Divya Bhaskar

Home » National News » Latest News » National » Rajnath Singh said Security forces killed 619 terrorists in last 4 years

સુરક્ષાદળોએ 4 વર્ષમાં 619 આતંકી માર્યા, 85% ઘૂસણખોરી ઘટી: રાજનાથ

Divyabhaskar.com | Updated - May 29, 2018, 06:04 PM

ગૃહમંત્રી રાજનાથ સિંહે કેન્દ્ર સરકારના ચાર વર્ષ પૂરા થવાના અવસરે મંગળવારે મંત્રાલય સાથે જોડાયેલી ઉપલબ્ધિઓ જણાવી

  • Rajnath Singh said Security forces killed 619 terrorists in last 4 years
    +1બીજી સ્લાઈડ્સ જુઓ
    ગૃહમંત્રીએ કહ્યું કે જવાનોની શહાદતની કિંમત પૈસાથી ન લગાવી શકાય.

    નવી દિલ્હીઃ ગૃહમંત્રી રાજનાથ સિંહે કેન્દ્ર સરકારના ચાર વર્ષ પૂરા થવાના અવસરે મંગળવારે મંત્રાલય સાથે જોડાયેલી ઉપલબ્ધિઓ જણાવી. તેઓએ કહ્યું કે 4 વર્ષના કાર્યકાળમાં સુરક્ષાદળોએ 619 આતંકીઓને ઠાર માર્યા, અગાઉની સરકારમાં આ આંકડો 471 હતો. રાજનાથ સિંહે કહ્યું કે, તેમની સરકારમાં પૂર્વોત્તરમાં ઘૂસણખોરી અટકી છે. છેલ્લા બે દાયકાથી થતી ઘૂસણખોરીની ઘટનાઓમાં 85% સુધી ઘટાડો નોંધાયો છે.

    શહાદતની કિંમત પૈસાથી ન લગાવી શકાય

    - જવાનોની શહાદતને લઈ ગૃહમંત્રીએ કહ્યું કે, એ સાચું છે કે આતંકીઓ સાથેના એન્કાઉન્ટર દરમિયાન જવાન શહીદ થયા છે. જવાનોની શહાદતની કિંમત પૈસાથી ન લગાવી શકાય. જોકે, અમે શહીદ જવાનોના પરિવારને અપાતી આર્થિક મદદ 50 લાખ રૂપિયાથી વધારીને એક કરોડ કરી દીધી છે.

    - તેઓએ કહ્યું કે આતંકી ઘટનાઓમાં જવાનો અને નાગરિકોના મોતની સંખ્યામાં 1997 કરતાં 2017માં 96%નો ઘટાડો થયો છે.

    સુરક્ષાદળોના હાથોને બાંધ્યા નથી

    રાજનાથ સિંહે કહ્યું કે, કાશ્મીરમાં આતંકીઓ સાથે સીઝફાયર નથી થયું. માત્ર રમઝાન દરમિયાન અમે ઓપરેશન બંધ કર્યું છે. હું એ વાત સ્પષ્ટ કરી દઉં કે ક્યાંય પણ આતંકી ઘટના થાય છે તો અમે ઓપરેશન ફરી શરૂ કરીશું. અમે સુરક્ષાદળોના હાથ ક્યારેય બાંધ્યા નથી.

    ચાર વર્ષોમાં નક્સલવાદની ઘટનાઓમાં ઘટાડો થયો

    - ગૃહમંત્રીએ કહ્યું કે, 1997થી લઈને 2017 સુધીની વાત કરીએ તો ઘૂસણખોરીની ઘટનાઓમાં 85% ઘટાડો થયો છે. બીજી તરફ, નક્સલી ઘટનાઓમાં પણ ઘણી ઘટી છે. ચાર વર્ષોમાં દેશભરમાં 1,481 નક્સલી ઘટનાઓ સામે આવી છે, જે અગાઉની સરકારના ચાર વર્ષ દરમિયાન 2,418 હતી. વર્ષ 2013માં નક્સલવાદ દેશના 76 જિલ્લાઓમાં ફેલાયેલો હતો પરંતુ છેલ્લા ચાર વર્ષોમાં તે 58 જિલ્લા સુધી સિમિત થઈ ગયો છે.

  • Rajnath Singh said Security forces killed 619 terrorists in last 4 years
    ગૃહમંત્રીએ કહ્યું કે જવાનોની શહાદતની કિંમત પૈસાથી ન લગાવી શકાય.
ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From National News

તમારો ઓપિનિયન પોસ્ટ કરો

લેટેસ્ટ કમેન્ટ્સ

તમારો પ્રશ્ન પોસ્ટ કરો

અનામિક ઉમેરોપ્રશ્ન ઉમેરો

લેખકને તમારો પ્રશ્ન મોકલો

અનામિક ઉમેરોપ્રશ્ન ઉમેરો

Trending