Divya Bhaskar

Home » National News » Desh » Sub Inspector slapped local police constable for stopping him in traffic at Chandigarh

જે કોન્સ્ટેબલના પૂર્વ રાષ્ટ્રપતિ પણ કરી ચૂક્યા છે વખાણ તેને એક SIએ માર્યો થપ્પડ

Divyabhaskar.com | Updated - Jun 06, 2018, 11:13 AM

ટ્રાફિક નિયમોનો પાઠ ભણાવનારા ચંદીગઢ સેક્ટર-24 ચોકીના ઇન્ચાર્જ રોહિતાશ શિમલામાં પોલીસ ફોર્સના કાયદા ભૂલી ગયા

  • Sub Inspector slapped local police constable for stopping him in traffic at Chandigarh

    ચંદીગઢ: ટ્રાફિક નિયમોનો પાઠ ભણાવનારા ચંદીગઢ સેક્ટર-24 ચોકીના ઇન્ચાર્જ રોહિતાશ શિમલામાં પોલીસ ફોર્સના કાયદા ભૂલી ગયા. શિમલા પોલીસના કોન્સ્ટેબલ રાકેશ કુમારે જ્યારે રોહિતાશને ગાડી રોંગસાઇડ પાર્ક કરવાથી રોક્યા તો તેમણે તેમને થપ્પડ મારી દીધો. રવિવારે સાંજે વિક્ટ્રી હોટલની નીચે ટ્રાફિક જામની વચ્ચે એસઆઇ રોહિતાશે ચા પીવા માટે પોતાની ગાડી ખોટી જગ્યાએ ઊભી રાખી દીધી હતી. રાકેશે અટકાવ્યો તો એસઆઇએ થપ્પડ મારી દીધો. કોન્સ્ટેબલની ફરિયાદ પર શિમલા પોલીસે સબ-ઇન્સ્પેક્ટર વિરુદ્ધ મામલો નોંધીને તેમની ધરપકડ કરી અને સોમવારે તેમને છોડી દીધા. એએસપી પ્રવીર ઠાકુરે જણાવ્યું કે એસઆઇ વિરુદ્ધ કેસ નોંધવામાં આવ્યો છે.

    ડીજીપીનું ફર્સ્ટ ક્લાસ સર્ટિફિકેટ પણ મળી ચૂક્યું છે રાકેશને

    - રાકેશ રોજ શહેરના સૌથી વ્યસ્ત રહેતા વિક્ટ્રી ટનલ લાઇટ પોઇન્ટ પર ઝડપથી ટ્રાફિક બહાલ કરે છે. તેના માટે કોન્સ્ટેબલ આખા શહેર જ નહીં, પરંતુ પૂર્વ રાષ્ટ્રપતિ પ્રણવ મુખર્જીની પ્રશંસા પણ મેળવી ચૂક્યા છે.

    - તાજેતરમાં જ ડીજીપી એસઆર મરડીએ સારી સેવાઓ માટે તેમને ફર્સ્ટ ક્લાસ સર્ટિફિકેટથી પણ સન્માનિત કર્યા હતા.

    ઘરવાળાઓને ચા પીવડાવવા માટે રસ્તા પર ખોટી રીતે ઊભી કરી ગાડી, હટાવવા કહ્યું તો ગાળો આપી

    - રોહિતાશ ચંદીગઢમાં સેક્ટર-24 ચોકીના ઇન્ચાર્જ છે. રાકેશે જણાવ્યું કે તેમણે આ જગ્યાએ ગાડી ન ઊભી કરવા માટે રોહિતાશને કહ્યું. રોહિતાશ પરિવારના સભ્યોને ચા પીવડાવવા માટે સડક પર જ ખોટી રીતે ઊભી કરેલી ગાડીને હટાવવા માટે તૈયાર ન થયા.

    - જ્યારે ફરીવાર ગાડી હટાવવા માટે કહ્યું તો પહેલા તો તેણે ગાળો આપી અને પછી એક થપ્પડ મારી દીધો. થપ્પડ માર્યા પછી રાકેશ કુમારને ગળાથી પકડીને મારપીટ કરવાનો પ્રયત્ન કર્યો.
    - ત્યાં ઊભેલા લોકોએ વચ્ચે પડીને તેમને છોડાવ્યા. એવું કરવા પર લોકો એસઆઇની ધોલાઇ કરવા જઇ રહ્યા હતા પરંતુ તેમણે જાતે જ લોકોને આવું કરતા અટકાવ્યા.

    રવિવારે સાંજે ઘટી ઘટના

    - ઘટના રવિવાર સાંજની છે. શિમલા પોલીસના કોન્સ્ટેબલ રાકેશ કુમાર વિક્ટ્રી ટનલમાં ડ્યૂટી પર હતા. સાંજે 7.10 વાગે એક ઝાયલો ગાડી તારાદેવી તરફથી આવી.
    - ડ્રાઇવરે ગાડી વિક્ટ્રી હોટલની નીચે સડક પર ખોટી જગ્યાએ ઊભી કરી દીધી. તેમાં સવાર લોકો ચા લઇ રહ્યા હતા. ગાડીની સાથે બેથી ત્રણ ગાડીઓ બીજી પણ હતી.
    - ટ્રાફિક જામ ન થાય, એ માટે રાકેશે પહેલી ત્રણ ગાડીઓ હટાવી. ત્યારબાદ તેઓ ઝાયલો ગાડી પાસે પહોંચ્યા અને ગાડી હટાવવા માટે કહ્યું. તેમણે અપશબ્દો કહ્યા જેને અવગણીને પણ રાકેશે રિકવેસ્ટ કરી.
    - એસઆઇ ગાડીમાંથી ઉતર્યા અને ગાલ પર થપ્પડ જડી દીધો.

ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From National News

તમારો ઓપિનિયન પોસ્ટ કરો

લેટેસ્ટ કમેન્ટ્સ

તમારો પ્રશ્ન પોસ્ટ કરો

અનામિક ઉમેરોપ્રશ્ન ઉમેરો

લેખકને તમારો પ્રશ્ન મોકલો

અનામિક ઉમેરોપ્રશ્ન ઉમેરો

Trending