Home » National News » Desh » સાપને પકડી હેરાન કરનાર યુવકને મોઢામાં ડંખ માર્યો | Snake bites man on his mouth

સાપને પકડીને યુવક પોતાના મોઢામાં નાખીને અંદર-બહાર કરતો હતો, ત્યારે જ સાપે લઈ લીધો બદલો

Divyabhaskar.com | Updated - May 18, 2018, 06:23 PM

સ્કૂટીમાંથી સાપ પકડીને બહાર કાઢી દીધો અને ભીડનું ધ્યાન આકર્ષિત કરવા માટે તે સાપને ગળામાં નાખીને આમ-તેમ ફરવા લાગ્યો હતો.

  • વીડિયોમાં પોતાની બહાદુરી દર્શાવવા માટે ઘણી વાર સુધી ચાલતો-ચાલતો સાપના મોંને પોતાના મોંમાં નાખીને અંદર-બહાર કરવા લાગ્યો

    મકરાના (નાગૌર/રાજસ્થાન): એક સાપને પકડીને હેરાના કરનારા એક યુવકને મોંઘું પડી ગયું છે. સાપે યુવકના હોઠ પર ડંખ માર્યો. જેના કારણે તેને ગંભીર અવસ્થામાં ઈલાજ માટે અજમેરની જેએલએન હોસ્પિટલમાં દાખલ કરવામાં આવ્યો છે. મળતી જાણકારી મુજબ, મંગળવાર સાંજે 5 વાગ્યે શહેરના પુલિયા ફાટકની પાસે ઊભેલા એક સ્કૂટીમાં સાપ ઘૂસી ગયો હતો. હોબાળો થતા મકરાનાનો રહેવાસી કૈલાશ સાથીઓ સાથે ત્યાં પહોંચી ગયો.

    દોસ્તો ઉશ્કેરતા રહ્યા અને તે સાપ સાથે રમતો રહ્યો


    તેણે સ્કૂટીમાંથી સાપ પકડીને બહાર કાઢી દીધો અને ભીડનું ધ્યાન આકર્ષિત કરવા માટે તે સાપને ગળામાં નાખીને આમ-તેમ ફરવા લાગ્યો. તેણે સાપના મોંને દબાવી રાખ્યું હતું. ત્યારબાદ તે સાથીઓની સાથે મોહલ્લામાં પહોંચ્યો અને ત્યાં તેને સાથીઓએ સાપને પકડવાનો કિસ્સો વધારી-ચઢાવીને સંભળાવવાનું શરૂ કર્યું. કેટલાક મોટેરાઓએ તેને સાપને હેરાન કરવા અને જંગલમાં છોડવાની સલાહ આપી. આ વાત પર ધ્યાન ન આપતા તે સાપને ગળામાં નાખી ફરવા લાગ્યો.

    આ દરમિયાન તેના સાથીઓએ સાપની સાથે વીડિયો બનાવીને અને તેને સોશિયમ મીડિયા પર અપલોડ કરવાની સલાહ આપી. ત્યારબાદ કૈલાશ ઘણો ઉત્સાહમાં આવી ગયો અને તે વીડિયોમાં પોતાની બહાદુરી દર્શાવવા માટે ઘણી વાર સુધી ચાલતો-ચાલતો સાપના મોંને પોતાના મોંમાં નાખીને અંદર-બહાર કરવા લાગ્યો. હાથમાં પકડાયેલા સાપને જેવી તક મળી કે તેણે કૈલાશના હોઠ પર ડંખ મારી દીધો. સાપ કરડતા જ તેને આભાસ થઈ ગયો કે અને તેણે નાટકીય રીતે પોતાના સાથીઓને તેની વાત જણાવી. તેની પર સાથીઓએ સાપને તરત જ છોડવાની સલાહ આપી. તેથી કૈલાશે સાપને વધુ હેરાન કરવાને બદલે તેને ખુલ્લી જગ્યામાં છોડી દીધો.

    યુવક ઘરે પહોંચે તે પહેલા જ બગડી તબીયત


    ઘર પહોંચતા પહેલા જ કૈલાશની તબીયત બગડવાની શરૂ થઈ ગઈ. તેની પર પરિવારે તથા પડોશીઓએ તેને તાત્કાલિક સરકારી હોસ્પિટલ પહોંચાડ્યો. ડોક્ટરોએ તેને એન્ટી સ્નેક બાઇટ વેક્સીનની ડ્રિપ ચઢાવીને તેને પ્રાથમિક ઉપચાર આપ્યો અને ત્યારબાદ તેને અજમેર માટે રેફર કરી દીધો. જેએલએન હોસ્પિટલ અજમેરમાં દાખલ કૈલાશની સ્થિતિ હાલમાં સુધારા ઉપર હોવાનું જાણવા મળ્યું છે.

    સંબંધિત સ્ટોરીના વધુ ફોટા માટે આગળની સ્લાઈડ પર ક્લિક કરો

  • સાપને પકડી હેરાન કરનાર યુવકને મોઢામાં ડંખ માર્યો | Snake bites man on his mouth
    હાથમાં પકડાયેલા સાપને જેવી તક મળી કે તેણે કૈલાશના હોઠ પર ડંખ મારી દીધો
ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From National News

Trending