Home » National News » Latest News » National » Became fool backing Modi before 2014 polls sayd Ram Jethmalani

2014માં મોદીને ટેકો આપી મૂર્ખ બન્યો, કાળા ધન પર જેઠમલાણીની ભડાસ

Divyabhaskar.com | Updated - May 07, 2018, 06:51 PM

દેશના જાણીતા વકીલ રામ જેઠમલાણીએ કાળા ધન વિરૂદ્ધ કાર્યવાહી ન કરવા પર મોદી સરકાર પર પ્રહાર કર્યાં.

  • Became fool backing Modi before 2014 polls sayd Ram Jethmalani
    +1બીજી સ્લાઈડ્સ જુઓ

    બેંગલુરુઃ દેશના જાણીતા વકીલ રામ જેઠમલાણીએ કાળા ધન વિરૂદ્ધ કાર્યવાહી નહિ કરવા બદલ મોદી સરકારને આડે હાથ લીધી છે. બેંગલુરુમાં સોમવારે એક કાર્યક્રમ દરમિયાન તેઓએ કહ્યું કે નરેન્દ્ર મોદીએ કાળું ધન પરત લાવવાનો વિશ્વાસ આપ્યો હતો, તેથી 2014માં ચૂંટણીમાં મેં વડાપ્રધાન માટે તેમનું સમર્થન આપ્યું હતું. જેઠમલાણીએ કહ્યું કે મને બાદમાં ખ્યાલ આવ્યો કે કાળાધન પર વડાપ્રધાનનો વાયદો પૂરી રીતે ખોખલો હતો અને હું મૂર્ખ બની ગયો.

    વિદેશી બેંકોમાં 90 લાખ કરોડ કાળુ ધન


    - બેંગલુરુ પ્રેસ કલબના કાર્યક્રમમાં જેઠમલાણીએ કહ્યું, "દેશના 1400 અમીરોના 90 લાખ કરોડ કાળા નાણાં વિદેશી બેંકોમાં જમા છે. હું તેના વિરૂદ્ધ 2009થી લડાઈ લડી રહ્યો છું. થોડાં વર્ષો પહેલાં નરેન્દ્ર મોદી અને ભાજપ અધ્યક્ષ અમિત શાહ પાસેથી મદદ માંગી હતી ત્યારે બંને નેતાઓ મને મળવા મારા ઘરે પણ આવ્યા હતા."
    - "તેઓએ કાળા નાણાં વિરૂદ્ધ લડાઈમાં મારો સાથ આપવાની વાત કરી હતી. કેમકે બંને નેતાઓ પર હત્યાના કેસ ચાલી રહ્યાં હતા અને તેઓ ઈચ્છતા હતા કે હું તેમની મદદ કરૂ અને તેઓને આ મામલામાંથી બહાર કાઢું."

    જીત મેળવ્યાં પછી મને લડાઈ રોકવાનું કહ્યું


    - જેઠમલાણીએ દાવો કર્યો કે, "2014માં ભાજપની સરકાર બની અને બંને નેતાઓએ પરોક્ષ રીતે મને કહેવાનું શરૂ કર્યું દીધું કે તમે કાળા ધન વિરૂદ્ધ ચલાવી રહેલી લડાઈને બંધ કરો. ત્યારે મને અહેસાસ થયો કે નરેન્દ્ર મોદી અને ભાજપનું સમર્થ કરી મેં મૂર્ખતાપૂર્ણ નિર્ણય લીધો હતો."
    - "હું કાળા ધન વિરૂદ્ધ મારી લડાઈ યથાવત રાખીશ. સુપ્રીમ કોર્ટમાં મારા તરફથી કરવામાં આવેલા કેસની સુનાવણી 15 જુલાઈ નક્કી થઈ ગઈ છે. જર્મની સ્વિટ્ઝરલેન્ડ કાળા ધનવાળાઓની યાદી આપવા તૈયાર છે. પણ હાલની સરકાર આ અંગે યોગ્ય નિર્ણય નથી લઈ શકતી."

    જનતા ચૂંટણીમાં ભાજપને પાઠ ભણાવશે


    - જેઠમલાણીએ કહ્યું કે, "હવે સમય આવી ગયો છે કે જનતા મોદી અને શાહને પાઠ ભણાવશે. કર્ણાટક વિધાનસભા ચૂંટણીમાં ભાજપને હરાવો. તેમને 2019ની લોકસભા ચૂંટણીમાં પણ હાર મળશે. હું ભાજપના બંને નેતાઓના જૂઠાંણાઓનો પર્દાફાશ કરવા બેંગલુરુ આવ્યો છું. હવે જનતા કર્ણાટક અને આગામી વર્ષે થનારી સામાન્ય ચૂંટણીમાં ભાજપને પાઠ ભણાવશે."
    - રામ જેઠમલાણી ભાજપના નેતા રહી ચૂક્યાં છે અને સાંસદ પણ હતા. પરંતુ પાર્ટી વિરૂદ્ધ નિવેદનબાજીના કારણે તેમને કાઢી મૂકવામાં આવ્યા હતા.

  • Became fool backing Modi before 2014 polls sayd Ram Jethmalani
ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From National News

Trending