Divya Bhaskar

Home » National News » Latest News » National » Photo of little girl paying tribute to her martyr father Deepak Nainwal is Viral

શહીદ નૈનવાલની માસૂમ દીકરીએ કહ્યું- પપ્પા આકાશમાં સ્ટાર બની ગયા

Divyabhaskar.com | Updated - May 22, 2018, 03:25 PM

કાશ્મીરમાં આતંકીઓ સાથે લડતા શહીદ થયેલા પિતાને દીકરીએ આપી અંતિમ વિદાય

  • Photo of little girl paying tribute to her martyr father Deepak Nainwal is Viral
    +2બીજી સ્લાઈડ્સ જુઓ
    બાળકીના પિતા નાયક દીપક નૈનવાલનું પુણેમાં ઇલાજ દરમિયાન અવસાન થઈ ગયું હતું.

    નવી દિલ્હી: આંતકીઓ લડતા-લડતા શહીદ થયેલા સૈનિકને વિદાય આપનાર તેમની માસૂમ દીકરીનો ફોટો સોશિયલ મીડિયા પર વાયરલ થઇ ગયો છે. તેમાં તે બંને હાથ જોડીને પોતાના પિતાને રડતા-રડતા શ્રદ્ધાંજલિ આપી રહી છે. આ ફોટા વિશે ટ્વિટર પર ઘણા લોકોએ આશ્વાસન આપતાં ટ્વીટ કર્યા છે. એક વ્યક્તિએ લખ્યું- તમે દીપક નૈનવાલની જ નહીં, આખા ભારતની દીકરી છો. અમને તેમના પર ગર્વ છે. નાયક દીપક નૈનવાલ જમ્મુ-કાશ્મીરના કુલગામમાં આતંકીઓ વિરુદ્ધ કરવામાં આવેલી કાર્યવાહી દરમિયાન ઘાયલ થઇ ગયા હતા. પુણેના કમાન્ડ હોસ્પિટલમાં ઇલાજ દરમિયાન રવિવારે તેમનું અવસાન થઇ ગયું હતું.

    માસૂમે રડતાં-રડતાં પપ્પાને આપી શ્રદ્ધાંજલિ

    - શહીદ દીપકની માસૂમ દીકરીએ પોતાના પપ્પાને શ્રદ્ધાંજલિ આપી. દીકરી સમૃદ્ધિએ શ્રદ્ધાંજલિ આપતા કંઇક એવી વાત કરી કે તમામ લોકોની આંખો ભરાઈ આવી. તેણે કહ્યું, 'પપ્પા આકાશમાં સ્ટાર બની ગયા છે.'

    ટ્વિટર પર કોણે શું લખ્યું?

    @ravikant1

    - "આ દીકરીનું દર્દ દરેક વ્યક્તિ સમજી શકે છે. મારો તમારા માટે સંદેશ- બહાદુર બનો. અમે તમારી સાથે છીએ. તમે ફક્ત દીપક નૈનવાલની જ દીકરી નથી. તમે આખા ભારતના દીકરી છો. જવાન દીપક નૈનવાલ પર ગર્વ છે."

    @advocate_alakh

    - "આજે તમે ઇન્ટરનેટ પર દુઃખદ તસવીર આપી દેશો. કુલગામ (જમ્મુ-કાશ્મીર)માં શહીદ થયેલા જવાન દીપક નૈનવાલની દીકરી પોતાના પિતાને શ્રદ્ધાંજલિ આપતા ખૂબ રડી. કોઇ દહેરાદૂનનો રહેવાસી મિત્ર મને તેમનો નંબર અપાવી શકશે? હું મારી ભાવનાઓ વ્યક્ત કરવા માટે તેમને મળવા માંગું છું."

    @HatindersinghR

    - "તેઓ 17 કલાક સુધી આતંકીઓ સાથે મુકાબલો કરતા રહ્યા. વાહેગુરૂ તેમના આત્માને શાંતિ આપે."

    @BanikSahebb

    - "35 વર્ષના નાયક દીપક નૈનવાલે આપણા મહાન દેશ માટે શહાદત વહોરી. ઈશ્વર તેમના આત્માને શાંતિ આપે. અમે બધા તેમના પરિવાર માટે પ્રાર્થના કરીએ છીએ."

    નૈનવાલના હરિદ્વારમાં અંતિમ સંસ્કાર

    - નૈનવાલનો પાર્થિવ દેહ સોમવારે દહેરાદૂન લાવવામાં આવ્યો. જૌલીગ્રાન્ટ એરપોર્ટથી તેને સીધો મિલિટ્રી હોસ્પિટલના શબગૃહ લઇ જવામાં આવ્યો.

    - સૈન્ય સન્માન સાથે મંગળવારે હર્રાવાલા સ્થિત તેમના ઘરેથી તેમની અંતિમ યાત્રા શરૂ થઈ. હરિદ્વારમાં શહીદ દીપક નૈનવાલનો અંતિમ સંસ્કાર કરવામાં આવ્યા.

    દીકરાનું શબ જોઇ બેભાન થઈ માતા

    - નૈનવાલનો પાર્થિવ દેહ હર્રાવાલા પહોંચ્યો તો ત્યાં હાજર દરેકની આંખોમાં આંસૂ હતા. પત્ની અને માતા તો રડી-રડીને બેહાલ હતા.
    - અંતિમ દર્શન માટે જ્યારે નૈનવાલનો દેહ ઘરમાં રાખવામાં આવ્યો તો દીકરાનો ચહેરો જોતાં જ માતા બેભાન થઈ ગઈ.

    10 એપ્રિલના રોજ આતંકીઓ સાથેની અથડામણમાં ઘાયલ થયા હતા નૈનવાલ

    - કુલગામના ખુડવાની વિસ્તારમાં 10 એપ્રિલના રોજ પોલીસ અને સેનાની આતંકીઓ સાથે અથડામણ થઈ હતી.

    - આતંકીઓ તરફથી કરવામાં આવેલા ફાયરિંગમાં સેનાનો એક જવાન શહીદ થઇ ગયો હતો. ત્રણ નાગરિકો ઘાયલ થયા હતા. દીપક નૈનવાલને બે ગોળીઓ વાગી હતી.

  • Photo of little girl paying tribute to her martyr father Deepak Nainwal is Viral
    +1બીજી સ્લાઈડ્સ જુઓ
    આ ફોટો સોશિયલ મીડિયા પર વાયરલ થઈ રહ્યો છે.
  • Photo of little girl paying tribute to her martyr father Deepak Nainwal is Viral
    નાયક દીપક નૈનવાલ જમ્મુ-કાશ્મીરના કુલગામમાં આતંકીઓ વિરુદ્ધ કરવામાં આવેલી કાર્યવાહી દરમિયાન ઘાયલ થઇ ગયા હતા. (ફાઇલ)
ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From National News

Trending