Divya Bhaskar

Home » National News » Latest News » National » Historical Red Fort in Delhi adopted by Dalmia group under adopt a heritage scheme of centre

ઐતિહાસિક લાલકિલ્લો ડાલમિયા ગ્રુપે લીધો દત્તક, 25 કરોડમાં થઇ ડીલ

Divyabhaskar.com | Updated - Apr 28, 2018, 11:24 AM

કેન્દ્ર સરકારની 'અડોપ્ટ અ હેરિટેજ' યોજના હેઠળ મુગલ બાદશાહ શાહજહાંએ બનાવડાવેલો લાલ કિલ્લો ડાલમિયા ગ્રુપે દત્તક લઇ લીધો છે

  • Historical Red Fort in Delhi adopted by Dalmia group under adopt a heritage scheme of centre
    +1બીજી સ્લાઈડ્સ જુઓ
    દેશભરના 100 ઐતિહાસિક સ્મારકો માટે સરકારે 'અડોપ્ટ અ હેરિટેજ' સ્કીમ સપ્ટેમ્બર 2017માં લોન્ચ કરી હતી. (ફાઇલ)

    નવી દિલ્હી: કેન્દ્ર સરકારની 'અડોપ્ટ અ હેરિટેજ' યોજના હેઠળ મુગલ બાદશાહ શાહજહાંએ બનાવડાવેલો ઐતિહાસિક લાલ કિલ્લો ડાલમિયા ગ્રુપે દત્તક લઇ લીધો છે. દેશની આ ઐતિહાસિક ધરોહરની જાળવણી માટે ડાલમિયા ગ્રુપે 25 કરોડ રૂપિયાની ડીલ કરી છે. આ રીતે ઐતિહાસિક સ્મારક દત્તક લેનાર તે ભારતનું પહેલું કોર્પોરેટ હાઉસ બની ગયું છે. મીડિયા રિપોર્ટ્સ પ્રમાણે, ડાલમિયા ગ્રુપે આ કોન્ટ્રાક્ટ 5 વર્ષ માટે ઇન્ડિગો એરલાઇન્સ અને જીએમઆર ગ્રુપને હરાવીને જીત્યો છે.
    'અડોપ્ટ અ હેરિટેજ' સ્કીમ સપ્ટેમ્બર 2017માં લોન્ચ થઇ હતી
    - લાલ કિલ્લા પછી 'અડોપ્ટ અ હેરિટેજ' હેઠળ ટુંક સમયમાં જ તાજમહેલને દત્તક લેવાની પ્રક્રિયા પણ પૂરી થઇ જશે. તાજમહેલને દત્તક લેવા માટે જીએમઆર સ્પોર્ટ્સ અને આઇટીસી છેલ્લા તબક્કામાં છે.
    - સરકારે 'અડોપ્ટ અ હેરિટેજ' સ્કીમ સપ્ટેમ્બર 2017માં લોન્ચ કરી હતી. દેશભરના 100 ઐતિહાસિક સ્મારકો માટે આ સ્કીમ લાગુ કરવામાં આવી છે.
    - ડાલમિયા ગ્રુપ શક્યતઃ 23 મેથી કામ પણ શરૂ કરવાની પ્રક્રિયામાં લાગી જશે. જોકે, 15 ઓગસ્ટથી વડાપ્રધાન નરેન્દ્ર મોદીના ભાષણ પહેલા જૂલાઈમાં ડાલમિયા ગ્રુપને લાલકિલ્લો ફરીથી સિક્યોરિટી એજન્સીઓને આપી દેવો પડશે. ત્યારબાદ ગ્રુપ લાલકિલ્લાને પોતાના હાથમાં લઇ લેશે.
    - ઉલ્લેખનીય કે ભારતને આઝાદી મળ્યા પછી દર વર્ષે 15 ઓગસ્ટના રોજ સ્વતંત્રતા દિવસે દેશના વડાપ્રધાન ત્રિરંગો લહેરાવીને આઝાદીનો જશ્ન મનાવે છે. લાલકિલ્લા પરથી વડાપ્રધાન દેશને સંબોધન કરે છે.

    5 વર્ષ માટે મળ્યો છે કોન્ટ્રાક્ટ

    - લાલકિલ્લાનો કોન્ટ્રાક્ટ લઇને ડાલમિયા ભારત ગ્રુપ, ટુરિઝમ મિનિસ્ટ્રી, આર્કિયોલોજી સર્વે ઓફ ઇન્ડિયાની વચ્ચે 9 એપ્રિલના રોજ ડીલ થઇ. ગ્રુપે 6 મહિનામાં લાલકિલ્લામાં સુવિધાઓ આપવી પડશે.

    - તેમાં પીવાના પાણીની સુવિધા, સ્ટ્રીટ ફર્નિચર જેવી સુવિધાઓ સામેલ છે. તેમણે કહ્યું, 'લાલકિલ્લો અમને શરૂઆતના 5 વર્ષ માટે મળ્યો છે. કોન્ટ્રાક્ટ પછી વધારવામાં આવી પણ શકે છે. દરેક પ્રવાસી અમારા માટે એક કસ્ટમર હશે અને તેને તે જ રીતે વિકસિત કરવામાં આવશે. અમારો પ્રયત્ન હશે કે પ્રવાસીઓ અહીંયા ફક્ત એક જ વાર નહીં પરંતુ વારંવાર ન આવે.'

  • Historical Red Fort in Delhi adopted by Dalmia group under adopt a heritage scheme of centre
    લાલ કિલ્લા પછી 'અડોપ્ટ અ હેરિટેજ' હેઠળ ટુંક સમયમાં જ તાજમહેલને દત્તક લેવાની પ્રક્રિયા પણ પૂરી થઇ જશે. (ફાઇલ)
ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From National News

Trending