Home » National News » Latest News » National » કર્ણાટક રેલીમાં મોદીએ કોંગ્રેસ પર કર્યા પ્રહાર| PM Narendra Moodi attack on Congress and Rahul Gandhi

કર્ણાટક ચૂંટણી: મોદીએ કેમ કોંગ્રેસ સરકાર, સિદ્ધારમૈયાને ગણાવ્યા ફેલ?

Divyabhaskar.com | Updated - May 01, 2018, 03:33 PM

રેલીમાં મોદીના પ્રહાર: કોંગ્રેસ સરકાર તેમના વાયદા પૂરા નથી કરી શકતી, સિદ્ધારમૈયા સરકાર 10 કમિશન મોડ પર કામ કરે છે

  • કર્ણાટક રેલીમાં મોદીએ કોંગ્રેસ પર કર્યા પ્રહાર| PM Narendra Moodi attack on Congress and Rahul Gandhi
    +1બીજી સ્લાઈડ્સ જુઓ

    નેશનલ ડેસ્ક: કર્ણાટક ચૂંટણી પ્રચાર અભિયાનની પહેલી રેલીમાં વડાપ્રધાન નરેન્દ્ર મોદીકોંગ્રેસ શાસન અને રાહુલ ગાંધી ઉપર આકરા પ્રહાર કર્યા છે. કોંગ્રેસ વિકાસના દાવા અને જૂના વાયદાઓને યાદ અપાવીને પીએમ મોદીએ કહ્યું છે કે, છેલ્લા 5 વર્ષમાં સિદ્ધારમૈયા સરકારે કર્ણાટકને વિકાસના પથ ઉપરથી નીચે ઉતારી દીધું છે. પીએમ મોદીએ ચમરાજનગરમાં ચૂંટણી અભિયાનની શરૂઆતમાં રાજ્યની કોંગ્રેસ સરકાર અને કોંગ્રેસ પાર્ટીના અધ્યક્ષ રાહુલ ગાંધી પર 10 મોટા હુમલા કર્યા છે.

    1. સોનિયા ગાંધીએ 2005માં 2009 સુધી દરેક ગામમાં વીજળી પહોંચાડવાનો વાયદો કર્યો હતો. આ વાયદો પૂરો ન થઈ શક્યો. અમે હવે દરેક ગામ સુધી વીજળી પહોંચાડી છે.


    2. સિદ્ધારમૈયા સરકારમાં કોઈ સુરક્ષિત નથી. રાજ્યમાં કાયદો-વ્યવસ્થા ચિંતાજનક છે. અહીં સુધી કે લોકાયુક્ત પણ આ રાજ્યોમાં સુરક્ષિત નથી.


    3. ખેડૂતોની સ્થિતિ છેલ્લા પાંચ વર્ષમાં ખૂબ ખરાબ થઈ છે. સિંચાઈ માટે પાણી નથી મળી રહ્યું. અમે આ સ્થિતિમાં સુધારો લાવીશું.


    4. પીએમ મોદીએ કહ્યું દેશની આઝાદીની 75મી વર્ષગાંઠ સુધી અમે 2022 સુધી ખેડૂતોની આવક બમણી કરવામાટે અમે યોજનાબદ્ધ રીતે આગળ વધી રહ્યા છીએ.


    5. રાજકારણના ચક્કરમાં કોંગ્રેસના ચમરાજનગરમાં રેલવે પરિયોજનાને લટકાવી દીધી છે.


    6. કોંગ્રેસનું ચરિત્ર છે અટકાના-લટકાના અને ભટકાના. દરેક વિકાસના કામમાં એ લોકો આવું જ કરે છે. તેનાથી સામાન્ય લોકોના જીવન ઉપર ખૂબ ખરાબ અસર પડે છે. સમસ્યાઓ વધી રહી છે.


    7. કર્ણાટકના લોકોને અપીલ છે કે, વિકાસ માટે મતદાન કરો, જેથી લોકોના સપના અમે પૂરા કરી શકીએ.


    8. મારી સરકાર દિલ્હીમાં સામાન્ય જનતા માટે કામ કરે છે. કર્ણાટક પણ અમને આ મોકો આપવો જોઈએ. સરકાર બદલવાના નારાને પૂરુ કરવું જોઈએ.


    9. સિદ્ધારમૈયા સરકાર 10 ટકા કમિશન મોડ ઉપર કામ કરી રહી છે. અમે માહોલને ખતમ કરવાની તૈયારી કરી રહ્યા છીએ.


    10. કોંગ્રેસ અધ્યક્ષને દેશનો ઈતિહાસ પણ નથી ખબર અને ના તો તેમને રાષ્ટ્ર ગીતનું સન્માન કરતા આવડે છે. કોંગ્રેસના નેતા મનમોહન સિંહના આદેશનો પણ તેમણે અનાદર કર્યો છે. તેમના નિર્ણયને તેમણે પત્રકારસભામાં ફાડી નાખ્યો હતો.

  • કર્ણાટક રેલીમાં મોદીએ કોંગ્રેસ પર કર્યા પ્રહાર| PM Narendra Moodi attack on Congress and Rahul Gandhi
ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From National News

Trending