1

Divya Bhaskar

Home » National News » Latest News » National » PM Modi in Chhattisgarh today and will inaugurate health and wellness centre

આંબેડકરના કારણે ગરીબ માનો દીકરો વડાપ્રધાન બન્યો: છત્તીસગઢમાં મોદી

Divyabhaskar.com | Last Modified - Apr 14, 2018, 02:47 PM IST

મોદી આંબેડકર જયંતીના પ્રસંગે છત્તીસગઢના બીજાપુરમાં હેલ્થ એન્ડ વેલનેસ સેન્ટરનું ઉદ્ઘાટન કરશે

  • PM Modi in Chhattisgarh today and will inaugurate health and wellness centre
    +2બીજી સ્લાઈડ્સ જુઓ
    મોદીએ 'આયુષ્માન ભારત' યોજના હેઠળ પહેલા હેલ્થ એન્ડ વેલનેસ સેન્ટરનું ઉદ્ઘાટન કર્યું.

    નવી દિલ્હી/રાયપુર: નરેન્દ્ર મોદીએ શનિવારે છત્તીસગઢના બીજાપુરમાં કેન્દ્રની મહત્વાકાંક્ષી 'આયુષ્માન ભારત' યોજના હેઠળ પહેલા હેલ્થ એન્ડ વેલનેસ સેન્ટરનું ઉદ્ઘાટન કર્યું. મોદીએ બંધારણના નિર્માતા બાબાસાહેબ ભીમરાવ આંબેડકરને જન્મજયંતી પર યાદ કર્યા. મોદીએ કહ્યું, "આજે બબાસાહેબના કારણે એક ગરીબ માનો દીકરો વડાપ્રધાન બની શક્યો. મારા જેવા લાખો-કરોડો લોકોની આકાંક્ષાઓ, અપેક્ષાઓને જગાડવામાં બાબાસાહેબનું બહુ મોટું યોગદાન છે." મોદીએ કહ્યું કે આ હેલ્થ એન્ડ વેલનેસ સેન્ટર ગરીબોના ફેમિલિ ડોક્ટર તરીકે કામ કરશે. આયુષ્માન ભારતની વિચારધારા ફક્ત સેવા સુધી સીમિત નથી, પરંતુ જન ભાગીદારીનું આહ્વાન છે. ઉલ્લેખનીય છે કે આ નાણાકીય વર્ષમાં 18,840 હેલ્થ સબ સેન્ટરને વેલનેસ સેન્ટરમાં બદલવામાં આવશે. આ માટે કેન્દ્ર સરકાર અલગથી 1200 કરોડ રૂપિયાના બજેટની જોગવાઇ કરી છે.

    બીજા વેલનેસ સેન્ટરની પણ ચાલી રહી છે તૈયારી

    - બીજા વેલનેસ સેન્ટરની શરૂઆત ક્યારે થશે, તે સંબંધમાં જ્યારે નીતિ આયોગના મુખ્ય કાર્યકારી અધિકારી અમિતાભ કાંતને ભાસ્કરે સવાલ પૂછ્યા તો તેમણે કહ્યું કે તૈયારી ચાલી રહી છે. એટલું સરળ નથી હોતું આ બધું તૈયાર કરવું.

    - 2017-18ના બજેટમાં દોઢ લાખ હેલ્થ સબ સેન્ટરને હેલ્થ એન્ડ વેલનેસ સેન્ટરમાં બદલવાની ઘોષણા થઇ હતી. પણ બજેટની જોગવાઇ કરવામાં નહોતી આવી. 2018-19ના બજેટમાં આ યોજના માટે બજેટની જોગવાઇ કરવામાં આવી છે. તેનાથી તેને શરૂ કરવામાં સરળતા રહેશે.

    અમારો પ્રયત્ન બીમાર થવાથી રોકવાનો છે

    - મોદીના કહેવા પ્રમાણે, "જ્યારે અમે હેલ્થ એન્ડ વેલનેસ સેન્ટરની વાત કરીએ છીએ તો અમારો પ્રયત્ન ફક્ત બીમારીનો ઇલાજ કરવાનો નથી, પરંતુ અમારો પ્રયત્ન બીમારીને રોકવાનો પણ છે."

    - "દેશમાં ડાયાબીટિસ, હૃદયરોદગ, શ્વસનની બીમારીઓ, કેન્સર વગેરેને કારણે 60% મૃત્યુ થાય છે. આ બીમારીઓની સમયસર જાણ થઇ જાય તો તેને વધવામાંથી રોકી શકાય. હેલ્થ એન્ડ વેલનેસ સેન્ટર પર તમામ તપાસ મફતમાં કરવાનો પ્રયાસ કરવામાં આવશે. યોગ્ય સમયે થતી તપાસ ફાયદાકારક હોય છે. માની લો કે 35 વર્ષનો કોઇ યુવાન તપાસ કરાવે અને બ્લડપ્રેશરની સમસ્યાની જાણ થાય તો ભવિષ્યમાં થનારી ગંભીર બીમારીઓથી તે બચી શકે છે."

    આગળની સ્લાઇડમાં જુઓ અન્ય તસવીરો

    ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર
  • PM Modi in Chhattisgarh today and will inaugurate health and wellness centre
    +1બીજી સ્લાઈડ્સ જુઓ
    વડાપ્રધાન મોદી આજે છત્તીસગઢમાં.
  • PM Modi in Chhattisgarh today and will inaugurate health and wellness centre
    વડાપ્રધાન નરેન્દ્ર મોદીએ સંસદમાં બાબાસાહેબ આંબેડકરને આપી શ્રદ્ધાંજલિ.

More From National News

Trending