Home » National News » Latest News » National » પેટ્રોલ-ડીઝલના ભાવમાં 1 પૈસાના ઘટાડાને લઈને રાહુલે કટાક્ષ કર્યો | Rahul Gandhi commented Modi on price of Petrol and Diesel but by 1 paisa

મારી ફ્યૂલ ચેલેન્જ પર 1 પૈસાનો ઘટાડો બાલિશ હરકતઃ રાહુલનો કટાક્ષ

Divyabhaskar.com | Updated - May 30, 2018, 05:36 PM

રાહુલે કહ્યું કે જો 1 પૈસાનો ઘટાડો મારી ચેલેન્જનો જવાબ આપવા માટે કરવામાં આવ્યો છે તો તે યોગ્ય નથી.

  • પેટ્રોલ-ડીઝલના ભાવમાં 1 પૈસાના ઘટાડાને લઈને રાહુલે કટાક્ષ કર્યો | Rahul Gandhi commented Modi on price of Petrol and Diesel but by 1 paisa
    +1બીજી સ્લાઈડ્સ જુઓ
    રાહુલે પેટ્રોલ-ડીઝલના ભાવમાં 1 પૈસાના ઘટાડા પર લખ્યું કે- જો આ તમારી મજાક છે તો બાળક જેવી હરકત અને એકદમ ગંદી મજાક છે (ફાઈલ)

    નવી દિલ્હીઃ કોંગ્રેસ અધ્યક્ષ રાહુલ ગાંધીએ ઈંધણની કિંમતોમાં બુધવારે 1 પૈસાના ઘટાડાને લઈને નરેન્દ્ર મોદી પર કટાક્ષ કર્યો છે. રાહુલે કહ્યું કે જો 1 પૈસાનો ઘટાડો મારી ચેલેન્જનો જવાબ આપવા માટે કરવામાં આવ્યો છે તો તે યોગ્ય નથી. તે એક બાળકો જેવી હરકત છે. 24 મેનાં રોજ રાહુલ ગાંધીએ મોદીને પેટ્રોલ-ડીઝલના ભાવ ઘટાડવાનો પડકાર ફેંક્યો હતો.

    એક પૈસો શું હોય છેઃ રાહુલ


    - રાહુલ ગાંધીએ બુધવારે ટ્વીટ કરી કહ્યુ કે, "તમે આજે પેટ્રોલ-ડીઝલની કિંમતોમાં 1 પૈસાનો ઘટાડો કર્યો છે. એક પૈસો? જો આ તમારી મજાક છે તો બાળક જેવી હરકત અને એકદમ ગંદી મજાક છે."
    - તેઓએ આગળ લખ્યું કે, "1 પૈસાનો ઘટાડો જો મારા ગત સપ્તાહે આપેલાં પડકાર બાદ કરાયો છે તો આ યોગ્ય રિસ્પોલન્સ નથી."

    16 દિવસ સુધી ભાવો વધ્યાં બાદ 17મા દિવસે થયો 1 પૈસાનો ઘટાડો

    - સામાન્ય લોકોને 16 દિવસ પછી પેટ્રોલ-ડીઝલના ભાવમાં કંઇક રાહત મળવાની અપેક્ષા હતી. ઇન્ડિયન ઓઇલ કોર્પોરેશન બુધવારે સવારે મહાનગરોના આંકડાઓ જાહેર કર્યા. તે મુજબ પેટ્રોલ અને ડીઝલ મહત્તમ 60 અને 63 પૈસા સુધી સસ્તું જણાવ્યું હતું. પરંતુ કંપનીના આ આંકડા ખોટા હતા. સવારે લગભગ 11 વાગે કંપનીએ પોતાના નિવેદનમાં કહ્યું કે પેટ્રોલ અને ડીઝલ માત્ર 1 પૈસા પ્રતિ લિટર સસ્તું થયું છે. ઉલ્લેખનીય છે કે આ પહેલા સતત 16 દિવસ સુધી પેટ્રોલ-ડીઝલના ભાવોમાં વધારો થયો છે. ગત દિવસોમાં પેટ્રોલ 4 રૂપિયા/લિટર અને ડીઝલ 3.62 રૂપિયા સુધી મોંઘું થઇ ગયું હતું.

    - ગત દિવસોમાં ક્રુડ સસ્તુ થયું છે. 23 મેનાં રોજ ક્રુડ ઓઈલ 80 ડોલર નજીક હતું. જે હવે ઘટીને 75 ડોલર પ્રતિ બેરલની નીચે પહોંચી ગયું છે.

    શું હતી રાહુલની ચેલેન્જ?


    - મોદીના મંત્રી રાજ્યવર્ધન રાઠોડે ફિટનેસ ચેલેન્જ વિરાટ કોહલીને મોકલી હતી જે તેને સ્વીકારી એક વીડિયો શેર કર્યો હતો અને વડાપ્રધાનને ચેલેન્જ આપી હતી. જેનો મોદીએ ટ્વીટ કરી સ્વીકાર કર્યો હતો.
    - જે બાદ કોંગ્રેસે મોદી સરકાર પર પ્રહારો કર્યા હતા. મોદીને ફ્યુલ ચેલેન્જ આપતાં રાહુલે કહ્યું હતું કે તમે કિંમત ઘટાડો, નહીંતર કોંગ્રેસ તમને એવું કરવા મજબૂર કરી દેશે.

    સંબંધિત સ્ટોરીના વધુ ફોટા માટે આગળની સ્લાઈડ પર ક્લિક કરો

  • પેટ્રોલ-ડીઝલના ભાવમાં 1 પૈસાના ઘટાડાને લઈને રાહુલે કટાક્ષ કર્યો | Rahul Gandhi commented Modi on price of Petrol and Diesel but by 1 paisa
    રાહુલ ગાંધીએ ટ્વીટ કરી મોદી પર કટાક્ષ કર્યો
ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From National News

તમારો ઓપિનિયન પોસ્ટ કરો

લેટેસ્ટ કમેન્ટ્સ

તમારો પ્રશ્ન પોસ્ટ કરો

અનામિક ઉમેરોપ્રશ્ન ઉમેરો

લેખકને તમારો પ્રશ્ન મોકલો

અનામિક ઉમેરોપ્રશ્ન ઉમેરો

Trending