Divya Bhaskar

Home » National News » Latest News » National » Ayodhya issue: SC decided next date for hearin

અયોધ્યા મામલોઃ સુપ્રીમમાં જમીયતે કહ્યું- બંધારણીય પીઠને સોંપાય કેસ

Divyabhaskar.com | Updated - Apr 27, 2018, 05:30 PM

ચીફ જસ્ટિસ દીપક મિશ્રાની અધ્યક્ષતામાં ત્રણ જજોની ખંડપીઠે 15 મેના રોજ આગામી સુનાવણી નક્કી કરી છે

  • Ayodhya issue: SC decided next date for hearin
    +1બીજી સ્લાઈડ્સ જુઓ
    સુપ્રીમ કોર્ટમાં અયોધ્યા મામલે સુનાવણીની આગામી તારીખ નક્કી થઈ ગઈ છે. (ફાઇલ)

    નવી દિલ્હીઃ સુપ્રીમ કોર્ટમાં અયોધ્યા મામલે સુનાવણીની આગામી તારીખ નક્કી થઈ ગઈ છે. ચીફ જસ્ટિસ દીપક મિશ્રાની અધ્યક્ષતામાં ત્રણ જજોની ખંડપીઠે 15 મેના રોજ આગામી સુનાવણી નક્કી કરી છે. રામ જન્મભૂમિ- બાબરી મસ્જિદ સ્વામિત્વને લઈને આ પહેલા 6 એપ્રિલે સુનાવણી માટે આજની તારીખ નક્કી કરવામાં આવી હતી. આ પહેલા સુપ્રીમ કોર્ટે મામલામાં કોઈ ત્રીજા પક્ષને સાંભળવાનો ઇન્કાર કરી દીધો હતો. કોર્ટે સ્પષ્ટ કહ્યું હતું કે તે પક્ષકારોને વાતચીત દ્વારા અયોધ્યા વિવાદના ઉકેલ માટે નહીં કહે. સુનાવણી દરમિયાન જમીયત ઉલેમા-એ-હિંદએ આ કેસને બંધારણીય પીઠ પાસે મોકલવાની માંગ કરી છે.

    ઉલેમા-એ-હિંદે શું કરી દલીલ


    - જમીયત તરફથી વકીલ રાજૂ રામચંદ્રને કહ્યું કે આ મુદ્દો ખૂબ જ મહત્વપૂર્ણ છે, તેના કારણે તેને બંધારણીય પીઠ પાસે મોકલવો જોઈએ.
    - તેઓએ એમ પણ કહ્યું કે હાઈકોર્ટે તેને અસાધારણ મહત્વવાળા કેસ તરીકે લીધો હતો, કાયદાના સવાલ પર નહીં.

    હરીશ સાલ્વેએ શું કહ્યું?


    - બીજી તરફ, હિંદુ પક્ષ તરફથી રજૂઆત કરી રહેલા વકીલ હરીશ સાલ્વેએ કહ્યું કે હવે દેશ 1992થી આગળ વધી ચૂક્યો છે. તેઓએ કહ્યું કે બે સંપ્રદાયોની વચ્ચેનો નહીં પરંતુ માત્ર સંપત્તિ વિવાદ રહી ગયો છે.
    - હરીશ સાલ્વેએ કહ્યું કે ધર્મ અને રાજકારણની ચર્ચા કોર્ટના દરવાજાની બહાર કરવી જોઈએ. તેઓએ કહ્યું કે કોર્ટ સંપત્તિ વિવાદ સાથે જોડાયેલા આ મામલાની ગંભીરતાને સમજે છે, તેથી જ તેની સુનાવણી કરી રહી છે.

    પહેલા કહ્યું હતું- વિવાદનો ઉકેલ પરસ્પર વાતચીત દ્વારા શોધવો જોઈએ

    - કોર્ટે પહેલા એવું નક્કી કરી રહી હતી કે આ ભૂમિ વિવાદના મુદ્દાને પાંચ સભ્યોની બંધારણીય પઠની પાસે મોકલવો જોઈએ કે નહીં. ચીફ જસ્ટિસ દીપક મિશ્રાની અધ્યક્ષતાવાળી ત્રણ સભ્યોની વિશેષ પીઠે કહ્યું હતું કે તે પક્ષકારોને આ વિવાદની વાતચીત દ્વારા સમાધાન કાઢવા માટે દબાણ ન કરી શકે.

    - અયોધ્યાવાસીઓના એક સમૂહે પીઠને કહ્યું હતું કે વિવાદનો ઉકેલ પરસ્પર વાતચીત દ્વારા શોધવો જોઈએ. તેની પર પીઠે કહ્યું હતું કે જો પક્ષકાર એકબીજા સાથે કોઈ કરાર કરવા માંગે છે તો તે કરી શકે છે પરંતુ અમે કંઈ નહીં કહીએ.
    - બીજી તરફ, સુપ્રીમ કોર્ટે આ પહેલા પણ સ્પષ્ટ કરી દીધું કે તે અયોધ્યા ભૂમિ વિવાદ મુદ્દે માત્ર પક્ષકારોને જ સાંભળશે. ત્રણ સભ્યોની પીઠે આ મામલામાં કોઈપણ ત્રીજા પક્ષને સામેલ કરવાનો ઇન્કાર કરી દીધો. પીઠે બીજેપી નેતા સુબ્રમણ્યમ સ્વામીની આ મામલામાં દખલ દેવાની અરજી પણ ઠુકરાવી દીધી હતી.

  • Ayodhya issue: SC decided next date for hearin
    અયોધ્યાવાસીઓના એક સમૂહે પીઠને કહ્યું હતું કે વિવાદનો ઉકેલ પરસ્પર વાતચીત દ્વારા શોધવો જોઈએ. (ફાઇલ)
ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From National News

Trending