીવનમાં કંઇક અલગ કરી બતાવવાની ચાહનાએ એક સામાન્ય યુવકને બિઝનેસમેન બનાવી દીધો. તેની પાસે ન તો કોઇ જમાપૂંજી હતી અને ન તો કોઇ બિઝનેસનું બેકગ્રાઉન્ડ હતું. શોખ ખાતર ચિત્રકામ કરતા આઇટી એન્જિનિયર સનતે તેના એક મિત્રને જૂતા પર ચિત્રકામ કરતા જોયો. તેના પરથી તેને એક સ્ટાર્ટ-અપનો આઇડિયા આવ્યો. સનતે ક્રિએટિવિટીના શોખને બિઝનેસનું સ્વરૂપ આપવાની દિશામાં ડગ માંડ્યા છે અને સફેદ જૂતા પર સોનેરી નસીબની રેખાઓ ખેંચી રહ્યા છે. એટલું જ નહીં, બીજા નવયુવાનોને તેઓ રોજગાર પણ આપી રહ્યા છે.

    વિદ્યાર્થીને જૂતા પર ચિત્રકામ કરતા જોઇને આવ્યો સ્ટાર્ટઅપનો આઇડિયા

    સનત શ્રીવાસ્તવ કાનપુરમાં રાવતપુર ગણેશનગરનો નિવાસી છે. એન્જિનિયરિંગ કરી ચૂકેલા સનતના પિતા સંજય શ્રીવાસ્તવ કલેક્ટ્રેટમાં જસ્ટિસ આસિસ્ટન્ટના પદ પર તહેનાત છે. પિતાએ જણાવ્યું કે સનતને ચિત્રકામનો ઘણો શોખ છે. એકવાર સનતે એમિટી યુનિવર્સિટીના વિદ્યાર્થીને જૂતા પર ચિત્રકામ કરતો જોયો. તેની સાથે વાત કરતા માલૂમ પડ્યું કે તેણે તૈયાર કરેલા જૂતા લોકો ખૂબ પસંદ કરે છે. સનતે વિચાર્યું કે આનો તો બિઝનેસ કરવો જોઇએ. પોતે જ બિઝનેસ શરૂ કરીને બેરોજગારોને રોજગાર આપીએ.

    જૂતાનો પ્રથમ લોટ તાત્કાલિક વેચાઇ ગયો, શરૂ કરી દીધી કંપની

    આ સપનાને સાકાર કરવા માટે તેમણે પિતા સાથે વાત કરી. આઇડિયા યોગ્ય લાગ્યો તો સંજયે પણ દીકરાની વાત માની લીધી. સનતે ચાર્ટર્ડ અકાઉન્ટન્ટના ફાઇનલ યરમાં ભણી રહેલા પોતાના મિત્ર શશાંક સહાય અને ડિઝાઇનર આર્યન સિદ્દીકી સાથે વાત કરી. તેઓ પણ તૈયાર થઇ ગયા, પછી તેમણે સફેદ રંગના કેટલાક જૂતા મંગાવ્યા. તેના પર ચિત્રકામ કર્યું અને ત્યારબાદ તેનું વેચાણ કર્યું. લોકોએ તરત જ આ જૂતા ખરીદી લીધા અને જોતજોતામાં તમામ જૂતા વેચાઇ ગયા. તેનાથી બધાનો ઉત્સાહ વધ્યો અને ત્યારબાદ તેમણે ફંક ફિટ્સ નામથી કંપની શરૂ કરી.

    આગળની સ્લાઇડમાં વાંચો, વેબસાઇટ શરૂ કરી અને એમેઝોન-ફ્લિપકાર્ટ પર પણ વેચાણ માટે મૂકી પ્રોડક્ટ

  • Success story of IT Engineer in Kanpur selling Designer shoes on Amazon Flipkart
    આઇટી એન્જિનિયર સનતે પોતાની વેબસાઇટ તૈયાર કરી અને વિવિધ પ્રકારની ડિઝાઇન વાળા જૂતાના ફોટાઓ તેના પર પોસ્ટ કર્યા.

    વેબસાઇટ શરૂ કરી અને એમેઝોન-ફ્લિપકાર્ટ પર પણ વેચાણ માટે મૂકી પ્રોડક્ટ

     

    આઇટી એન્જિનિયર સનતે પોતાની વેબસાઇટ તૈયાર કરી અને વિવિધ પ્રકારની ડિઝાઇન વાળા જૂતાના ફોટાઓ તેના પર પોસ્ટ કર્યા. વેબસાઇટથી પણ લોકોએ ઓર્ડર બુક કરાવવાનું શરૂ કરી દીધું. પછી તેમણે પાછું વળીને જોયું નથી. તેમણે ઓનલાઇન શોપિંગ સુવિધા આપતી કંપની એમેઝોન અને ફ્લિપકાર્ટના એડમિનિસ્ટ્રેશનનો સંપર્ક સાધ્યો અને હવે તેમના જૂતા આ કંપનીઓના માધ્યમથી વેચાઇ રહ્યા છે. 

     

    યુરોપિયન દેશોમાં બિઝનેસ વધારવા માટે કરી રહ્યા છે પ્રયત્નો

     

    આ વખતે તેમની કંપનીમાં છત્રપતિ શાહૂજી મહારાજ વિશ્વવિદ્યાલયમાં ફાઇન આર્ટ્સ કરી રહેલા એક ડઝન વિદ્યાર્થી-વિદ્યાર્થિનીઓ જોડાયેલા છે. તેઓ સનતને ત્યાં આવીને જૂતાઓ પર ચિત્રકામ કરે છે. સનતે જણાવ્યું કે સાઉદી અરેબિયા સહિત ઘણા દેશોમાં જૂતાની માંગ ઝડપથી વધી રહી છે. યુરોપિયન દેશોમાં પણ બિઝનેસ આગળ વધે તે માટેના પ્રયત્નો થઇ રહ્યા છે. આ ઉદ્યોગમાં રોજગારની ઘણી સંભાવનાઓ છે. ટુંક સમયમાં તેને મોટું સ્વરૂપ આપીશ, જેથી ફાઇન આર્ટ્સના વધુમાં વધુ યુવાનોને રોજગા આપી શકે. 

ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From National News

Trending

વીડિયો વધુ જુઓ