Home » National News » Desh » Rasgulla worth rupees 25 thousand stolen from a store in Bihar

થઇ એક અનોખી ચોરી, 25,000 રૂપિયાના રસગુલ્લા લઇને ચોર થયા ફરાર

Divyabhaskar.com | Updated - May 10, 2018, 01:27 PM

દુકાનદારે જ્યારે સવારે દુકાન ખોલી તો અંદરનો હાલ જોઇને તેના હોશ ઉડી ગયા

  • Rasgulla worth rupees 25 thousand stolen from a store in Bihar
    +1બીજી સ્લાઈડ્સ જુઓ
    ચોર પચ્ચીસ હજાર રૂપિયાના રસગુલ્લા ચોરીને ફરાર થઇ ગયા છે. (ફાઇલ)

    પટના: આજ સુધી તમે ઘરેણા, રૂપિયા અને અન્ય કીમતી સામાનોની ચોરીની ખબર સાંભળી હશે, પરંતુ રસગુલ્લાની પણ ચોરી થઇ શકે, એવું પહેલીવાર સાંભળ્યું હશે. બિહારમાં આવી એક વિચિત્ર ચોરીનો મામલો સામે આવ્યો છે. મળતી માહિતી પ્રમાણે, ચોર પચ્ચીસ હજાર રૂપિયાના રસગુલ્લા ચોરીને ફરાર થઇ ગયા છે. આ વાત પર પહેલા તો લોકોને વિશ્વાસ જ ન થયો. પરંતુ, જ્યારે અસલિયત સામે આવી તો તમામ લોકો ચોંકી ગયા.

    શું છે મામલો

    - આ ઘટના બિહારના ગયા જિલ્લાની છે. ગયા જિલ્લાના સિવિલ લાઇન્સ પોલીસ સ્ટેશન વિસ્તારના શાહમીર તકિયા મોહલ્લામાં શ્રીશંકર મિષ્ટાન્ન ભંડારમાં સોમવારે રાતે ચોરી થઇ.

    - ચોરોએ દુકાનમાં રાખેલા રૂપિયા-પૈસા તો ચોરી જ લીધા, સાથે જ તે એક ગ્રાહકના ઓર્ડર પર બનાવીને રાખેલા 25,000 રૂપિયાના રસગુલ્લા પણ સાથે લઇ ગયા.
    - જણાવવામાં આવી રહ્યું છે કે ચોરોએ દુકાનની છત પર લાગેલા એસબેસ્ટસને હટાવ્યું અને પછી દુકાનમાં ઘૂસ્યા. દુકાનમાં રાખેલા 20-25 હજારના રસગુલ્લા ચોર્યા અને પછી ફરાર થઇ ગયા.
    - એટલું જ નહીં, ચોરોએ ફ્રિઝરમાં રાખેલી કોલ્ડ ડ્રિંક્સની બોટલો પણ પોતાની સાથે લઇ ગયા. કેશબોક્સમાં રાખેલા 10 હજાર રૂપિયા પણ પોતાની સાથે લઇ ગયા.

    દુકાનદારે દુકાન ખોલી તો ઉડ્યા હોશ

    - દુકાનદારે જ્યારે સવારે દુકાન ખોલી તો અંદરનો હાલ જોઇને તેના હોશ ઉડી ગયા. તેણે જોયું કે દુકાનની ઉપરની છત તૂટેલી છે. લગ્નના ઓર્ડરના હજારો રસગુલ્લાઓ અને કોલ્ડ ડ્રિંક્સની ડઝન જેટલી બોટલો પણ ગાયબ છે.

    - ત્યારબાદ દુકાન માલિક શંકરપ્રસાદ પોલીસ સ્ટેશન પહોંચ્યા અને પોલીસને ઘટનાની જાણકારી આપી. કહ્યું કે આજ સુધી મેં સોના-ચાંદી અને રૂપિયાની ચોરીની વાત સાંભળી હતી, પરંતુ રસગુલ્લાની ચોરી જોઇને હું પણ અચંબામાં છું.
    - સિવિલ લાઇન પોલીસ સ્ટેશનના ઇન્ચાર્જ હરિ ઓઝાએ જણાવ્યું કે દુકાનમાંથી રસગુલ્લાની ચોરીનો મામલો નોંધવામાં આવ્યો છે. આખા મામલાની તપાસ કરવામાં આવી રહી છે.

  • Rasgulla worth rupees 25 thousand stolen from a store in Bihar
    લગ્નના ઓર્ડરના હજારો રસગુલ્લાઓ અને કોલ્ડ ડ્રિંક્સની ડઝન જેટલી બોટલો પણ ગાયબ છે. (ફાઇલ)
ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From National News

Trending