રતલામ (મધ્યપ્રદેશ): દુલ્હને કહ્યું, મેં તો સપનામાં પણ નહોતું વિચાર્યું કે મારો પતિ હેલિકોપ્ટરમાં આવશે. હા, શહેરના એક ગરીબ પરિવારની દીકરી જ્યારે હેલિકોપ્ટરમાં વિદાય થઇ તો લોકોની આંખો ભરાઇ આવી. બધાના મોઢામાં એક જ વાક્ય હતું, દીકરી બહુ નસીબદાર છે. દુલ્હન શાહિસ્તાની માતાએ જણાવ્યું, કેવી રીતે નક્કી થયો આ સંબંધ.
વરરાજા આસિફ હેલિકોપ્ટરમાં નિકાહ કરવા આવ્યો
- રતલામ જિલ્લાની પઠાનટોલી વિસ્તારના તંગ ગલિયારામાં નળિયાવાળા ઘરમાં શાહિસ્તાનો પરિવાર રહે છે.
- શાહિસ્તાની માતા આસિફ બીએ જણાવ્યું, મારા પતિ વાહિદ ખાન સામાન્ય ફળ વિક્રેતા છે અને હું ઘરખર્ચ ચલાવવા સિલાઇકામ કરું છું.
- 27 માર્ચે દીકરીના નિકાહ થયા. તેનો પતિ રાજસ્થાનનો છે. મારી દીકરી સાચે જ નસીબદાર છે કે આટલા મોટા ઘરની વહુ બનીને જઇ રહી છે.
- મેટ્રિક પાસ શાહિસ્તાનું કહેવું છે, મેં તો સપનામાં પણ નહોતું વિચાર્યું કે મારી સાથે નિકાહ કરવા કોઇ હેલિકોપ્ટરથી આવશે. ખુદાએ મને માંગ્યા વગર જ દુનિયાભરની ખુશીઓ આપી દીધી.
- સોમવારે વરરાજા આસિફ હેલિકોપ્ટરમાં નિકાહ કરવા આવ્યો અને મંગળવારે સવારે 9 વાગે દુલ્હનની સાથે સુકેત (કોટા) જવા માટે ઉડાન ભરી.
50થી વધુ છોકરીઓ જોઇ ચૂક્યો હતો વેપારી પરિવાર, એક પળમાં નક્કી થયો સંબંધ
- આસિફ બીએ જણાવ્યું કે શાહિસ્તાની સગાઇ 3 વર્ષ પહેલા રાજસ્થાનના કોટા જિલ્લામાં થયા હતા.
- દીકરીના સસરા, આરિફ ખાન ખનિજના વેપારી છે, જ્યારે જમાઇ હાજી આસિફ બિઝનેસમાં તેમને મદદ કરે છે.
- તેમણે જણાવ્યું કે, ત્રણ વર્ષ પહેલા હું મુગલપુરા (કોટા)માં બહેનને મળવા તેના ઘરે ગઇ હતી.
- ત્યાં પાડોશમાં રહેતી રેહાના બી (હવે નાની સાસુ) શાહિસ્તાને જોઇને કહ્યું આટલી સુશીલ, સુંદર છોકરી મને પહેલા કેમ ન દેખાઇ.
- તેમણે સુકેતમાં રહેતા તેમના જમાઇ આરિફ ખાનના દીકરા સાથે શાહિસ્તાના લગ્નની વાત ચલાવી. પછી સુકેતથી આસિફ ખાન અને તેમના માતા ફૈમિદા બી મુગલપુરામાં મારી દીકરીને જોવા આવ્યા. તેમણે પણ પહેલી નજરે જ શાહિસ્તાને પસંદ કરી લીધી.
- ત્યારે રેહાના બીએ જણાવ્યું કે તારી દીકરી બહુ ખુશનસીબ છે. આ લોકો અત્યાર સુધી 50થી વધુ છોકરીઓ જોઇ ચૂક્યા છે, પરંતુ પહેલીવારમાં આ સંબંધ નક્કી થઇ ગયો.
આગળની સ્લાઇડમાં વાંચો, અમીરી-ગરીબીની કરી હતી વાત, પરંતુ તેઓ બહુ સારા લોકો નીકળ્યા
અમીરી-ગરીબીની કરી હતી વાત, પરંતુ તેઓ બહુ સારા લોકો નીકળ્યા
- શાહિસ્તાની મા આસિફ બી જણાવે છે, "સંબંધની વાત શરૂ થઇ અને તેઓ સુકેત પહોંચ્યા ત્યારે જાણ થઇ કે આસિફ અને તેમના પિતા આરિફ ખાન બહુ મોટા વેપારી છે.
- ઠાઠ-બાઠ જોઇને મેં કહ્યું તમે રહ્યા અમીર અને અમે ગરીબ છીએ. અમારી પાસે તો રહેવા માટે ઘર પણ ન હતું. જેમ-તેમ કરીને મારા માતા-પિતાએ બે રૂમનું ઘર બનાવડાવી દીધું. તેના પર પણ નળિયા ઢાંકેલા છે. હું સિલાઇકામ કરું છું અને પતિ ફળની લારી ચલાવે છે. એવામાં સંબંધ કેવી રીતે થશે."
- આટલું સાંભળીને આસિપ અને તેમના માતા-પિતાએ કહ્યું, "અમને અમીરી-ગરીબીથી કોઇ મતલબ નથી. અમને શાહિસ્તા પસંદ છે, બીજું કંઇ નથી જોઇતું." આ રીતે સંબંધ નક્કી થઇ ગયો.
આગળની સ્લાઇડ્સમાં જુઓ અન્ય તસવીરો
