Home » National News » Latest News » National » SC rebuked central govt do you care for the Tajmahal becoming colorless

તમને બેરંગ થઇ રહેલા તાજમહેલની પરવા છે?- SCનો કેન્દ્રને સવાલ

Divyabhaskar.com | Updated - May 02, 2018, 10:42 AM

પ્રદૂષણના કારણે તાજમહેલના બેરંગ થવા પર મંગળવારે સુપ્રીમ કોર્ટે કેન્દ્ર સરકારને જબરદસ્ત ઠપકો આપ્યો

  • SC rebuked central govt do you care for the Tajmahal becoming colorless
    +1બીજી સ્લાઈડ્સ જુઓ
    સુપ્રીમ કોર્ટે સરકારને પૂછ્યું છે કે તમને બેરંગ તાજમહેલની પરવા છે? (ફાઇલ)

    નવી દિલ્હી: પ્રદૂષણના કારણે તાજમહેલના બેરંગ થવા પર મંગળવારે સુપ્રીમ કોર્ટે કેન્દ્ર સરકારને જબરદસ્ત ઠપકો આપ્યો. કોર્ટે પૂછ્યું, "શું તમને બેરંગ થઇ રહેલાતાજમહેલની કોઇ ચિંતા છે? શું તેના સંરક્ષણ માટે આપણે વિદેશી એક્સપર્ટ્સની મદદ લેવી પડશે?" કોર્ટે કેન્દ્ર અને એએસઆઇને નિર્દેશ આપ્યા છે કે તાજમહેલની વિશેષજ્ઞો પાસે તપાસ કરાવડાવીને રિપોર્ટ સોંપે. આગામી સુનાવણી 9 મેના રોજ થશે.

    એએસઆઇની બેદરકારીથી નુકસાન થઇ રહ્યું છે: અરજદાર

    - તાજમહેલને પ્રદૂષણ અને ઝેરીલા ગેસોથી બચાવવાની માંગ સાથે જોડાયેલી અરજી પર જસ્ટિસ મદન બી લોકુર અને દીપક ગુપ્તાની બેંચ સુનાવણી કરી રહી છે.

    - અરજદારે કહ્યું કે ભારતીય પુરાતાત્વિક સર્વેક્ષણ (એએસઆઇ)ની બેદરકારીથી તાજમહેલને નુકસાન થઇ રહ્યું છે. ફોટો બતાવીને તેમણે કહ્યું કે પહેલા તાજમહેલનો રંગ પીળો પડ્યો અને હવે તે ભૂરો અને લીલો થઇ રહ્યો છે. ફોટો જોઇને જસ્ટિસ લોકુરે કેન્દ્ર તરફથી હાજર થયેલા એએસજી એએનએસ નાડકર્ણીને પૂછ્યું કે તાજમહેલનો રંગ કેમ બદલાઇ રહ્યો છે?
    - તેમણે કહ્યું કે ઇમારતની જાળવણી અને તેનું સંરક્ષણ એ એએસઆઇની જવાબદારી છે. તેના પર નારાજગી દર્શાવતા જસ્ટિસ લોકુરે કહ્યું કે તમને બેરંગ તાજમહેલની પરવા છે કે તેના માટે આપણે વિદેશી એક્સપર્ટ્સની મદદ લેવી પડશે?

    - કેન્દ્રએ કહ્યું કે તે એએસઆઇ સાથે વિશેષજ્ઞો દ્વારા તાજમહેલની તપાસ કરાવડાવશે. તેના પર જસ્ટિસ લોકુરે કહ્યું કે અમને જાણ નથી કે તમારી પાસે એક્સપર્ટ્સ છે કે નહીં. જો છે તો તમે તેમનો ઉપયોગ નથી કરતા. જસ્ટિસ લોકુરે કેન્દ્ર અને એએસઆઇને નિર્દેશ આપ્યા કે તાજમહેલની સુંદરતા જાળવી રાખવા માટે યોગ્ય પગલાં ઉઠાવો. પ્રદૂષણથી થઇ રહેલા નુકસાનના આકલન અને બચાવના ઉપાયો શોધવા માટે એક્સપર્ટ્સ પાસે તપાસ કરાવો.

    યુપી વકફ બોર્ડે કર્યો હતો દાવો

    - એપ્રિલમાં તાજમહેલ પર માલિકી હક દર્શાવીને ઉત્તરપ્રદેશ સુન્ની વકફ બોર્ડે સુપ્રીમ કોર્ટમાં દાવો કર્યો હતો કે મુગલ બાદશાહ શાહજહાંએ બોર્ડના પક્ષમાં તેનું વકફનામું કર્યું હતું. તેના પર સુપ્રીમ કોર્ટે પુરાવા તરીકે શાહજહાંના હસ્તાક્ષર વાળા દસ્તાવેજો બતાવવા માટે કહ્યું. તાજમહેલ પર હકને લઇને સુન્ની વકફ બોર્ડ અને એએસઆઇની વચ્ચે વિવાદ ચાલી રહ્યો છે.

  • SC rebuked central govt do you care for the Tajmahal becoming colorless
    પ્રદૂષણના કારણે તાજમહેલ બેરંગ થવા પર મંગળવારે સુપ્રીમ કોર્ટે કેન્દ્ર સરકારને ઠપકો આપ્યો. (ફાઇલ)
ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From National News

Trending