Home » National News » Latest News » National » મહિલાઓ માટે આરક્ષિત ડબ્બો ગુલાબી હશે અને તે ટ્રેનની વચ્ચે લાગશેઃ રેલવે | Reserved coach for women will be placed in middle with pink colored: Railway

મહિલાઓ માટે આરક્ષિત ડબ્બો ગુલાબી હશે અને તે ટ્રેનની વચ્ચે લાગશેઃ રેલવે

Divyabhaskar.com | Updated - May 04, 2018, 09:58 PM

રેલવે મહિલાઓ માટે સ્ટેશન અને ટ્રેનોમાં અલગથી ટોઇલેટની સાથે ચેન્જિંગ રૂમ પણ બનાવશે.

  • મહિલાઓ માટે આરક્ષિત ડબ્બો ગુલાબી હશે અને તે ટ્રેનની વચ્ચે લાગશેઃ રેલવે | Reserved coach for women will be placed in middle with pink colored: Railway
    +1બીજી સ્લાઈડ્સ જુઓ
    રેલવે બોર્ડની મિટીંગમાં મહિલા પ્રવાસીઓની સુરક્ષા અંગે મળેલી બેઠકમાં અનેક મહત્ત્વના નિર્ણયો લેવાયા. ફાઇલ ફોટો.

    નવી દિલ્હીઃ રેલવે મહિલાઓ માટે આરક્ષિત ડબ્બાઓ (કોચ)ને ગુલાબી રંગથી રંગશે, જેથી પ્રવાસીઓ સરળતાથી ઓળખી શકે. ઉપરાંત, સુરક્ષા માટે હવે મહિલાઓ માટે કોચ ટ્રેનની વચ્ચે લગાવવામાં આવશે. હાલ આ ડબ્બા ટ્રેનની શરૂઆતમાં કે પછી છેલ્લે લગાવાય છે. તે ઉપરાંત રેલવે મહિલાઓ માટે સ્ટેશન અને ટ્રેનોમાં અલગથી ટોઇલેટની સાથે ચેન્જિંગ રૂમ પણ બનાવશે. શુક્રવારે રેલવે બોર્ડના ચેરમેનની અધ્યક્ષતામાં મહિલા પ્રવાસીઓની સુરક્ષા અંગે મળેલી બેઠકમાં અનેક મહત્ત્વના નિર્ણયો લેવાયા હતા.

    મહિલા સુરક્ષા વધારવાની શરૂઆત


    - ન્યુઝ એજન્સી અનુસાર, રેલ મંત્રાલયના સૂત્રોએ જણાવ્યું કે સબઅર્બન વિસ્તારોમાંથી પસાર થતી લાંબા અંતરની ટ્રેનોમાં મહિલાઓની સુરક્ષા માટે તેમનો કોચ ટ્રેનની આગળ કે પાછળના બદલે હવે વચ્ચે જોડવામાં આવશે. તે ઉપરાંત લેડીઝ કોચમાં સીસીટીવી અને બારીઓ પર જાળી પણ લગાવાશે. આ સાથે રેલવે સુરક્ષાને લગતા અન્ય ઉપાયો પણ કરવામાં આવશે.

    - હવે મહિલા કોચમાં તપાસ માટે જનારી ટીમમાં રેલવેની એક-બે મહિલા કર્મચારી પણ સામેલ થશે. પછી તે આરપીએફમાંથી હોય કે કોઇ ટિકિટ ચેકર. રેલવે મહિલાઓ માટે સ્ટેશન અને ટ્રેનોમાં સુવિધાઓ વધારશે. તેમાં અલગથી ટોઇલેટ અને ચેન્જિંગ રૂમનો સમાવેશ થાય છે.

    ત્રણ વર્ષમાં 100 સ્ટેશન મહિલાઓ ઓપરેટ કરશે


    - કમિટીએ એવો પણ નિર્ણય કર્યો છે કે આગામી 3 વર્ષમાં મહિલા સ્ટાફ દ્વારા ચલાવાતા સ્ટશનોની સંખ્યા 3થી વધારીને 100 કરાશે. તે માટે દરેક ઝોનમાં 10-10 સ્ટેશનોને ચિન્હિત કરવામાં આવશે.

  • મહિલાઓ માટે આરક્ષિત ડબ્બો ગુલાબી હશે અને તે ટ્રેનની વચ્ચે લાગશેઃ રેલવે | Reserved coach for women will be placed in middle with pink colored: Railway
    લેડીઝ કોચમાં સીસીટીવી અને બારીઓ પર જાળી પણ લગાવાશે. ફાઇલ ફોટો.
ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From National News

Trending