Home » National News » Latest News » National » Political parties focusing on regional social media and languages

સોશિયલ મીડિયાઃ નેતાઓનું ફોકસ હિંદી - ક્ષેત્રીય ભાષાઓ, હવે દેસી પ્લેટફોર્મ અપનાવી રહ્યાં છે

Divyabhaskar.com | Updated - Oct 12, 2018, 02:01 PM

નાના શહેરોના વોટર્સ પર ફોકસ કરવામાં આવી રહ્યાં છે જે અંતર્ગત પ્રમુખ નેતા હવે સોશિયલ પોસ્ટ પર હિન્દીનો વધુ ઉપયોગ કરે છે.

  • Political parties focusing on regional social media and languages
    +2બીજી સ્લાઈડ્સ જુઓ

    નવી દિલ્હીઃ પાંચ રાજ્યોમાં વિધાનસભા ચૂંટણીની તારીખોની જાહેરાત થઈ ચૂકી છે. ત્યારબાદ લોકસભા ચૂંટણીનો વારો આવશે. 2014ની લોકસભા ચૂંટણીમાં ભાજપે સોશિયલ મીડિયા ખાસ કરીને ફેસબુક અને ટ્વિટરનો જોરદાર ઉપયોગ કર્યો હતો. ત્યારબાદ લગભગ દરેક પાર્ટીએ સોશિયલ મીડિયાનો માર્ગ અપનાવ્યો. પરંતુ હવે રાજકીય દાવપેચ માટે સોશિયલ મીડિયાના ઉપયોગને લઈને પણ એક નવો ટ્રેન્ડ શરૂ થયો છે. હવે નાના શહેરોના વોટર્સ પર બે પ્રકારથી ફોકસ કરવામાં આવી રહ્યું છે. પહેલો- પ્રમુખ નેતા હવે સોશિયલ પોસ્ટ દરમિયાન હિન્દીનો વધુ ઉપયોગ કરવા લાગ્યા છે. બીજો- હવે એવા સોશિયલ પ્લેટફોર્મનો પણ ઉપયોગ કરવામાં આવી રહ્યો છે જેની પર ક્ષેત્રીય યૂઝર્સ વધુ છે. તેની પર રાજકીય પાર્ટીઓ અને નેતા સ્થાનિક ભાષામાં પોસ્ટ કરે છે.

    કોંગ્રેસની તુલનામાં ભાજપ હિન્દીના ઉપયોગમાં આગળ

    પાર્ટી

    હિન્દીમાં ટ્વીટ અંગ્રેજીમાં ટ્વીટ
    ભાજપ 75% 25%
    કોંગ્રેસ 40% 60%

    દેશમાં જેટલા મોબાઇલ યૂઝર, તેમાંથી અડધા જ કરે છે ઇન્ટરનેટનો ઉપયોગ


    ઇન્ટરનેટ યૂઝર: 50 કરોડ
    મોબાઇલ યૂઝરઃ 65 કરોડ
    મોબાઇલ ઇન્ટરનેટ યૂઝરઃ 32 કરોડ
    2020 સુધીનું અનુમાનઃ 72 કરોડ
    (નાના શહેરો, કસ્બા અને ગામના 57% મોબાઇલ ઇન્ટરનેટ યૂઝર્સ 25થી ઓછી ઉંમરના)

    75% ડિજિટલ યૂઝર પોતાની ભાષામાં પસંદ કરે છે સંવાદ


    ફેસબુક અને ટ્વિટર બાદ રાજકીય પાર્ટીઓ અને રાજ્ય સરકારોના મુખ્ય ચહેરા હવે શેર ચેટ (હિન્દી+14 ભાષાઓ), રોપોસો (હિન્દી+9 ભાષાઓ), મુંગાનૂલ (તમિલ), ઈ-જીલોન (બંગાળી) જેવા પ્લેટફોર્મ ઉપર પણ ઝડપથી સક્રિય થઈ રહ્યા છે. શેર ચેટનું ઉદાહરણ લઈએ તો તેને દેશી ફેસબુક કહી શકાય. તેની પર ફેસબુક-ટ્વિટરના મુકાબલે હિન્દી બોલવા, વાંચવા, લખવા અને કન્ટેન્ટ શેર કરનારા યૂઝર વધારે છે. હિન્દી ઉપરાંત તેમાં ભોજપુરી, હરિયાણવી અને રાજસ્થાની સહિત 14 અન્ય ભાષાઓનો વિકલ્પ પણ ઉપલબ્ધ છે. ખાસ વાત એ છે કે તેમાં અંગ્રેજી ભાષાનો વિકલ્પ નથી. ટિયર-2 અને ટિયર-3 શહેરોના બિન-અંગ્રેજી યૂઝરની વચ્ચે આ ફેસબુક-ટ્વિટરથી વધુ લોકપ્રિય છે.

    20 ગણા વધ્યા શેર ચેટના યૂઝર્સ


    ઓક્ટોબર 2015માં આવેલા આ પ્લેટફોર્મના યૂઝર્સ માત્ર 18 મહિનામાં 20 ગણા સુધી વધ્યા છે. જેમાં પોતાની ભાષામાં તમામ ફંક્શન ઉપયોગ કરવા સરળ છે. આ ઉપરાંત શેર ચેટની પોસ્ટને સરળતાથી વોટ્સએપ ઉપર પણ શેર કરી શકાય છે. આજ કારણ છે કે મધ્યપ્રદેશના મુખ્યમંત્રી શિવરાજસિંહ ચૌહાણ, છત્તીસગઢના સીએમ રમનસિંહ, મહારાષ્ટ્રના સીએમ દેવેન્દ્ર ફડણવીસ અને દિલ્હી ભાજપના અધ્યક્ષ મનોજ તિવારી જેવા ચર્ચિત નામ પણ શેર ચેટ પર સક્રિય છે. કોંગ્રેસના અનેક સ્ટેટ યૂનિટ પણ તેની પર એક્ટિવ છે.

    સસ્તા ઇન્ટરનેટે બદલી રાજકારણની ભાષા


    જિયો આવ્યા બષદ શરૂ થયેલા સસ્તા ડેટા યુદ્ધનો સૌથી વધુ ફાયદો નાના શહેરોના યૂઝરને મળ્યો. આ કારણથી પ્રાથમિક રીતે અંગ્રેજીની તુલનામાં હિન્દી અને ક્ષેત્રીય ભાષાઓ વધુ બોલનારા યૂઝરની સંખ્યા સૌથી વધુ વધી છે. 2011માં જ્યાં હિન્દી અને ક્ષેત્રીય ભાષામાં ઇન્ટરનેટનો ઉપયોગ કરનારાની સંખ્યા 4.2 કરોડ હતી, તે 2016-17માં આ આંકડો લગભગ 24થી 25 કરોડ યૂઝર પર આવી ગયો.

    પાર્ટીઓનું લક્ષ્ય નાના શહેરો


    ગૂગલ અને કેપીએમજીનું અનુમાન છે કે 2021 સુધી 18%ના વધારા સાથે હિન્દી સહિત અન્ય ક્ષેત્રીય ભાષાઓ બોલનારા ઇન્ટરનેટ યૂઝર્સનો આંકડો 53 કરોડથી વધુ હશે. બીજી તરફ, અંગ્રેજી ભાષા બોલનારા યૂઝર્સનો આંકડો માત્ર 3%ના વધારા સાથે 20 કરોડ રહેશે. એક પ્રમુખ રાજકીય પાર્ટીની સોશિયલ મીડિયા કેમ્પેન ટીમ સાથે સંકળાયેલા એનાલિસ્ટ મુજબ, હવે પાર્ટીઓનું લક્ષ્ય નાના શહેરોના યૂઝર પર છે. ફેસબુક અને ટ્વિટરના પ્રાઇમરી યૂઝર અંગ્રેજી ભાષાની સાથે સહજ છે પરંતુ ભાષા બેરિયરના કારણે નાના શહેરોના યૂઝર આ પ્લેટફોર્મ પર એટલા સહજ અને સક્રિય નથી રહેતા.

    કોઈ પણ રાજકીય પાર્ટીને આવો યૂઝર બેઝ વધુ જોઈએ જે તેમની કહેવાત વાતને સ્ક્રીનની સાથોસાથ ગ્રાઉન્ડ ઉપર પણ ફેલાવી શકે. લોકલ પ્લેટફોર્મ દ્વારા પાર્ટીના એજન્ડાની સાથોસાથ સ્થાનિક મુદ્દાઓ પણ સરળતાથી સ્થાનિક ભાષામાં લોકો સુધી પહોંચાડી શકાય છે. ફેસબુક કે ટ્વિટર યૂઝરના મુકાબલે લોકલ પ્લેટફોર્મના યૂઝર કોઈ એક પાર્ટીને વોટ આપવાની શક્યા વધુ હોય છે.

    યૂઝરની ભાષામાં પોલિટિકલ કન્ટેન્ટ પીરસવામાં આવી રહ્યો છે


    મોટાભાગે કન્ટેન્ટ વાઇરલ હોવાના ટ્રેન્ડની શરૂઆત લોકલ ભાષાના ચેટ ગ્રૂપથી જ થાય છે. કોઈ પણ પોસ્ટ આ લોકલ ગ્રૂપથી ટ્રેન્ડ કરવાનું શરૂ કરે છે અને ધીમેધીમે ફેસબુક, યૂટ્યૂબ અને ટ્વિટર જેવા પ્લેટફોર્મ પર સ્થાન મેળવી લે છે. શેર ચેટ જેવા પ્લેટફોર્મના મામલે પણ આ સિદ્ધાંત કામ કરે છે. અહીં યૂઝરને તેની જ ભાષામાં પોલિટિકલ કન્ટેન્ટ પીરસવામાં આવે છે. ભાષાની તકલીફ ન હોવાના કારણે યૂઝર તેને ગ્રાઉન્ડ લેવલ પર વધુથી વધુ શેર કરે છે. પરિણામ એવું આવે છે કે નિયત પોલિટિકલ એજન્ડાની પહોંચ જમીન પર વધુ મજબૂત થઈ જાય છે.

    જનતાની નસ પકડવી વધુ સરળ


    સોશિયલ મીડિયા એક્સપર્ટ્સ મુજબ, ફેસબુકના મુકાબલે સ્થાનિક ભાષામાં ઉપલબ્ધ સોશિયલ પ્લેટફોર્મ દ્વારા એ જાણવું સરળ છે કે કોઈ રાજ્યના કયા ભાગમાં ત્યાં સુધી કે કયા જિલ્લામાં કયો રાજકીય મુદ્દો વધુ પ્રભાવી છે. તે મુદ્દા સાથે જોડાયેલી પોસ્ટને કેટલી મોટી સંખ્યામાં પસંદ કે નાપસંદ કરવામાં આવે છે. કોઈ પાર્ટી કે નેતા કે પક્ષ કે વિપક્ષમાં વધુ માહોલ બનેલો છે.

  • Political parties focusing on regional social media and languages
    +1બીજી સ્લાઈડ્સ જુઓ
  • Political parties focusing on regional social media and languages
ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From National News

તમારો ઓપિનિયન પોસ્ટ કરો

લેટેસ્ટ કમેન્ટ્સ

તમારો પ્રશ્ન પોસ્ટ કરો

અનામિક ઉમેરોપ્રશ્ન ઉમેરો

લેખકને તમારો પ્રશ્ન મોકલો

અનામિક ઉમેરોપ્રશ્ન ઉમેરો

Trending